الكاتبه : اديان
#المغوار
لا تنسون التصويت + تعليق بين الفقرات +
متابعة لحسابي 🤍
________________________
2:30 ظهراً .
- كاعدين كُلنـا بـ الاستقبال وبس صوت
البچي واللطم والمُلا تنعى وخالتي
گطعت روحها من البجي وجها صار احمر
وخواتها نفَس الـ شي
الله يساعدهن مو هينه ، اليوم السبعه مالتها
وبقينه يمهم بالبصره صارلنه أسبوع
عود باجر نرجع واني بالتواسيل يلا الدكتور
قبل اخذ اجازه .
شفت اجاني اتصال من رُقيـه جاوبتها
وسلمت عليه وعزتني بـ وفاة بت خالتي
وكلتلي الدكتور جايـب بنيـه!
- شتحچين رُقيـه !! هو غير ماخذه اجازه
رُقيـه : اي ولج حتى اني انصدمت
وكلتله اني والولد كال لا تدخلون مو شغلكم
- والبنيه منين؟
رُقيـه : حچيت وياها كالت اني رُسـل من
أربيل ساكنين واجينه لبغداد وادور ع شغل
والدكتور جوارينه فـ عرف وشغلني
- خرب وانييي؟؟
رُقيـه : تعالي من ترجعين وكليله
حجينه شويه وسديت الخط سألتني اماني
ليش ضايجه كتلها الصار
وصتني اروح واشوف السبب ، ثاني يوم
رجعنه للبيت واخيراً
اول يوم مارحت ثاني يوم قررت اروح
رحت للعياده سلمت ع بنات والشباب
وشفت البنيه طويله وضعيفه وملامحها حلوه
ولابسه بنطرون وقميص وشال واكفه تكتب
مدري شنـو
بدون سلام اريد اطب لغرفة الدكتور وكفني
صوتها وهي تگول :
رُسـل : عيني وين داخله!
- لغرفة الدكتور يعني وين مثلاً ؟
رُسـل : غير تنتظرين يلا ادخلين
- عيني اني مو مراجعه وخليني افوت
عفتها وفتت للغرفة كاعده مره جبيره وبنيه
سلمت وردو السلام
انتظرتهم يخلصون شويه وراحو
- دكتور ليش مشغل غيري!
- بطلتچ
- السبب؟
- مُهمله بـ شغلج وكلساع اجازه
- اني مهمله بـ شغلي ؟؟
- اي وظفت الأحسن منچ ، رُسـل خوش
بنيه ومؤدبه وملتزمه بـ شغلها
