ذراري الهجرس

الفصل الأخير

اجيت ياحلوين ❤️ هذا اخر بارت اتمنى تستمتعون بي ولا تنسون المتابعة والتصويت الكومنتات الحلوة بل فقرات 🤭❤️
*********************************

الجزء الأخير....

بقلمي : زينب أنمار ✨

رَدت الجميل بل القبيح فحزنت لكنني عندها تذكرت قول الله تعالى في كتابه الكريم  : (هَلْ جَزَاءُ الْإِحْسَانِ إِلَّا الْإِحْسَانُ)

فعلا الإحسان لا ينتهي بل إحسان ولا الناس تقابلك بخير ماتفعل إنما تقول لك افعل لنا الخير نزدك من جرعة الشر وهكذا كانت حياتي

اعطي الخير والمحبة لكل الناس وما اتلقى منهم غير الاذية والاستغلال رجعت للواقع بصوت حيدرة يصيح باسمي وفزعة ماغاب عني لكن جسمي رفض يكوم ويطمنه

اختفى صوته ورجعت افكاري تهاجمني من كل جانب وصوب بحيث اخلص من وحده تطلعي ثانية

وصوت هذا الشخص كلما يجي يزيد وينطبع بذاكرتي هذا صوت سامعته واعرفه بس منو هو مااعرف

اجه لاذاني صوته الحلو الخايف عليه وهو يقول : عزيزة كلبي كومي بنيتي

نزلت دموعي وحاربت افتح عيوني مااريد اصحى على غيابه ويختفي هذا الصوت رجع حجى مرة ثانية : طيرة

غلبت نفسي وفتحت عيوني : بابا

شفع : يروح ابوج وكل فرحته

تمسكت بيده مامصدكه هو فعلا هنا لو اني بعدني مكايمة لحد هسه رجعت حجيت بخوف : اجيت لهنا ؟

شفع : اي مو كتلج بعمليتج تكليني يمج وهاي اجيت

هزيت راسي وابتسمت فرحانة بجيته ووجوده وياي حسيت بيده الي بدت تمسح على شعري وصوته الحنون يسرد ألي اجمل الأحلام : هاي المرة من تكومين راح تشوفين كلشي بعيونج الحلوة تتلون الحياة كدامج وبعد مااخاف عليج

استغربت من كلامه ولزمت ايده وكفتها : تعوفني من ارجع اشوف؟

شفع : وين اكدر اعوفج بنيتي

: لا تسوي شي تدمرني اكثر مما اني مدمرة

شفع : لا تخافين ماافرط بروحي لاجلكم

: اذا مو لنفسك علمودنا وراك نضيع

شفع : وحق عيونج الحلوة ماكو شي كافي ترجفين

هزيت راسي ورجعت تمددت واجت اللحظات والكلام الي دار بيناتنا اني واختي قبل لا يغمى عليه

فاجئني شفع من حجه : درة مظلومة لا تظلميها انتي هم

صراحة كلش تفاجئت بدفاعه عنها بس مابينت اله ورديت بعدم مبالاة : ما اظلمها لا تخاف هي بمكان واني بمكان

تنهد : مو هيج طيرة انتي وهي ماالكم غير بعضكم يعني اذا تعاركتو منو يستفيد انتي لو هي

: جان فكرت قبل لا تسويها وتجرحني بكل هذا الكلام واني اصلا مامسويه الها شي