⭐️⭐️⭐️⭐️⭐️
خفق نبض قلبها وحسّت ان الدنيا تدور بها، ماتصدق الي تسمعه منه ولا من عيونه الي صدت عنها بعد مانطقها، مانزلت دمعه منها بوجوده ولازمت جمودها، وكأن الوقت وقف في لحظتها وكأنه بدا يستوعب فعلته وخرج من الدكة يجر خيبته معاه
أُستنزفت طاقته وتعبت منه، حاول لكنها تأبى تفهمه، متناقضين بكل حاجه حتى بالمشاعر الي بينهم، حقيقة ان الانفصال كان مرادها منزمان وحقيقة انه عطاها بالنهاية تترك ندوب في دواخلهم هم الاثنين
طلعت من الدكة تمسح دموعها الي تأبى انها توقف، تحاول تنظم انفاسها الي تسارعت نتجية هيجان دواخلها، بالرغم من تعبها الا انها جرت خطواتها لفوق بشكل اسرع من قبل لعل وعسى محد يلمحها وهي بهالحاله، دخلت غرفتها تشوف المها الي ماطلعت منها تنتظرها، والي استغربت حالتها توقف مسرعه لها، ماانتظرت وصيف ايّ تبرير تقوله لحالتها الا انها ارتمت في احضان المها تبكي، والي شدت عليها تستغرب وكثير
توقعت انها رح تطلع من عنده والراحة غامرتها او الحمره تكسو ملامحها لكن تذكرت ان زوجها هو اخوها وانه هو سفاح بحد ذاته، شدتها تمشي معها للسرير ترتمي عليه تشربها كاس مويه لعل وعسى تهدى
جلست المها امامها بخوف تحسه في داخلها من حالتها واردفت بخفوت : خوفتيني عليتس..وش صاير؟
رفعت وصيف نظرها لها تغمض عيونها وتنزل دمعه منها : طلقني
ارتخت ملامح المها ترتسم الصدمه على ملامحها : ايـش!
هزت راسها وصيف بخفوت تأكد : طلبت الطلاق وطلقني
اردفت المها بنبرة ذهول : لٰيـه؟؟
مسحت وصيف على ملامحها ترتجي وتهز راسها بالنفي: تكفين المها اتركيني بحالي شوي
هزت راسها المها بالايجاب واردفت : علمتي احد؟
هزت وصيف راسها بالنفي بخفة وكملت المها : لاتعلمين..خلينا نحلها بهدوء
ماردت عليها وصيف تتنهد المها وتقوم تتركها على راحتها وتطلع من الغرفة، انقبض قلبها لوهله وحست بالأحساس الي تحسه وصيف، في يوم من الايام هي طلبت الطلاق من رماح لكن أبى انه يطلقها وتفاهم معها بالحسنى اما عن سفاح؟ تسأل الله السلامه من الوضع الي تركهم فيه
نزلت لتحت تحس بصداع ودوخه كالمعتاد، تحاملت على نفسها ونزلت تشوف ام عراب ناويه تصعد لبنتها وتداركت الوضع المها تردف : ام عراب
لفت لها ام عراب تنتظر ردها وكملت المها : وصيف تبي ترتاح شوي خليها..تقدرين تجين معي اليوم للعيادة؟
ام عراب بنوع من التردد: ايه ابشري بس على حسب علمي بن عفيف جايين والشيخة نورة بتصير لحالها
غمضت عيونها المها بهدوء تتذكر : يوه صح! نسيت والله خلاص بأجلها لبكره تعالي معي نروح للشيخة نورة يمكن تحتاج شي او حاجه
هزت راسها ام عراب بتنهيده عميقه وتوجهوا للمطبخ، وكالعاده الشيخة نورة رفضت مساعدة المها وتركتها تجلس بجلسة الحوش مرتاحة
