دامك زرعتي الحب بداخلي ورد انا ما ابي غيرك من الناس يسقيه

~الــنــهــايــه~

«صباح يوم جديد »
صحت ملاك وسوت روتينها اليومي
محمد يناظر فيها وهو خايف عليها من أن يصير لها شيء
ملاك ناظرت فيه وتنهدت جت قدامه تحط يدها ورا رقبته
محمد أنصدم من جرأتها وابتسم
ملاك تناظر في عيونه
ملاك:محمد
محمد:عروق محمد
ملاك :اذا صار لي شيء بالمستقبل ابيك تعرف اني احبك ومستحيل احب غيرك
محمد غمض عيونه:بسم الله عليتس بإذن الله ماراح يصير لتس شيء
ملاك ابتسمت :انت عوضتني عن اشياء كثيره استحملتني واستحملت نفسيتي واحترمت رأي عزالله مابلقى زيك
محمد حظنها بقوه:لا تقولين تسذا أنتي بتبقين طول عمرتس معي وبنجيب عيال وبنربيهم سوا ونموت سوا
ملاك بادلته الحظن وهي خايفه من شيء ماتدري وشو خايفه مفلح يتهجم على محمد
بعدت ملاك منه:محمد عادي اروح معك اليوم
محمد:ابشري انتي لو تقولين ابغى روحك اعطيتس يلا مشينا
ابتسمت ملاك بوجهه وشالت اغراضها
ركبت السياره وحركو للجامعه
«عند البنات»
ايلاف :غريبه وين البنات
الجوهره:كل وحده مع زوجها ميار مع سلطان وملاك مع محمد وملاذ مع عبدالملك
ايلاف ضحكت :الله يخلي لنا العزوبيه
الجوهره :بنات ابي اقولكم شيء ولد عمكم الي تهاوشت معاه امس وربي مزز حظ الي بتتزوجه
ليان تضحك:تحسد نفسها ذي
الجوهره:لا مستحيل أمس تهاوشت معه مستحيل يناظر فيني
ايلان ضحكت :الحب يغير معليتس مشاري طيوب
الجوهره:اي اي طيوب صدقت
«الشاعر والدلوعه»
ركبت السياره ومسك يدها محمد
ملاك:اذا احد أخذني منك بتحميني
محمد:ابك مايلمس من دلوعتي شعره وانا عايش
ملاك ابتسمت تقرب يده لها وتحظنها
ملاك:شاعري بتحب غيري؟
محمد:مستحيل
ملاك ابتسمت بغرور:اكيد لاني اجمل وحده بالعالم
ضحك محمد:

قالت اصلا انا اجمل واعظم فتاه
قلت هذا الغرور الي مخليتس غير
هيبة الكبرياء وعنفوان الدهاه

روعت كل من هو حول زولتس يسير
لاحكيتي تغني الأرض حب وحياه
لا سكتي يفوج الجو ومسك وعبير

لامشيتي حسنتس العف يتعب من وراه
لا وقفتي كل الأعيان حولتس تستدير
یا مبسم ربي مِن الورد سواه كامل مابه

كامل ما به من العذاريب ذره
ياغزال فضوح الزين عنها اشتهر
في عيونك ملاك وسط قلبي

وحيد مخطي اللي يشبه وجنتك
بالزهر والزهر ماله رماح تصيب
لو جحدت المحبه سقم حالي
وظهر مير ماكل قلب يأصل
المحبه

ابتسمت:جعلي ما انحرم منك
محمد:ولا منتس
دق شهام على محمد
شهام:محمد وينك
محمد:رايح الجامعه
شهام:طيب لا تروح القسم تعال لمكانا
محمد:ابشر
سكر ووصل ملاك الجامعه اول ماشافها دخلت
حرك لورا الجامعه يخفي سيارته ويروح يبدل ملابسه
شهام:لا تخلون أحد يصحى عليكم
محمد:ابشر
لبسو وتوجه كل واحد لشغلته
«عند البنات »
دخلت ملاك الجامعه ومبسوطه
الجوهره:ايوه وش عنده الحلو مبسوط
ملاك:يوم ميلادي اليوم الساعه12حماس
الجوهره :تم نجهز لتس حفله
ملاك رفعت يدها تشوف أظافرها :لا بحتفل مع شاعري
إيلام:اقعدد شاعر وحركات
ملاك ضحكت:ايهه
الجوهره :امشي على المحاظره يا عيون شاعرتس
ملاك:فديته
إيلام:ورعه اثقلي
ملاك:شسوي احبه
مسكتها إيلام:حبتس نعامه
مشو البنات للمحاظره واستغربت ملاك هدوء مفلح وأنه ماناظر فيها بس ابتسمت وقالت:الحمدلله يارب يبعد عني
لكن جاهله أن هدوء مفلح بيكون سبب أنه يدمر حياتها
مر اليوم طبيعي وطلعو البنات
الجوهره:تمشين معنا؟
ملاك:لا محمد بيمرني
الجوهره:تمام
ودعت البنات وطلعو وملاك قعدت على الكراسي
لفت تشوف شلة مفلح يناظرونها ومشو
عقدت حواحبها:شفيهم ذولي
شافت محمد بس كان متنكر شافته يشيل الاغراض ويوديها
راحت عنده:عم عم
لف محمد عليها يغير صوته:سمي يا بنيتي
ملاك:بساعدك يا عم بتتعب
محمد:لا يا بنيتي مايحتاج
ملاك:لا عادي ماوراي شيء
محمد:يا بنيتي مايحتاج انتي روحي يمكن اهلتس يحترونتس  برا
ملاك ابتسمت:عم زوجي لسا ماجا عادي بساعدك انت بمثابة ابوي الله يرحمه
محمد:الله يرحمه
شالت ملاك الاغراض معاه وتساعده
وتطالع لقت الجامعه تفضى ومحمد لسا ماجا جاهله محمد عندها وتساعده
وكانت هاذي خطه من محمد أنه يتأخر عشان تتنفذ خطته ويمسكون شلة مفلح
بعد ماخلصت قعدت ملاك وجا محمد يقعد عندها
محمد:علامتس يا بنيتي مارحتي للحين
ملاك:يا عم شكل شاعري سحب علي
محمد:لا يمكن ماسحب عليتس هو يحبتس؟
ملاك ابتسمت:ايه يحبني ما اخيل حياتي بدونه
ناظر فيها وابتسم وده يحظنها بس مايبي يخرب الخطه
محمد:بنيتي انا بروح واجي انتي اطلعي برا يمكن زوجتس جا
ملاك:ابشر يا عم بس انتبه على نفسك ولا تتعب نفسك
محمد:ابشري يا بنيتي
طلعت ملاك ورفع محمد الجهاز حقه
محمد:عاجل عاجل استعدوا الضحيه طلعت ببدل ملابسي واجي راح محمد ركض يغير ملابسه ويطلع يلحق ملاك
كانت ملاك تمشي ولا لقت محمد
جا مفلح من وراها :تدورين شيء
لفت ملاك وتوترت يوم شافت مفلح لكن مابينت
ملاك:لا ماادور شيء
وكانت تدعي ربها محمد يجي الحين
مفلح: تبيني اوصلتس
ملاك تناظره من فوق لتحت:لا مايحتاج زوجي بيجي الحين
مفلح ابتسم بخبث :زوجتس؟
ملاك:ايه
جا تركي من ورا ملاك وحط المخ##در على وجهها  وهي تبعد تحاول لكن ماقدرت على اثنين واغمى عليها
شالها مفلح وحطها بالسياره ويناظر بملاك
مفلح:أجل تنتظرين زوجك اوريك
حركو السياره وجا محمد:وين ملاك
العساكر:خطفوها
محمد عصب:وشلون خطفوها!!
العساكر:انشغلنا شوي
محمد:وشو انشغلت مو قلناااا اذا تقدم مفلحححح تمسكونهههه الله يلعنكممممم زوجتيييي!!!!!!!
وراح يركب السياره بسرعه ماكان مخطط تسذا
دخل جواله يروح ورا موقع ملاك لأنه حط جهاز تعقب في ملابس ملاك
كان يمشي بسرعه جنونيه ومو شايف شيء من الخوف على ملاك
دق على نواف يصارخ:نوافففف بسرعههه جهززز الدوريه والاسعاف والحقوني برسل لك الموقععع بسرعههههههه
نواف:يلا يلااا جاييي
محمد سكر وهو خايف على ملاك وكان الطريق  بعيد مره
«عبدالملك»
كان قاعد بالبيت يطقطق بجواله
يدق على ملاك وماترد
عبدالملك:يا ليل شعندها ذي
دق على محمد
محمد رد :الو
عبدالملك:هلا والله بولد العم شفت ملاك ماترد
محمد غمض عيونه:برسل  لك موقع واتبعني ملاك انخطفت من عصابه
فز عبدالملك من مكانه:ابنن سعوددد انخطفت وش تخربط انت
محمد:مو وقت اسئله عجل
سكر عبدالملك ويصارخ:عبدالمجيددددد عجلللل بسرعههههه
عبدالمجيد:وش فيه
عبدالملك وعيونه حمرا:بسرعههه ملاك انخطفت الحقني
عبدالمجيد:اخووو ملاكك وش انخطفتت!!!
عبدالملك:عجل انتظرك انا
طلعو عبدالمجيد وعبدالملك متوجهين للموقع الي ارسله محمد ومايشوفون شيء مشوشين اي ضرر يمس اختهم ينجنون
«في مكان مظلم»
فتحت عيونها لقت نفسها مربطه:وين انا
مفلح: اخيرا صحيتي يا عروسه
ملاك تناظر فيه وتصرخ:يا حيواننن فكنيييي لا تقرب منييي وربي اوريككك
مفلح ضحك:لا تحسبيني كافر وصيت واحد من العيال يجيب الشيخ عشان نتزوج
ملاك:تعقبببب تعقبببب وربي تعقبببب ماني ماخذتك ماني ماخذتككككك!!!
جا امير من بعيد يصرخ:انطمييي!!
ملاك لفت عليه وانصدمت:امير؟
امير يضحك:ايههه اميرر واسمي ياسررر
ملاك تصرخ:يا كلاببببب فكونيييي!
تقدم مفلح يمسك فكها بقوه:ماني كلببب مانييي كلبببب انا زوجك !
رمى وجهها ملاك تصرخ:تعقبببب وربي ماينربط اسمي بإسمك تعقبببب
دخلت سارا تضحك:هلا والله بزوجة اخويييي
ملاك:تخسينننن تخسيننننن انتي واخوتسسسس
سارا تقدمت تضرب ملاك كفوف وتمسكها من شعرها:أجل انا بوي وانا اقلد عيال
ملاك تتنفس بصعوبه :بعدي عنييي يا مريضه
ملاك خشمها ينزف
مفلح يصرخ:ابكيييييييي ابكيييييي صارخييييي !!!
ملاك ضحكت:ترا مو عشان نزل مني د##م من خشمي ابكي وأصيح واقول الحقوني اعيد واكرر انا ما احتاج أحد انا اقدر ادافع عن نفسي فاهمممم والله معي والله شايف والله ينصرني عنكم
ضحك امير وبدأ يضرب ملاك كفوف الين ماحمر وجهه
وملاك تناظر فيهم بدون قلب وبدون تنزل منها قطرة دمعه
دخلت مريم شافتها ملاك ونطقت: مريم كيف جيتي هنا؟
دخلت سارا ورا مريم وابتسمت تحط يدها على كتوف مريم
سارا:شي اختي اسمها سلاف وترا كل معلوماتس واسمستس وكل شيء من عند اختي الحلوه سلاف
ناظرت لها ملاك وضحكت سلاف:تحسبيني يعني بصادقك انتي وبنات عمك المريضات وربي تفشلون وانا ما صادقتك الا عشان اخوي لان اخوي خاق عليك من وانتي صغيره الصراحه مدري وش شايف فيك ومدري اصلا كيف تحملتكم
ملاك:يعني كل شيء كذب
سلاف:ايوه انا اسمي سلاف مو مريم وعمري25مو19
واخواني مفلح وياسر يعني كل شيء كذب واقعدي هنا تعذبي يا فاشله
ملاك:تحسبين اذا قلتي كذا ببكي يعني وبنجرح لا والله طز ماهميتينا يا المريضه
سلاف تناظرها وتضحك وطلعت
ملاك رجعت ورا تستوعب الي سمعته وأنها انغدرت من اعز صحباتها
«عند محمد »
يسوق بجنون كان المكان يبعد عنه11ساعه
وهذا الي يبيهه مفلح يبي يكون بعيد المكان عشان اذا جت الساعه12يحتفل بملاك محمد منجن يوم عرف المكان بعيد وضرب الدركسون:مفلححح يا حيواننننننن اوريكككك أجل تذلنيييي بنقطةةة ضعفيييييي وربييييييي لاتندمممم!
يسوق وهو خايف على ملاك يصير لها شيء لأن مفلح مجنون يسوي اي شيء عشان ياخذ الي يبيه
«عند مفلح »
دخل وهو مبتسم
وملاك شافته وتتصدد عنه
مفلح تقدم عندها يمسك شعرها ولعب فيه
ملاك:اتركك شعريييي اتركنيييييي لااا تلمسنيييي!!
مفلح يضحك:بعد يوم ميلادك بنتزوج وبنسافر بعيد واي احد يحاول يطلع بوجهي اذبحه بدون تردد
ملاك ضحكت:ياربييي احلامك واسعه لا تحلم لان محد زوجي الا محمد ومحد له حق يلمسني الا محمد ومحد له حق يحبني الا محمد فا لا تحلم حتى لو محمد ماجا وساعدني افضل الموت ولا افضل اني اتزوج من واحد نسونجي ومريض ومختل وسايكو وم##جرم
مفلح عصب ومسكها من شعرها:اسكتيييي!!
ملاك:ولو انك تحبني صدق مو مبرطني وتضربني تعلم الحب وش يعني يا سايكو
ضربها مفلح كف وطلع برا وملاك مبتسمه تدعي ربها أن محمد يجي ويساعدها
ملاك بهمس:حشا فلم هندي يخفطني ويتزوجني هههههه جت ببالي
ملاك:وربي أن حن بفلم هندي اذا جا بيتزوجني ومحمد يجي يساعدني اخخ بطنييي
«بعد مرور 11ساعه من الضرب والاهانه والقوه والخوف والغضب وصل محمد والدوريات وجا يوم ميلاد ملاك»
جا محمد بيدخل بس مسكه نواف
محمد:فكونيييي فكونييييي ملاك داخللللل فكونيييي
نواف صرخ:هددد ياخويييي هددددد مو تسذاااا ندخلللل
محمد :بسرعه وش تبون وش تبونننن!!
نواف:أسمعو بنلبس زي ذولي الحراس عشان مايشكون
محمد:طيب وبعدين
بدأ نواف يسرد لهم الخطه وهجد محمد لأن نسبة نجاح الخطه٩٩٪٩٠
وصل عبدالملك
عبدالملك:وينها وينها وينها اختييي وينها
نواف:عبدالملك هد شوي مسوين خطه
عبدالمجيد:نواف تكفى وينها اختييي
نواف: يا مسلم  لو اعرف كان جبناها
قعد عبدالملك على أعصابه يسمع لنواف
«عند ملاك»
بعد ماتصفقت بكل مكان ويستفزونها صامله على أنها ماتخاف ومتوكله على الله
مفلح دخل ومعه كيكه مزينه بالكرز ولونها احمر يعني كيف اقولكم نازل منها لون الاحمر كنه دم وعليها عمر ملاك19
مفلح قعد يغني فوق راس ملاك ويضحك وملاك مغمضه عيونها تستغفر
مفلح:كل سنه وانتي بخير حبيبتي الكيكه مزينه باللون الي بينزل منتس اليوم الي بتتغرقين فيه اليوم موتك يا حلوه نقطع لحمك وارميه للكلاب
ملاك ضحكت:جعلك مو سالم قول آمين وبعدين وبعدين لو تتقطع انت لحم ما اخذتك وتراني ماني خايفه من الموت تحسبني خايفه لا والله الي بيخاف من الموت اليوم فهو انت لا تحسبني ضعيفة شخصيه وعشاني بنت مقدر اسوي شيء البنت الي قدامك تسوى عشر رجال من امثالك الي قدامك ملاك بنت سعود
مفلح ضحك:اخخخ تضحكيني كلي يا قلبي كلي
ملاك:الكيكه بفلوس مين؟؟
مفلح:فلوسي اكيد
ملاك:والله ما اكل من فلوس حرام
مفلح:يعني المسأله عناد؟؟
ملاك:ايه والي بيبلعها انت مو انا
رفعت رجلها وطاحت الكيكه على وجهه مفلح
عصب مفلح وقال:يا بنت###
ضرب ملاك كف وطلع من عندها
وملاك:مبزره وربي لاوريك
«عند العيال»
بعد ماسمعو خطة نواف
توزعو بالمكان بدلو ملابسهم لملابس الحراس
ودخلو شوي شوي يسحبون حراس ياسر وسحبوهم ربطوهم وأخذو مكانهم
نواف:محمد يلا انقز ادخل عند ياسر
محمد:تم
تقدم محمد عند الباب واعطى اشاره لنواف
وأطلقو الن#ار في السماء على أساس هجوم
دخل محمد يخشن صوته:سيدي سيدي تعرضنا لهجوم من قبل الشرطه
ياسر:ايشش
محمد:نعم
طلعو وتقدم مفلح عند محمد:اسمع انتبه لملاك لو صار لها شيء يا ويلك
محمد:لا توصي حريص زوجة اخوي امانه عندي
طلع مفلح وقلب وجهه محمد:قال ايش قال انتبه لها ياعمي طير توصيني على ام سعد يوهه يا شينك
دخل محمد بين الغرف يدور ملاك
طلع ياسر يرفع الس##لاح ويطلق على نواف والدوريه لكن جاه عزام من وراه ومسكه وجا شهام يمسك مفلح ويركبهم السياره
تقدم نواف يضحك:أجل ماراح الاقي مكانك يا الدكتور العظيم امير اوهه اقصد ياسر
ياسر:والله لاندمكككك
نواف يضحك:ههه تضحكني الصراحه عزام خذوه للقسم
عزام:حاظر
أخذهم عزام وحركو للقسم
«عند ملاك»
سمعت صوت طلق الن#ار وابتسمت تطلع
الس##كين من جيبها وتقطع الحبل من يدينها وفكت الحبل من رجولها وقامت طلعت وشافت حراس كثير
ملاك:يا ليل مقدر اطلع من هنا
تتلفت تدور مخرج وشافت الباب الخلفي
راحت بشويش له وفتحت الباب تطلع
طلعت ملاك:اخيرااا
تلثمت بطرحتها ومشت بشويش عشان محد يحس فيها
تمشي وشافت حراس كثير جاهله أنهم تبع محمد
شافها نواف ورفع الجهاز:عاجل عاجل في بنت طلعت لابسه عبايه سودا ومتلطمه بالطرحه عاجلل
محمد:ابك نواف ترا ذي ملاك روح لها وانا جاي
نواف:طيب
نزل الجهاز وراح يرفع الس##لاح بوجه ملاك
ملاك:ياربي وش تبي انت الحين تقلع عن وجهي
نواف غير صوته:ابعدي الطرحه
ملاك:ماني خايفه منك لا تتعب نفسك
نواف يناظر فيها مبتسم:ماعرفتيني
ملاك:وشلون اعرفك والقناع بوجهك محسسني أن حن بلعبة الحبار
ضحك شهام:ابك يا ولد بنت عمك شفيها
ملاك:بنت عمك؟؟
نواف نزل القناع يضحك:انا نواف
ملاك شافته وابتسمت:ارحب ولد العم وين ولد عمنا الثاني
شهام:ابك يا حرمه علامتس تراه زوجتس
ملاك:أسمعو قولو له اني طلعت وينه
نواف:قلت له تلاقينه داخل
ملاك تذكرت مريم:ابي ادخل
نواف:تستهبلين
ملاك:الله يخليك ابي اشوف صديقتي
نواف:صديقتس؟
ملاك :مو وقته
وراحت تركض ونواف يصارخ:ارجعييي
دخلت ملاك وطلع بوجهها محمد
محمد:ارحبييي ام سعد
وحظنها
ملاك:وين مريم ؟
محمد :مو مهم وينها انتي بخير سوا فيتس شيء
ملاك:لا ماسوو شيء
محمد ناظر لخشمها ومسك وجهها:مين مسوي فيتس تسذا
ملاك:طحت على الأرض ونزف خشمي
محمد:ملاك لا تكذبين مين مسوي فيتس تسذا
ملاك غمضت عيونها وقالت له كل شيء أنهم ضربوها وعنفوها وهي مو مهتمه
محمد عصب:ابن الكلببب مين سمح له يضربتس مينننن
ملاك:محمد خلاص هد بس ابيك تطلعني من ذا المكان تكفى
محمد:والله لاوريه
وصلت شرطة النساء وسحبو سارا وسلاف
سارا تناظر ملاك بكل حقد وكراهيه وسلاف منزله عيونها
ملاك ناظرت لسلاف ودمعت عيونها
محمد:لا تبكين ماتستاهل
ملاك:خلينا نمشي تكفى
طلعو من المكان متوجهين للسياره ودخلت السياره
وراح محمد يكلم العيال يتوجهون لبيوتهم يرتاحون وبكره يبدون شغل مع عصابة ياسر فعلا توجه الكل وراحو بيوتهم
دخل محمد يناظر لملاك كانت مرهه تعبانه
محمد:افا ماهقيتها من ام سعد
ملاك:شسويت
محمد:ام سعد ماتتعب
ضحكت ملاك:ابك يا ولد علامك تراني آدميه مو روبوت
ضحك محمد ومشى بسيارته
ملاك ناظرت له بإبتسامه:لو قلت لك شيء بتوافق
محمد:تم
ملاك غمزت له:شرايك نفحط
ناظر فيها:ودي بس انتس تعبانه
ملاك:لا لا ماعلي تعب تكفى تهز الرجاجيل
محمد:ابك على الحرام تممم
ملاك ضحكت:يلا
نزل محمد طاقية العسكر وتلطم بالشماغ
وقال :جاهزه
ملاك بحماس:ايهههه
محمد:واحد اثنين ثلاثه يلااااا
وساق السياره بسرعه ويفحط وملاك مستانسه وتصارخ
ملاك:كفووو كفووو
وقف محمد السياره ونطت ملاك:تكفى تكفى دوري دوري
محمد: ابك وش دورتس لا تعبانه
ملاك:تكفى يا محمد بخاطري
محمد:انقزي يلا
ضحكت ملاك ونزلت تركب مكان محمد ومحمد يركب مكانها
سحبت الطرحه من على أكتافها ولبست شماغ محمد لكن ماظبط واخذه محمد
محمد:هاتي انا اظبطه
عطته وقرب منها يظبط الشماغ
يظبط الشماغ لها وعيونه على عيونها الي تأخذه مكان ثاني
اخذ وقت طويل يناظر بملاك وعيونها ويقول:
يام الجمال الساحر الرباني اضيع
بين المزح الجديه لبى العيون
و رمشك النعساني ولبى الثغر والشفه الدميه ولبى القوام المترف الرباني ويخرب
حنيش البشرة الفاتحه والعيون
يلي ماخذه قلب محمد
ناظرت فيه:يعني لازم تخليني استحي
ضحك محمد يكمل تظبيط الشماغ
خلص وناظر فيها:يا ويل حالي حتى بالشماغ
اخذت ملاك جوالها تشبكه على اغاني عراقيه وتناظر فيه:ببدأ تفحيط
محمد:اصبري بتشهد
ضحكت ملاك:ترا ماراح اكلك
محمد:لا الي يركب معتس لازم يتشهد
لفت ملاك تشغل اغنيه عراقيه
ملاك:هاذا اهداء لسلاف :
‏وظنه كلبي متكطع
وعيني بفركته دمع
كلبي متكطع وعيني
بفركته دمع
مادري اطك اصبع على
فراكه ونسبت اسمه
مادري اطك اصبع على
فراقه ونسيت اسمه
بفراكه سهر ضنيت اخلص
اليوم،اشو الله بغيابه
ذب عليه النوم
تفحط وهي تصارخ وتغني مع الاغنيه
ومحمد يتشهد وماسك راسه على جنون ملاك
محمد يصرخ:يامجنونهههههههه
ملاك تصرخ:مجنونههههه بحبكككككك
محمد:مو الحينننن بنموتتتتت وقفييييييييي
ضحكت ملاك تدور بالسياره ووقفت
ومحمد ماسك راسه:ياربي الناس اذا احد غدرهم يزعلون لكن انتي التخطي عندتس زي المويا
ملاك:بنت سعود ماتنزل دمعتها يلا يلا مشينا البيت تعبت
محمد نزل والدنيا تدور بعيونه
قعد مككانه وكمل سواقه للبيت
بعد وقت طويل وصلو البيت ونزلو
وملاك دخلت الغرفه تبدل ملابسها وتنسدح على السرير تتذكر سلاف وتموت ضحك
محمد دخل :يلا تعالي
ملاك:ليش
محمد: اشوف خشمتس والكلاب بكره يشوفون حسابهم
قامت ملاك وراح محمد يجيب الاسعافات الاوليه ويعقم جرحها الي على خشمها وفمها
خلص وراح ببدل ملابسه وملاك انسدحت وعلى طول انغرست بالنوم جا محمد يشوفها نايمه وانسدح جنبها ينام
«اليوم الثاني»
في القسم
دخل محمد بعد ماوصل ملاك للكوفي عند البنات
دخل مكتب نواف:وينهم؟
نواف:في السجن الانفرادي كل واحد بسجن
محمد :وين سجن مفلح
نواف:عند عزام
هز راسه محمد وطلع لعزام ياخذ المفاتيح منه ويروح لمفلح فتح الباب يدخل يشوف مفلح قاعد في الزاويه
محمد تقدم عنده يمسكه من ملابسه
محمد:مين سمح لككك تضربهاااا مينننننن
مفلح ضحك: ضربتها وعنفتها وخليتها تنزف تدري ليش لانها زوجتي وانا حر
محمد صرخ:تعقبببببب!!!والله ماتصيرررر زوجتك لو على جثتيييييي
مفلح:اوريك اذا طلعت من هنا
محمد ضحك:احلامك واسعه المحكمه حقتكم بعد ثلاث ايام
مفلح: يعني بعد ثلاث ايام بشوف زوجتي
ضربه محمد على  رأسه وبعدين رجع يمسك مفلح ويضربه
دخل نواف:محمد محمد اتركه اتركههههه
محمد:والله ما اخليك يا حقيير يا سافللللل!!!!
سحبه نواف وطلعو برا الزنزانه
نواف:محمد تستهبل ليش تضربه
محمد:نواف لا تجنني تعرف انت وش سوا بحرمتي تعرف
نواف: محمد الامور مو بالضرب هد
استغفر مححمد وراح يقعد بمكتبه
نواف:محمد انا جيعان بروح اجيب شاورما تبي؟؟
محمد:لا بالعافيه الا بسألك وش صار على ايلام
عقد حجابه نواف:وش فيها ايلام؟
محمد:انت ماقلت لي وش صار يوم عرفت
نواف:رحت عندها قلت لها وعصبت تقول المفروض اسمع منك انت مو منهم
محمد:وهي صادقه المفروض تسمع منك مو من جدي
نواف:ياخي ماكنت ادري كنت اكلم عزام وصقعتني وجلست تهاوشني
محمد:طيب مافهمت انت بتتزوجها مره ثانيه
نواف:جدي يقول ان خلاص صارت هي زوجتي وعقد القرآن قد صار زماننن والحين بس زواج ولو انا ما ابي زواج عادي اخذها لبيتنا
محمد:لا يا نواف لا تحرم ايلام من ليلة العمر ترا كل البنات ينتظرون الليه ذي
نواف:اكيد مستحيل احرمها واحسسها انها مو زي البنات لا مستحيل
محمد ضحك:هي لو تبي قلبك تعطيها
نواف: طبعا هاذي ايلام مو اي احد
محمد: خفيف
نواف:اقول اهجددد نسينا ام سعد
محمد :ام سعد يوه‍هههههه عذبتني
نواف: بروح واخليك مع العذاب حقك
طلع نواف من مكتب محمد متوجهه للمطعم
«عند البنات»
كانو يمشون بالكوفي وقعدو
ليان:ملاك صح وش صار معتس امس
نزلت القهوه: تخيلو يا بنات
وحكت لهم السالفه
الجوهره تتحلطم:يعني المزيون طلع حيوان
ملاك:ايه
ايلان:مريم ماتوقعتها
ملاذ:افا مريم صديقة الطفوله تسوي تسذا ماهقيتها وربي
ميار:يمه لهدرجه باعت عشرتنا عشان ترضي اخوها؟؟
إيلام:بنات في شيء غريب قاعد يحصل
ملاك:وشو؟؟
ايلام:الشيء الغريب اني جيعانه وابي شاورمه
ملاذ رمت عليها الشنطه :وجععع أحسبه شي يحمس
ايلام مسكت يدها:ايي يوجعع اذلفو بروح آكل لحالي
بعدت من عندهم متوجهه لمطعم الشاورما تمشي وهي تفكر يا ايلام وش ذا انتي كل شوي تجوعين تستهبلين عيب انا ودي اعرف السر  هاذا من فين جاني؟
جا نواف من وراها وحط يده على كتفها:جاتس مني انا
ايلام لفت بسرعه:يمه من فين جيت
نواف:جيت من كوكب زمرده جعت ونزلت للارض سمعت انو في شاورما لذيذه وجيت يعني من وين من القسم
ايلام:طيب بعد يدك
نواف ابتسم ابتسامه شريره وقرب ايلام منه بقوه لدرجه دخلت بحظنه
ايلام تبعد وهو ماسكها: نواف يا حيوان لحد يشوفنا ابعد
نواف:عادي  بقولهم زوجتي
إيلام: تكفى ابعد عني بعد
نواف ضحك ضحك هستيري وبعد عنها:اخخ بطني شفيتس
ايلام دقته  ببطنه:مايضحك فاهم
نواف:اقول اقول امشي امشي
مشو للمطعم وقعدو
نواف:وش تبين
إيلام:ابغى شاورما الجديده حقتهم ابغاها صاروخ طويله ويكون طعمها يجنن وابيها حراق
نواف:جايه تخطبينها انتي؟
إيلام:لا
لف نواف وقال الطلب ورجع لايلام
ايلام :ليش جيت ذا المطعم؟
نواف:قريب من القسم حقنا
ايلام:جد
نواف:لا خال
ايلام:ابي اروح له
نواف : اخوو العيالللل تراه كله رجال
ايلام:عادي بروح
نواف:والله ماتروحين
ايلام:احسن
جا طلبهم وسمو بالله ياكلون
ايلام اكلت وغمضت عيونها:يالبيههههه
نواف:الطعم في المخ
ايلام:الطعم وصل لاعماق قلبي
نواف:جعله بالعافيه
ايلام :الله يعافيك
نواف:وش جابتس لهنا؟
ايلام:جيت انا والبنات كوفي نتقهوى بعدين نروح بيت الجوهره
نواف :والله نفسيات ليش ماجو ياكلون
ايلام:احسن خلهم كل شوي يقولون لي ام بطنين
فطس نواف  ضحك:وين ام بطنين في الموضوع
إيلام:مدري عنهم
نواف:كولي كولي معليتس منهم ونواف جنبتس كولي
ايلام ناظرت فيه نظرات حب بس تخفيها :وش قصدك؟
نواف:يعني اي احد يقولتس شيء اجي اصفقه اقوله لا حرم نواف خطوط حمرا
ايلام:طيب حتى لو كان اغلى شخص عندك؟
نواف:ازعله مني عشانتس
ايلام ناظرت فيه ونزلت راسها على الطاوله تبتسم
ناظر نواف فيها وضحك:شفيتس
رفعت راسها إيلام تضحك وبدون استيعاب قالت :الشيء الحلو فيني اني احبك
كان نواف يضحك ولف عليها:وش؟
ايلام:الشيء الحلو فيني اني احبك
نواف:تحبيني انا؟
ايلام ضحكت بدموع:ايهه
جا نواف قدامها يضحك:تحبيني انا تحبيني
إيلام تضحك:لا احب جدي
ضحك نواف وتقدم يحظنها بكل حب والارض ماهي شايلتها حظنها ويدور فيها وايلام تضحك :نزلني لحد يشوفنا
نواف يصرخ بضحكه:خليهم يشوفونا خليهم يعرفون ان حب نواف وايلام انتصر
ابتسمت ايلام ونزلت راسها تخفيه بحظن نواف
حظنها بقوه وماوده بفكها وده ياخذها ويهج عن العالم
ايلام:خلاص بروح عند البنات
نواف:لا اسحبي عليهم
ايلام:ماودي اقول تخسي بس تخسي
نواف:معليه الايام بيننا يا ايلام اوريتس
اخذت شنطتها:مع السلامه
راحت تمشي بسرعه عشان مايلحقها
ونواف يناظرها مبتسم وراح يحاسب وتوجه للقسم
وصلت ايلام عند البنات
ملاك تنرفزت:صح النوم تو جيتي فجرنا جوالتس
ايلام: ليه
ملاذ مسكت راسها:انتي وملاك يبي لكم تصفيق بنروح بيت الجوهره نسيتو
ملاك:شدخلنيييي
ميار صرخت:خلاصصصص اهجدووووو
سكتو والبنات وراحو يركبون مع السواق يتوجهون لبيت الجوهره
«عند العيال»
خلص دوامهم وطلعو
نواف:وين الوجهه يا عضيد
محمد:بروح ابدل ملابسي ونروح عند العيال
نواف:تم وانا بروح ابدل
راحو العيال كل واحد سيارته متوجهه لبيته
دخل البيت لقاه فاضي استغرب من عدم وجود أهله
طلع مشاري من غرفته
محمد:مشاري مشاري وين ابوي وامي
مشاري :حركوو للديره ويقولون بكره نحرك عشان بكره ويكند
محمد:خلاص تم اذا رحت بلغ العيال
مشاري:طيب
راح محمد غرفته يلبس ثوبه الابيض وشماغه
شم ريحة ملاك بالغرفه وابتسم :اخخ يا لبى الريحه وصاحبة الريحه
خطف جواله يرسل لملاك:جهزي نفستس بكره بنروح الديره يام سعد
سكر جواله وطلع يروح للعيال
وصل ولقاهم متكيين بحديقه
محمد:السلام عليكم
العيال:وعليكم السلام
محمد ضحك:ابك حديقه وين الاستراحه
فيحان: ياشيخ الجو فنان قلنا خل نغير
قعد محمد يصب شاهي :ايوه وش الجدول
محمود:ماندري
فيحان:ترا بكره بنسافر الديره معكم
محمد:حياكم والله اجل تم بكره كشته
ضحك عبدالملك:تبي جدي يصفقنا يقول اول ماوصلتو كشتو
محمد:لا لا معليكم بكره كشته انا مدلع عند جدي
عبدالمجيد:ايه مدلع عشانك الصغير بينا
نواف:احمم الحمددلله اني كبير
مراد:هههه تراك اكبر منه بشهرين
محمد:حسبي الله يا الله خذ حق ابو سعد منهم
مشاري:يا عيال وين فيصل
فيحان:والله صحيته وعيى يقوم
محمود:وهداج؟
ضحك عبدالرحمن:انت تعرف هداج المكان الي مافيه عوض مايجي
محمد:يا عيال الشيبان راحو الديره وش رايكم نسافر مع بعض
نواف: نسيت البنات يا غبي
محمد: عادي بياخذهم مشاري
مشاري:حسبي الله لا مالي شغل بحريماتكم انا عزابي وبسافر لحالي
سلطان:انا مقدرش اسافر من دون ام سلمان
محمود:يا ليل سوالف المتزوجين
محمد:خلاص يا بزر انا باخذ نص البنات والنص الثاني مع مشاري العيال :تم
الا مشاري تحلطم
طلعو اوراق اللعب يعلبون بلوت
مشاري وفيحان ونواف وسلطان
وباقي العيال يشربون شاهي ويسولفون
مشاري صرخ:نواففف يا حيواننن غشاش
نواف:لا تكذب ماغشيت طاحت الورقه بالغلط
فيحان: لا الحركات هاذي ماتمشي علينا
سلطان:يا رجال طاحت
مشاري:ياشيخ وربي ماطاحت
نواف:خلاص نزلناها يا بزر كمل
مشاري:ايوه ادب بعدين لا تقول بزر انا اكبر منك
كملو يلعبون وفازو مشاري وفيحان
قام مشاري يصرخ:اييي يا شيخ اييي هيا يالله عشا الليله على حسابكم
نواف:مطفر
سلطان:وانا
مشاري:دبرو نفسكم حن اتفقنا الي يفوز العشا على حسابه
نواف:خلاص تم بس اسكت
قامو وراحو يقعدون عند العيال ويشربون شاي
عبدالملك :يا محمد قول لنا شعر تكفى
محمد:ابك على خشمي يبو سعود
عبدالملك:حي ذا الخشم
ناظر محمد فيهم يبتسم يقول: