صحى محمد الساعه4:30وشاف ملاك نايمه بجنبه وغاطسه بالنوم تقدم يبوس راسها وراح الحمام أكرمكم الله يتروش
طلع ومالقى ملاك راح يلبس ثوبه ودق نواف عليه
نواف:ها محمد جاهز
محمد:ايه يا العضيد اسلم على ابوي وامي واجيك
كان يكلم نواف ودخلت ملاك شافها وابتسم :يلا نواف بكلمك بعدين
سكر الخط ويناظر بملاك:ايوه علامه الحلو زعلان
ملاك:يعني شاعري بيروح وبيخليني اكيد بزعل
ضحك محمد وتقدم يحظنها:لا لا ماعليتس ماراح اطول مقدر على فراق دلوعتي بس بتروحين مع مين
ملاك ابتسمت بشر وقالت:بطلب تاكسي
عقد محمد حواحبه:لا لا ماتروحين مع تكاسي لاا
ملاك بدلع تلعب بخصلة شعرها:اممم الاا عشان يجب لي الطلب الي ابيه ومايعاندني
محمد جن جنونه:والله ماتروحين انا بوديتس حتى لو راحت علي الطياره بعدين خويتس تسوق روحي معها
ملاك :نو حبيبي هي بجامعه وانا بجامعه بروح مع سواق عادي
محمد مسكها وحاصرها بالزاويه
بانت عروقه من غيرته:والله ماتروحين مع رجال غريب وش يضمن لي أنه عاقل ومو راعي ذي السوالف انتي حرمتي وماتروحين الا معاي ولا غيبي
ملاك:شلون اغيب اليوم عندي محاظرات الين راسي
محمد:روحي مع خويتس عادي
ضحكت ملاك:اويلي غيورر اصلا بروح مع العنود بتمرني انا والبنات
محمد:زين وربي اسمع خبر انتس رحتي مع رجال غريب والله لاسوي فيتس شيء ماتبينه
ملاك:وانت لو سمعت انك ناظرت في بنات الجوف اذبحك
محمد ابتسم بشر :سمعت أن بنات الجوف حلواتتتتتت
ملاك:وإذا حلوات شينات مالك شغل روح خلص مهمتك وارجع
ضحك محمد:اصلا وش ابي ببنات حواء وانا مكتفي بدلوعتي
ملاك:ايوه هاذا شاعري الي اعرفه
محمد ضحك:يا عيون شاعرتس بس لا تروحين مع تاكسي
ضحكت ملاك :لا لا بروح مع العنود لا تخافين
بعد محمد عنها وقال:الكيس هاذاك روحي افتحيه شوفي وش فيه
ملاك استغربت:وش فيه؟؟؟
محمد:روحي شوفيه طيب
راحت تفتح الكيس وفتحت عيونها لقت ايباد الجيل العاشر لونه وردي وكفر وقلم
صرخت ملاك:الله ايباد ايبادددد شكرا شكرا حمودد
وراحت تحظنه
محمد يضحك على طولها:يعني لازم ترفعين رجلوتس عشان تحظنيني
ملاك:شسوي قصيره انا بس مره شكرا الهديه تجننن مرهه
محمد:بس هي مو مني
ملاك بعدت عنه:اجل؟
تنهد محمد :هاذي هديه من عمي سعود لتس وصاني اني اعطيتس ياها اذا دخلتي الجامعه واعطاني بعد اغراض تحتاجينها للجامعه ومبلغ عشان تشترين ملزمات الجامعه
ملاك ابتسمت بحزن وتغرقت عيونها:الله يرحمه كان يعرف اني ابي ذا الايباد الله يرحمه
محمد:لا ملاك لا بدون دموع ولا عمي بيزعل ترا
ملاك مسحت دموعها وقالت:يلا يلا تجهز بنزل اسوي لك فطور تفطر قبل رحلتك
هز راسه محمد وقعد على الكنبه يقلب بجواله
وملاك نزلت تسوي فطور
دخلت المطبخ تسوي فطور ووقفت قدام الغاز تنزل دموعها على خدها من كلام محمد عن ابوها مسحت دموعها وابتسمت:طول عمرك يا ابوي ماقصرت معي بشيء والي بخاطري تجيبه الله يرحمك وان شاءالله التقي فيك بالجنه
خلص الفطور وطلعت عند محمد دخلت الفطور وقالت:محمد يلا تعال افطر حطت الفطور على الطاوله وراحت مسك يدها محمد:وينن ماراح تفطرين
ملاك:لا ماني جوعانه بروح اتوضى قبل يأذن الفجر
محمد:علي بالحرام أن تفطرين وإذا ما افطرتي ماني بفاطر
ملاك :لا عادي ماني مشتهيه
محمد:انا وراي بس رحله بوصل وباكل اي شيء لكن انتي وراتس جامعه ومحاضرات ولازم تكونين نشيطه
ملاك:خلاص بتوضا واجي
رحت تتوضى ورجعت تمسح وجهها من المويا
قعدت قدام محمد تفطر معه هي تفطر ومحمد يناظر فيها الين ما خلصت فطور جت الساعه 4:50
اخذ أغراضه محمد وقال:يلا ملاك مع السلامه انتبهي لنفستس يا عيوني
ملاك :ابشر وماتقطع عني واتصل علي
محمد:ابشري بس ماودتس تودعيني ؟
ملاك :اكيد بودعك وتقدمت تحظنه
محمد:بس انا ما ابي حظن؟
ملاك:وش تبي؟
محمد:ابي بوسه
ملاك:لاا مابي
محمد:والله لا ازعل منتس
ملاك:لا لا خلاص
تقدمت تبوسه من خده :خلاص بستك
محمد:لا مو هنا
طيرت عيونها ملاك وقالت:لا لا خلاص خلاص كافي تأخرت بروح البس
محمد ضحك من خجلها:لسا بدري
ملاك:لا لا تعرفني آخذ سنه على ما اجهز
ضحك محمد وحظنها مره ثانيه :لا تعبين نفستس سامعه
ملاك:ابشر
باسها من راسها وطلع من الغرفه وملاك عيونها دموع ماتبي تفارقه صح حبو بعض متأخر لكن علاقتهم حلوه وحبهم لبعض احلى محمد كان يحبها من قبل بس عشان مايزعلها كتم حبه بقلبه وملاك الي تحركت مشاعرها تجاه محمد من اول مالعب معها بحديقة حارتهم بس كانت تكابر وتكتم حبها ومشاعرها كل واحد يكتم مشاعره تجاه بعض ولكن ماننكر أنهم يحبون بعض لدرجه يضحون بنفسهم عشان بعض
بعد ماطلع محمد راحت ملاك تلبس لبسها حق الجامعه وتقدمت تسوي مكياج وتشغل اغنية عراقيه ترقص وتغني معها وهي تسوي الميكب
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
