ذراري الهجرس

الفصل الثامن والأربعون

وهاي نزلت مثل ماوعدت 🤭هذا البارت قبل الأخير اتمنى تستمتعون بي ولا تنسون تصويت ومتابعة للحساب ويا كومنتات حلوة مثلكم 🤭❤️✨

*********************************

اتكلم مع عقلي احيانا واسرد له مارأته عيناي فيرد لي قائلا : امجنون انت ام ذهب الدهر بصوابك هل من المعقول هذا

لكن تغير الأمر بعد أشهر ليصبح هو الذي يخبرني ويهمس في اذني : ارأيت الذي أراه لا استطيع ان استوعب هذا

في وقتها تذكرت سخريته ورددت له الصاع صاعين بضحكي وقولي له : هل ذهبت المصائب بما تبقى من حكمك لا تهول الأمور

درة✨✨

بقلمي : زينب أنمار ✨

درة.......

كانت صدمة متجلية بكامل ملامحي ولكن هذه المرة لم تكن مخيفة ولا مرعبة كانت أجمل صدمة اتلقاها حتى الآن حيث خافقي بدء يسرد لي ماحدث بداخله من نبضاته السريعة

تصنمت مكاني ولمار مثلي ثنينا صافنين بي مانتحرك الا ان قطع صفنتنا بكلامه : ممكن اطب جوه الجو بارد

لمار : ها تفضل تفضل اعتذر منك صراحة انصدمت بجيتك

تقدم للداخل وصحاني على الواقع فعلا هذا شفع بدون وعي ركضت وكمزت بحضنه اضحك مادري من شوقي للعراق ولكلشي يخصه ام لحرماني من حنانه الابوي الي ماشفت منه الا القليل

ضحك حاضني وبده يمسد على راسي : ها بابا شلونج

: زينة

ماابتعدت ولا خليتله مجال يبتعد اريد اخذ اكبر كمية من حبه واحس بالأمان بداخل احضانه مثل ماتمنيت كل هاي السنوات

شفع : تعالي نكعد أفضل مما ضالين واكفين

ابتعدت عنه هازه راسي ورحنا كعدنا بل صالون كعدني يمه وحجه ويا لمار : شلونها الأوضاع يمكم خوما صاير عدكم مشاكل بل شغل

لمار : لا الحمدالله جنه ضابطين الوضع ومن رجعنا ماسوولنا اشكال

شفع : كلش زين

: شعجب مارحت يم طيرة

التفتلي رافع حاجبه ومبتسم : انتي الجبيرة لو هي

ردت امنع الابتسامة الغبية الي طلعت بوجهي بس ماكدرت وراها رفعت ايدي اأشر على روحي : اني

شفع : من الواجب اروح يم الأكبر وراها الأصغر

هزيت راسي مقتنعة بكلامه : صحيح

كام لمار من المكان وراح للمطبخ مادري شنو يسوي رجع حجه ابوي : تأقلمتي مع المكان؟

هزيت راسي بايجاب : اي نوعا ما وبديت بكورس مال لغات علما اخلصه وابدي اشتغل بشي مفيد

شفع : كلش زين بس لا تتعبين نفسج اني موجود وزوجج موجود ثنينا نكدر نصرف عليج ونجيب الي تريدي