دامك زرعتي الحب بداخلي ورد انا ما ابي غيرك من الناس يسقيه

part37

بعد مرور 5شهور من موت سعود
كانو البنات قاعدين ويسولفون ويضحكون
تعدلت نفسية ملاك لكن مانست ابوها من الدعاء
دخلت ايلاف:بنات بنات اخبار اخبار
ملاك:وش وش
ايلاف:زواج ميار بعد اسبوع
ميار:يمه تستهبلين
ايلاف:وربي سمعت عمامي يتكلمون مع ابو سلطان
ملاك طالعت بميار وابتسمت :مبروككك يا عيوني اخيرا بنفرح فيتس انتي وسلطانتس
قامو البنات يزغرطون ويباركون لميار
ملاذ:طيب بنوتات ماجهزنا ولا اشترينا شيء
ملاك :مغليه نروح المول نشتري عاد حن خوات العروسه لازم نكشخ
ناظرت ميار فيها وهي مبسوطه بوجود ملاك جنبها
ملاك:بنات بكلم محمد يودينا اليوم او بكره
ايلاف :لا لا اليوم بكره لازم يكون يوم كامل لميار
ملاك :تمم بروح ادور له
طلعت ملاك من عند البنات تدور لمحمد
ملاك :ياربي وينه
دقت عليه ورد
ملاك:محمد
ابتسم محمد وقال :
‏قالت محمد وقلت عروق قلبي سمي
قالت محمد وقلت العز ياطاريه
ملاك ابتسمت:وينك؟
محمد:فقلبتس
ضحكت ملاك :لا جد
محمد:اويلي ضحكتس تدوخ بالمجلس انا
ملاك :ممكن تجي ابي اقولك شيء
محمد:طيب شوي جاي
سكرت ملاك وقعدت تنتظر محمد
ابتسمت :ارحب يبو سعد
محمد:البقى يا ام سعد
ملاك:عادي اطلب طلب صعنون
محمد:افا يا ذا العلم انتي اطلبي الي تبين وانا اقولتس ابشري وسمي
ملاك:نبي اليوم نروح المول نتسوق لزواج ميار الاسبوع الجاي
محمد:ابشري شيء ثاني
ملاك :ترا ذي الايام بخطفك عشان تودينا وتجيبنا للمول يعني تحملني
قرب محمد ومسك خصرها:اخسس انتي تخطفين ابو سعد بس يلا مسموح لتس
ملاك:هييي بعد بيشوفنا أحد
محمد:خليهم يشوفونا عادي حرمتي
ملاك:لا ابعد استحي
محمد رفع حواجبه:افف من متى ملاك تستحي
ملاك:وجعع نزل حواحبك لا يجون عيالنا حواحبهم طايره
ضحك محمد:لا معليتس ييطلعون مزايين زي ابوهم
ملاك :والثقه عاد
محمد:يحق لي
ملاك :اي والله يحق لك
قرب.محمد منها يبي يتلذذ شفايفها لكن بعدت عنه وهجت
رفعت صوتها تضحك :تعقببببب
محمد صصرخ:تعاليييي
ملاك :تعقبببب والله ما اجي
ضحك محمد وقال:يجي يوم وامسكك يا ام سعد اوريتس
دخلت ملاك عند البنات :وافق
ايلاف :كفووو
قعدت ملاك :بنات لازم نخلص اليوم والي بتطلب تطلب لانو مافي وقت وبكره بنقضيه كله لميرو
ميار :اموت فيكم
«قسم الرجال»
نواف:محمد تعال نروح عند النياق
محمد:مشينا
مشو ووصلو عند النياق
محمد :مشينا يا محمد عند عيون الليل
نواف:منهي عيون الليل؟
محمد:ناقتي المهره
نواف ضحك:ليش مسميها عيون الليل
محمد:عشان عيونها سودا
نواف:محمد ابي اقولك شيء
محمد:قول
قعد نواف وقال لمحمد كل شيء وأنه متزوج ومين متزوج
قام محممد من مكانه :ابو سعد انت تتكلم جدد يا نواف ولا تستعبط معي
نواف:وربي
محمد:ليشش يسونن معك تسذا ليههه
نواف:عشان حظرة جدك قال نواف لايلام وايلام لنواف نكبنس الله يصلحه
محمد:جدي يستهبل اوكيه انخطبتو بعمر صغير معليه لكن زواج مو معقول يا اخوي
نواف :الله يلعن الشيطان
محمد:كيف وقعت على الزواج انت؟؟
نواف:ابوي جاب لي ورقه تخص العسكريه أوقع عليها وطلعت ورقة زواجي وهي ابوها جاب لها استماره من المدرسه ووقعت وصارت زوجتي
محمد:طيب انت تحبها ليش زعلان
نواف:مو زعلان بس انا خايف عليها من ذا الخبر يمكن هي ماتبيني وماهي متقبلتني وانا ما ابي أجبرها على شيء ماتبيه
محمد:طيب يمكن تبادلك نفس الشعور
نواف:مدري يا اخوي
محمد طبطب على كتفه:معليك يا اخوي الله يسرها لك
نواف :تدري عمي سعود الله يرحمه هو الوحيد الي فهم علي وعصب على جدي وأبوي وعمي عمر وقتلهم مالكم حق تزوجون الولد بدون مايدري ولعن خيرهم بس الحين مات
محمد:الله يرحمه يا رب
جاهم عبدالملك يلهث:يا ملاعين الجدف وين كنتم سنه ادور لكم
نواف:عسى خير
عبدالملك :يا عيال طفشت مشينا نتسربت
نواف ضحك :اففف عبود يبي يتسربت معجزه
عبدالملك:يا عيال لا تفهموني صح يعني سربته حلاليه
محمد:طيب مشينا
عبدالملك :مشينا الرياض سلطان عازمنا على شاي حبق على كيف كيوفك
نواف :دام فيها شاي مشينا
مشو خط للرياض ووصلو
نزلو قابلو سلطان وسلمو عليه
محمد:حيووو زوج اختي
عبدالملك :تبون بلوت ولا جيكو
محمد ضحك:متلازمة ملاك انتقلت لك
عبدالملك ضحك :تأثرت
سلطان:لا بنلعب جيكو على قولة عبود
مشو يجيبون الجكارو وطلبوا ثلاث كاسات شاي
شربو الشاي وقال محمد
محمد:يا لبيه مانستغني عن شاي ابو عبدو
ابو عبدو:تسلم لي يبو سعد
بدو يلعبون وبنص اللعب
دخلو شلة عيال مع بنات
محمد صد :استغفرالله يا عيال بنات داخلين محل الشاي
عبدالملك :هييي سلامات ترى بس للعيال ذولا يحبونه مرقص
نواف فطس ضحك :مرقص مره وحده
محمد:ماعليكم قومو نغير مكانا
قامو وتوجهو ابو عبدو للشباب
ابو عبدو:المعذره يا اختي المحل بس للعيال ممكن تتفضلون برى
البنت بدلع:هيي يا متحرش تفوو علاوي شوفه يتحرش فيني
علي:يا عيون علاوي لف لابو عبدو
علي:هييي لا ترفع صوتك عليها فاهم
ابو عبدو:مارقعت بس فهمتها
علي :أؤكد بس اقعدي يا حبيبتي
وقعد البنت بحظنه
ابو عبدو صرخ من منظرهم :اطلعوا برااا انتم بمكان محترم
علي قام :هي لا تنفخخخ ودف ابو عبدو
ناظر فيهم محمد:ابنن ابوييييي فزعه يا عيال ابو عبدوووو
وجرو لعلي ودفوه
محمد:خيررر وين عايشين حنن خير تدفه
علي:تحرش بحبيبتي
عبدالملك :ابو سعوددد هيي ابو عبدو مايسويها بعدين من زينها عشان يتحرش فيها
سلطان فطس ضحك هو ونواف
علي:احترم نفسك
محمد:اقول شيل الزباله الي معك وتوكل بسرعه حن في مكان محترم وكله عيال ليه تدخلهم بعدين تحسبونه مرقص؟
علي دف محمد وقال:مو شغلك
محمد:ابو سعد وسحب علي وبدأ يضربه
ابو عبدو:محمد خلاص ابعد عنه
محمد قام من علي:شيل البضايع الي معك وتوكل يلااا ولو فيكم خير ماتطلعون بعلاقه محرمه طلع علي وخشمه ينزف والبنات معاه يبكون
محمد لف على ابو عبدو:صار لك شيء يا عم
ابو عبدو:لا يا وليدي ماصار لي شيء
محمد:حسبي الله على ذي الاشكال
طلعو العيال من المحل وتوجهوا للديره
«الساعه9العشاء»
لبسو البنات عباياتهم وطلعو
لمحمد ركبو وحرك محمد للمول
وصلو المول ونزلو البنات يتسوقون
ملاك :بنات اول شيء بنروح للمكياج نتسوق بعدين الفساتين ناقصنا مكياج الصراحه
ملاذ:طيب وين نروح
ملاك:سيفورا مكياجهم نارررر يموتتتت
ملاذ:يا حبتس لسيفوؤا نروح ديور
ميار:خلاص يا بنات نص يروح ديور ونص يروح سيفورا
راحو البنات مع ملاذ وايلام وايلاف. ايلان مع ملاك
دخلت ايلان بين المكياج وتنادي البنات
ايلان :بنات تعالو شوفو المكياج هنا يجنن
دخلو البنات معها وانشترو يجيبون لهم مكياج
طلعو من المحل ولف عليهم محمد يضحك
محمد:قشستو المحل مابقيتو شيء
لفت ملاك للمحل :لا لسا المحل موجود ماقشيناه
ضحك محمد من فهاوتها:امشو امشو ينتظرونكم
راحو يشترون فساتين
ملاك :البنات الاسود عاجبني آخذه؟
ميار:يجننن بس اشتري وردي عشانه عرسي
راحت تسأل الموظفه اذا في وردي منه قالت لا
رجعت ملاك :مافي وردي للاسف
ميار:خلاص حبيبي خذيه
أخذته ملاك و
راح محمد عند ملاك
محمد:وريني الفستان حقتس
ملاك :نو نو حبيبي خلها سر يا رجال
محمد:طلبه
ملاك:لا ليلة الزواج بتشوف ماتقدر تصبر انت
محمد:لا مقدر
ميار :بنات وش اشتري الاصفر ولا الاحمر
البنات طايحين على الأرض يضحكون
ملاك وهي ماسكه بطنها :اخخ بطني انتي العروس وش احمر ولا اصفر
ميار :صحح نسيت
قامو البنات بعد نوبة هلع
خلصو وراح يشترون اكسسوارات وكعب وذي ومنها وطلعو من المحل بكبره ركبو السياره وحرك محمد
محمد:فاتكمممم يا بنات
ميار:افا وش فاتنا
قالهم محمد سالفة المحل الشاي
ملاك عصبت:انا بنت سعود وجعع وش ذي اللحاجه
محمد عشان يستفزها :وايه اقولكم جت البنت تتغزل فيني وعطيتها سنابي وبنتقابل انا وهي بكره
ملاك لفت عليه :خيرر ماتستحي انت
ملاذ:عبدالملك معكم؟؟
محمد:ايههه وقعدت بحظنه بنت
ملاك شهقت:خيررر اخوي مايسويها
ملاذ:افا يا عبودد خلاص ماعاد ابيه
إيلام:وينن تحسبينه فستان
فطسو البنات ضحك
ملاك :مايضحك خير اخوي مايسويها
محمد استفزها أكثر. :وش البس بكره اسود ولا ابيض
ملاك :الله يسود وجهك يععع
ولفت زعلانه
ميار :اويلي على الغيره يا ناس
ملاك:مو غيره
محمد:اي واضح
وصلو البيت ونزلو البنات
نزلت ملاك ومسكها محمد
ملاك:نعم؟
محمد:افا لا يكون زعلتي
ملاك:لا مازعلت روح عند الحب حقك تغزل فيها واطلع معها
محمد ضحك :يا بنت لا يكون غرتي
ملاكك:شدعوه اغار على ذي الاشكال
محمد:ايه غاري على ذي الاشكال
ملاك عشان تستفزه لفت رأسها وقالت
ملاك :امم شكلي بكره بروح ادور واحد معضل ومززز جنتل مان واتزوجه واهج انا وياه لندن
محمد عصب :ابك تخسين والله ماتروحين
ملاك :الا الا بروح بأخذه ويكون جنوبي ويقولي افف ويقولي يا لبى كبدشش يا ملاك وانا اقوله احبك وهو يقولي احبش يا ملاك اخخ فديته
محمد انبهل من غيرته ومسك معصم ملاك:ابك والله ماتروحين وجعل عينتس تنععمي اذا حطيتي عينتس على رجال غيري
ملاك ضحكت:لا يكون غرت
محمد:اكيد اغار شوضعتس
ملاك :خلاص خلاص دامك يبو سعد مزيون بخليك جنتلي الخاص وماراح ادور غيرك بس ماعندك عضلات حرام
محمد:ما احتاجها الحمدلله عضلاتي خفيفه
ملاك :ماش ماحبيت بريعصي انت
محمد:اخو العيال انا بريعصي
ملاك :ايه ليش مو معضل
محمد:وش ابي بالعضلات يتخليني دب
فطست ملاك تضحك :اكبر شدخل بالعالم وقعدت تضحك
ابتسم محمد:لبى ضحكتس يا شيخه شكلي بصير مهرج عشان اشوف ضحكتس
ملاك :اقول فليتها بنزل افتح القفل
محمد:نو اقعدي معي
ملاك:ابي انزل
محمد:تبين تنزلين بوسيني
فتحت عيونها ملاك:سر امها والله ما ابوس
محمد:طيب خلاص اقعدي عندي دامتس ماتبين
ملاك رفعت حواحبها وقالت بخبث :موافقه ابوسك
ابتسم محمد وقرب :يلا يوسيني
قربت ملاك وبحركه سريعه فتحت القفل ونزلت تركض عند البنات
محمد ضحك:يا عبيطهه
حرك سيارته يتوجه لقسم الرجال
نزل عند العيال وقعد
مشاري :ياهووو تأخرت انت
محمد:وديت البنات المول
عوض:طيب تعال نحتريك من اول
قعد محمد وبدو جلستهم ضحك وسوالف
«عند البنات»
بعد مارتبو أغراضهم قعدو يسولفون ومستانسين
ملاك :بنات بصيححح
ملاذ:ليه يا عيوني
ملاك:ابي جيجي وحشتني
نجود:من ذي
ملاك :الجوهره يا ربي وربي وحشتني
ميار:ودي اشوفها من كثر مدحتس لها
ملاك :احبها يا ناس وربي احبها
ملاذ:بنات نامو عشان بكره ورانا شغل بنتقسم قسم يروح مع ميار وقسم يروح مع الأمهات يتسوقون لتجهيزات الزواج
ايلان:اسمعوا ملاذ وانا وايلام وايلاف وليان بنروح مع ميار
وملاك ونارين ونجد ونجود يروحون مع الأمهات
ميار:لا لا خلو ملاك معاي
ملاك:ودي يا عيوني بس خالتي نوره قالت اجي معها مو لازم كلنا نروح معتس يلا يا عيوني اذا خلصت بدري اجي عندتس
ميار:طيب
راحو البنات ينامون عشان وراهم شغل لين بكره
«اليوم الثاني»
الساعه9 تجهزو البنات وطلعو للمول
راحت ملاك مع الأمهات يتقضون والبنات مع ميار
استأذنو بنات عبدااله انهم يبون يروحون يشترون اغراض وراحو
ام احمد:الا يا ام متعب وش رايتس يالصينيه هاذي
ام متعب:والله زينه مابها شي
ملاك:يمه خذي ه..ستوعبت وقالت:اقصد يا خاله خذي الصينيه هاذي ورق عنب والصينينه هاذي حلا
أم وليد:ملاك يا امي أمتس بتحضر
ملاك:لا والله يا خاله خالي قال مالها رجعه واخواني يحاولون بخالي يرجع امي لبيتنا
ام مسفر:الله يهديه يا بنيتي
ملاك:استأذنكم يدق على عبدالمجيد يوديني اطبع الاوراق الي طلبتها ميار
ام احمد:استودعتس الله يا بنيتي
راحت ملاك تدق على عبدالمجيد ورد :هلا
ملاك :ابي اروح اطبع اوراق توديني؟؟؟
عبدالمجيد:يلا جايتس
سكرت الخط وراحت عند البنات
ملاك:بنات بروح اطبع الاوراق حقت ميار احد يجي معي
ايلاف:بروح معتس
ملاك:مشينا
مشو البنات وركبو مع عبدالمجيد
شاف ايلاف وصد وصلهم للمكتبه ونزل معهم
راحت ملاك تكلم الموظف وأعطته الاوراق
الموظف :طيب كيف تبغين الاسماء
ملاك:عطني دقيقه يا اخوي
الموظف :خذي راحتك
دقت على ميار
ميار:لبيه
ملاك:ميرو برسلتس صور وانتي اختاري
ميار:طيب
ارسلت الصور وكان اسمها واسم سلطان
ملاك:تبغين يكون
ميار&سلطان أو
ميار
&
سلطان ؟
ميار:ابغى انجليزي في؟؟
ملاك:خلاص تمام
سكرت وقالت ملاك
ملاك:اخوي ابغى الاسماء انجليزيه
الموظف:طيب وش الاسماء ؟
ملاك:ميار&سلطان
الموظف:طيب
بدى الموظف ينسق ويطبع وايلاف تناظر وهي مبسوطه لميار
ايلاف:ملاك نروح ننسق مسكة ميرا ولا بعد فستان الزواج ؟
ملاك:لا يا عيوني بعد فستان الزواج بأخذها ونروح نختار الفستان
ايلاف:فكره حلوه
دفعو حق الاوراق وطلعو
ايلاف:واو تجننن
ملاك:اي مره شقق
ركبو السياره وقال عبدالمجيد
عبدالمجيد:وين تبون الحين؟؟
ملاك :رجعنا المول ناخذ ميار
عبدالمجيد:طيب
راحو المول وأخذو ميار وملاذ وراحو محل الفساتين
دخلت ميار تختار فستان وقالت:بنات هاذاك الفستان واو يجننن
ملاذ:اي والله يجنن
ملاك:ادخلي قيسيه
دخلت ميار تلبسه
وطلعت
ايلاف:واو يجننن مره
ملاك:اميره بسم الله عليتس
ميار:اكيد
البنات:اكيد
راحو البنات يكلمون الموظفه ويقولون لها المقاس والتعديلات الي يبونها خلصت وطلعو
ملاك:أحين نروح للمسكه
ميار :بنات خلوها بكره والله تعبت
ملاك:خلاص تمام
ركبو السياره وراحو البيت
عند محمد
تقدم محمد عند ملاك
محمد:ملاك ملاك
ملاك:لبيه
محمد:انقزي البسي عبايتس سريع
ملاك :ليه
محمد:اقولتس بعدين مسوي لتس سبرايز
ملاك :طيب
راحت تغسل يدها ولبست عبايتها ونزلت
ركبت مع محمد وحركو للرياض
ملاك:وش المفاجأة ؟
محمد: بتعرفينه الحين اصبري
دخلو كوفي وقعدو
طلب محمد قهوه وقعدو يشربون
ملاك :ليش جايبني هنا؟؟
محمد:بقولتس بعد مانخلص قهوه
ملاك :طيب
شربو القهوه ودفعو وطلعو من الكوفي
شاف محمد البنت وغمز لها
هزت راسها البنت ومشت تدق ملاك بكتفها وطاح جوال ملاك
ملاك:ماتشوفين؟؟
البنت :اهجدي لا افقع وجهتس
ملاك حست الصوت مألوف :افقع وجهتس انا احترمي نفستس لا اتوطى ببطنتس
البنت:اقول لا يطق لتس عرف بس
ملاك :والله شكلتس انتي الى بتنطقين مو عروقي
رفعت اكمام عبايتها وقعدت تكلمها
ملاك:الحين لو ما اعتذؤتي يا ملعونة الجدف اني لافقع عينتس وجع فقعتي مرارتي
رفعت الجوهره الطرحه وقالت :افا انا افقع مرارتس
ناظرت ملاك وفحصت عيونها :الجوهره ؟لا لا شكلي تتوهم محمد قرصني
قرصها محمد وصرخت:وجعع توجع
استوعبت وصرخت:جيجي
حظنتها بقوه والجوهره تضحك
ملاك والدموع بعيونها :حيوانه
حظنت الجوهره وشدت عليها ونزلت دموعها
الجوهره:نو ملوكتي بدون دموع
بعدت ملاك:وربي اشتقت لتس
الجوهره:حتى انا افا عندكم زواج ولا تعزميني
ضحكت ملاك :لا لا افا عليتس حياتس لو ماوسعتس المكان احطتس بقلبي
الجوهره ابتسمت :بعدي
ملاك لفت:وشلون قدرت توصل لها يا محمد ؟؟
محمد:جدها صديق جدي وعزمهم جدي عشان زواج ميار وقلت منها اسليك
ملاك:وربي المفاجأة تجننن
مسكت يد الجوهره ومشو
الجوهره :ملاك والله زوجتس مزز
ملاك ضحكت :اسكتي تراه يسمع
تعريف بأهل الجوهره البارت الجاي
راحو الديره ونزلو دخلت ملاك البيت
ملاك:بناتتتتتت تعالو شوفو الجوهره
تقدمو البنات يسلمون عليها
ملاذ:اهليننن منوره يا عيوني
الجوهره :بنورتس يا عيوني
إيلام :ملك خويتس مزههه
الجوهره ضحكت:ملك بنات عمتس مزززاتت
ضحكو البنات ودخلت ملاك تسلم على ام الجوهره وخوات الجوهره
دخلو البنات الغرفه يسولفون ويضحكون وقالت ملاك للبنات عن مفاجأة محمد
«معليش حبايبي بس بنسوي سكب الين اليوم الي قبل زواج ميار»
ملاك :بنوتات نسوي لميار حفلة توديع عزوبيه ؟؟
مريم:اي اي اي بس وين تعرفين بيتكم مليان عيال
العنود:اسمعوا بنات بنقول لجدي أن حن نبي بيتنا بنحتفل هناك
جت البندري وقهوتها بيدها:لا بنات مايحتاج حجزت شاليه
الجوهره:تمزحين
البندري:وربي حجزت واليوم بنحرك
ملاك:الجوهره عزالله توفقتي بأختس عسل عسللل
البندري:تسلمين لي
نارين:الا يا ملاك خالتي بتحضر العرس ؟
ملاك:لا للاسف خالي رفض وهي رفضت وتعذرت من خالتي ام متعب
ملاذ :بنات كيف وش بنقول لميار حن نبيها سبرايز
العنود:عندي معليكم انتم تجهزوو وانا بدبرها
قامو البنات يجهزون أغراضهم ولبسو عباياتهم
ملاك راحت عند ميار:ميار ميار ميار
ميار :ها ها ها
ملاك كذبت عليها : تذكرين خويتنا سميه الي بالفصل
ميار :ايوه شفيها ؟
ملاك:تخيلي الحيوانه بعد بكره عرسها
ميار :تمزحين؟؟
ملاك:ايوه وعزمتنا اليوم على حفلتها وقالت نلبس بجايم
ميار:الله وناسههه من زمان عن حفلات البنات
ملاك :يلا يلا قومي قومي تكشخي
قامت ميار تتكشخ جاهله أن الحفله لها
خلصو البنات تزيين ومشو ركبو سيارة العنود
وحركو للشاليه وصلو وقالت ميار
ميار:اخيرااا سميه وحشتني
ملاذ دقت ملاك:هي وش قلتي لها؟؟
ملاك:قلت حفلة سميه
فطست ملاذ ضحك :لو تسمعتس سميه تقطعتس تقطيع وترميتس للكلاب تعرفينها ماتحب الزواج
ملاك:اصص لا تفشلينا تسمعتس ميار
دخلو الشاليه وراحو يلبسون بجايم
ميار :جيبو بجامتي جيبو
رمو بجامتها واستغربت :ليش انا ابيض وانتو وردي ؟؟
ملاك توهقت:لانو اختةسميه طلبت منا تسذا لأن سميه تحبتس أكثر وحده
ميار :أها
راحو يلبسون وكانو البنات بجايم حقتهم ورديه فيها ريش وميار بيضا وفيها ريش
وقفت عند الباب معهم هاذا الي يفقع وعدت البندري
البندري 123
ولفو على ميار يفقعون عليها
ميار انصدمت وضحكت :شذااا
العنود:حبينا ندلعتس قبل زواجتس
ميار:حيوانات شكرا
وقربت تحظنهم
ملاك:يلا يلا0تعالو نرقص
تقدمو يرقصون وفرحانين لميار
تقدمو يقطعون الكيكه مع ميار ويصارخون
سحبو ميار يرقصون معها وشغلو مصري يهزون
الجوهره:بنات يلا يلا صوره صوره
تقدمو يتصورون ويضحكون
صورة البنات