" المَغّوار "
- لـ : اديان الشمري ♥️
شكد مَرت عليّة عيون
وماجاستني بس عِيونك .
...........
الساعة 2:30 ليلاً
- دنفتر بالـ سوك اني وخالتي وخواتي والدنيا بارده
ثلچ وخالتي وخواتي ليهسه يختارن ملابس وغراض
لأن خالتي كُلش دقيقه بـ غراض البيت وتوسوس
وخواتي كوه يلا يقتنعن يشترن ملابس
حنين : اووو موحلو هذا بنات الجامعه نصهن
لابسات نفَسه
روجيـان : يااا واذا ؟
حنين : هسه يكُللي تغارين من يمنه لا عيني لا
روجيـان : راح اعوفجن واروح شنيه
اماني : دصبري شسالفة هسه نخلص
روجيـان : ديلا ياعيني
عاد صُـدك خلصن ورجعنه للبيت مكسرين سلمنه
على امي وبيبي وصعدت فوك بدلت وغسلت
وكعدت يمهن وهنه يسولفن واني بالي مو يمهن
تعبت كلش خرب حضـي
الساعة 4:20 عصراً
- واكفـه كبـال الدكتور وهـو ديحچي ويا بنيه و
هي تضحك وتشاقه شكد خُفه دخيل مـحمد وهو
مبتسم ومنطلق بالسوالف طلع نسونچي! واني
عبالي ثكيل ويكره البنـات بس طلع لا!!
روجيـان : دكـتـور ردتنـي؟
- أي ، تشرفينه ست ميلاد بكل وقت أهلا وسهلاً
ميلاد : ههههه تسلم دكتور اترخص انـي
طلعت البنية وهو باوعلي وأشرلي اكعد على كـرسي
كعـدت وكـال
- روجيـان لا تستقبلين بعد مراجعين
بس العندج بـ سجل ، عندي شغل وماالحگ
روجيـان : تمام دكتور
طلعت بسرعة هسه ع هاي صاحني؟ شكد
بطران لليل خلصو المراجعين ورتبت
المكان وغرفته طبعاً جان واكف يم السديه
ولابس بنطلون اسود وقميص اسود طالع
كلاسيكي وشكله يذوب اكبر وحده
طاح من الميز القلم دنگت اجيبه واسمع
صوت يكول " اويلي " درت وچهي
واشوف الدكتور يباوعلي انتبهت عليمن
يباوع !! شكد ادبسز نزلت قميصي وحچيت
بـ توتر ،
روجيـان : تريد شي دكتور راح اروح؟
- أي اريد
