المنتهى

"كـما وصفتني بالسدير فأنا المنتهى"

معنى هل كلمه عميق شويه
هنا لما واحد من ابطالي كالها الحبيبه يقصد
انو هوه مكان راحته ومأمنه لكه حضنه مثل الوطن اله يرتاح بيه والمنتهى يقصد بيه... انو هوه مو شخص عابر انحفر بكلبه حبه لاقصى حد يعني هوه الختام الحبه... مثل" اني نهايه حبك مشوار كلبك الصغير"...

اتمنى تفهمون بالكوه شرحتها...

تاريخ انشاء الروايه
2024/5/1
تاريخ اعاده النشر
2025/6/17

--

"واب" ردف الطفل اسم عمه الي جان داير وجهه يسولف بالتلفون وبس سمعه سد الاتصال داير جسمه "يا حبيب وئاب شبيك عمو " نطق وئاب بأبتسامه متقرب منه يشيله

"اليد تتو و تبت و ثير" نطق كلماته بخربطه وبطريقه مضحكه مخلي وئاب يضحك عليه "يمه ضي الصغير يريد ككو و جبس و عصير و ما أجيبله لا هاي مصيبه تعال حبيب عمك"ردف وئاب كلامه عاض خدوده المنتفخه المحمره بخفه

خلاه يضحك يحاول يوخره"يمه وئاب عوفه للولد لا يتعور ويبلينه حداد"نطقت خديدات الزوجه الاولى للاب داخله للمطبخ بضخامتها وطولها وجهها عابس حيل وبيه جروح سببها.. ضحك وئاب من وخر اسنونه شايفه يمد بشفايفه

" يمه راح اروح لأبو احمد اشتريله وارجع من يجي حداد كليله على سالفه الجامعه "نطق متلقي همهمه امه الي جانت تطبخ طالع من البيت وهوه يحاجي ضي يقلد كلماته الما مفهومه مخليه يعبس

وصلو للمحل بعد ما اتعارك ويه ضي مخليه يبجي باوعلهم ابو المحل بأستغراب" هذا ابن منو وئاب اول مره اشوفه وياك"نطق الرجال وهو يشوف الطفل الي ضم راسه بركبه وئاب بخجل" هذا ابن حداد الصغير ما نطلعه هواي مناعته ضعيفه اخاف يتمرض " اخرج الرجال اوه متعجبه رادف "ولا يشبه حداد عبالك مو ابنه شوف شلون حلو لعد شبيه مصطفى معنجر" تنهد ابو احمد " ابو احمد كول يالله الناس تتمنى الخلفه وانت تتبطر عليها ومصطفى مابيه شي بس ضعيف حيل " ابتسمله الرجال "والنعم من عبد الزهره لهل تربيه والاخلاق عوفني هسه انت شلونك بالسادس نجحت لا؟"

"النتائج هل ايام ان شاء الله خير" سمع هوسه النسوان الي دخلن "شوفي سحر هنيالها التاخذه لعد شبيها خلفتنا كلهم مو هيج الواحد عبالك كاض سنوات بالشمس لو ما مخلفه احسن والله" سمع همسات النسوان استغفر ربه ماخذ الي يريده يطلع من المحل "كبر اي والله ناس تتحسر وناس تتهنى شنرجه بعد من النسوان مايحمداً ربهن للنعمه الحمدلله على نعمه العقل"

نطق وئاب من بده ضي يبجي بصوت عالي ميدري شبيه داخل للمطبخ مقابلته اريام زوجه حداد ركضت فوراً تاخذ ضي من حضن وئاب"وئاب ليش طلعته ماتشوف الجو شلون اكيد اعرف سوالفك فريته المنطقه كلها و بالحر "نطقت بلوم لوئاب الي اتأفأف" لا عمي شبيج ما فريته اصلاً لعبت روحي من هل منطقه "نطق وئاب كاعد على الكرسي وهي كامت تهز بيه
"ليش؟ "