ذراري الهجرس

الفصل السابع والأربعون

كثرت التساؤلات
وصدحت الأصوات
من انتي ياترى
أروح انتي ام فيك تجمع الصبر الأكبر

حيدرة ✨

هاي البارت الجميل واللطيف قبل لا تبدون صوتو وتابعو الحساب ولاتنسون الكومنتات الحلوة مثلكم 🤭❤️

*********************************
بقلمي : زينب أنمار ✨

ترانيم.........

كنت ومازلت صابرة انفض عني اهات السنين واقول لنفسي الخائرة لا تبهتي لا تذبلي فهي ضحت بحياتها ووجودي بقى بنفسها وروحها المضحية

وقع هاي الكلمات كان أكبر عليه من روحي خاصة من كمل حيدرة كلامه : الطبيب كال عيونج بيها أمل وراح يجهزج للعملية

زفرت نفسي الي جنت لازمتها ونزلت راسي حطيته بين ايديه ابجي بقهر دموع فرح وقلق مجاي اصدك راح ارجع اشوف احس كاعدة بخيال وخايفة اكوم منه

حسيت على حيدرة حضني وكال بفرحة ما تقل عن فرحتي : حمدالله والشكر الف حمد الك ياربي

ماتحركت وحضنته ابجي واشهك وهو عصرني بحضنه اكثر ينطيني الأمان ويحجي بهدوء : كتلج راح ترجعين تشوفين جنت متأكد من هذا الشي والله جنت متأكد لا تبجين روحي انتي لازم هسه تضحكين

ضحكت بين شهكاتي مامصدكه لحد هسه هذا الكلام وكلما يكول راح يرجع نظرج صوته يدغدغ كلبي ويفرج هذا الهم الي اتكدس بداخلي

هدئت وبعدني حاضنته : حيدرة يعني راح ارجع اشوف

حيدرة : اكيد وترجعين افضل من قبل

تنفست براحة وصوته يتغلغل بروحي زارع بيه الأمل والحياة الي فقدتها

وخرني من حضنه ولزم وجهي داخل كفوفه : هسه لازم نطلع لا يذبونا ثنينا برا

تعالت ضحكاتي وهزيت راسي موافقة على كلامه اما هو حجه ويا الدكتور شوي وراها طلعني من المكان وحجه بين مانمشي : هسه نروح نشتري ادويتج وراها نرجع للبيت حتى تاكلين وتبدين بيها

هزيت راسي موافقة وفعلا اشترينا الدوة ورجعنا للبيت خلاني ابدل وخلالي اكل ويا الأدوية

حيدرة : تنامين لو نروح يم اختج

: خلي نروح يمها

حيدرة : كومي لعد

وكفت بمكاني مستغربة : اروح بملابس البيت

حيدرة : اي طبعا بس خلي البسج هاي القمصلة حتى ما تستبردين

لبسني القمصلة وخلا قبعتها براسي وراها سدها يضحك : طلعتي كتكوت سمين

ضحكت بدون روح : ها ها ها ضحكتني ديلا اطلع بدون حجي

حيدرة : امرج حضرة المدام

تقدمت للباب وردت البس حذائي بس هو وكفني وحجه : انتضري اني اسد القيطان