بـسـم الله الـرحمٰن الـرحيم .
" أحَفاد الجَبروت "
طلعنه للطرمه علىٰ
صوت الهورن أنصدمنه
من المنظر
سيارات سود محتله المكان ..
والهورن صاير موسيقى
ونص الولد
طالعين من فوك السياره
يرگصون ويصيحون : خطوبة أبن الغربيههههه يابهههههه .
بلنص سيارة أنفتحت الجامه
وأنمدت أيد أبو تُراب
يأشر النه : طبن جوه .
صدگ طبينه جوه وضلينه
نباوع من الجام
گلهم نزلو من السيارات
تطلع بـ 17 سيارة
أحتلو المنطقه گلها بسياراتهم
المنضر يشگ نزلو الشيوخ
گلهم معگلين وأبو تُراب
وأسد الله لأبسين الخاجيه ..
وعلي لابس القاط ..
طبو جُِوه المگان ماگفه
ليبره طلعت الكراسي ،
أدري المن خاطب انجلينا
أشو هيَّ الفاهيه ..
ضلينه أني وفِداء ونور
منتجين عل باب نسنط
شويه وانفتحت وتلاثتنه وگعنه
گام علي يساعد نور تگوم
أردف : يولي أنتِ العروس لا تفشلينه .
همزين محد أنتبه علينه
جان الگتله مالها والي
أردفت وحده من البنات :
ليغاد شوي أنه بس اهلهل
أنتن أعرفن تمت الخطوبه .
طببو نور حتى يعقدون فرد مره .
شويه وگبت الهلاهل
أني وفِداء ضلينه نگمز فرحانينن
والولد طلعو بره شايلين بـ
علي ويهوسون ويرگصون
واني وفداء نزعنه الحجاب
وبقينه بلعبي .
شغلو بل صاله : ذبي
العبايه گلهن گاعدات
طبينه أني وفِداء فاگات
الشعر أشقر وأسود تگابلو ..
أول ما گال : ذبي العبايه .
ذبينه العبي أني وفِداء
وشدينه الوصل
السود على خصرنه
صبيحه تهز بـالعكازه
وأني وفِداء نهز ورك
وخصر رگصنه حسب ما گالو
يخبل ومرتبب النسوان
يحجن بيناتهن ونور تصفگ
النه ، الگُل صافن علينه وعلىٰ
رگصنه حتى الهجع رگصنه ..
لحد ما گامن ثنين من الحاضرين
يم صبيحه حجن ويه صبيحه
وصبيحه أختفت أبتسامتها ..
ماهتميت گملت رگص .
تگابلنه أني وفِداء نهز مؤخرتنه
علىٰ الموسيقى ..
رغم صوت الاغنيه بس الاغاني
البره أعلى جانو مشغلين
" حباب يمك صاير
وأنه مدوخ عشاير"
والولد يرگصون شويه
وحولو عل جوبي
وشغلو أغاني الغربيه .
رحت للشباگ أشوف
علي الاصغر بلنص
وأللاسد والذيب
بصفه لازمين أيد بعض ويسونن
الجوبي ولابسين الداديش .
جان ناقصهم عون أبتسمت بقهر
ورجعت گعدت ماگدرت أكمل
رگص بعدما تذكرت أم ابيها
وعون .
شويه وگامت المره من
صبيحه وتقربت مني
گعدت بصفي : يولي شسم هذيج البنوه .
ملاذ :ياهيَّ خاله ؟ .
_ هذيج الشگره بنيتي .
_ أسمها فِداء علي ليش؟ .
_ها وانتِ يـحليوه شسمج ؟.
_ ملاذ الحسين .
_ ألاسامي وراعيهن يخبلون .
أبتسمت : شُكراً خاله .
_ العفو يبعد خالتج ، متزوجات؟.
_ خاله جنج ما حظرتي عرسنه ؟
تره العرس أجوي زلم الغربيه
گلهم والنسوان هم .
_ لا حظرت العرس ،بس مابيها مجال تطلگن تاخطبجن لزلامنه .
صفنت أبتسمت ببرود:حتىّ وأن گان تطلگنه لا سامح الله ..
مراح أخذ الي يسمون زلامكم
يولي بعد أحفاد الجبروت
مأكو زلام .
_ صلفات ،وماعليجن عتب
تربية صبيحه .
_ أفا أولشي حلگج هذا الخايس
روحي غسلي بربج كتلتيني
ثانياً تربية صبيحه أحسن تربيه
ولوما هي الزلم ماصارو زلم
ثالثاً أني مو تربية أحد
يولي أني تربية السيد
وهذيج تربية دُره صگارتگم .
سمعت بدُره أنلصمت
صدگ جانت صگارتهم
شحده اليجيب طاري
أختها لو طاريها
تگتله وتگتل زلم .
گملت الخطوبه وعلي گلساع
جاي للشباگ يغمز لنور
وهاي تغطي بوجهه خجلانه .
صورت غمزة علي وخجل نور .
وهواي صور للخطوبه أخذنه
سوه : أوگفو عدل يلاااا .
هايشنو لعد وين صبيحه .
وخرت رگض أجيب صبيحه
جريتها جر : يولي اهدي ماتطير .
ملاذ : يولي العرسان مستعجلين .
وگفتها گبالنه ووراها
أني وأبو تُراب والاسد
وفِداء ،وعلي ونور الحسين
والي ديصور نور الهُدى
صبيحه :خاب ديلا الفاهيه .
نور الهُدى : لتخلوني ابطل .
فِداء : أهو عركة العجايز
خاب يلا راح واهسي .
صبيحه : هسه شني أبتسم .
أبو تُراب : لا العبي رگيضان .
ضحگنه گلنه
صاحت نور الهُدى :
واحد ،ثنين ،تلاثه .
وأنطگت الصوره
گلنه مبتسمين بيها
ومن أجمل لحظات حياتي
جان ناقصنه السته الراحو .
گملنه الصوره والبيت
فرغ تنفست براحه : يلا عيني
لا تتنفسين تره وراج شغل .
ملاذ : عشتو لعد أنتِ و نور ما تنضفن وياي .
فداء : أني زوشي يريدني ونور هم نضفي أنتِ .
ملاذ : ولعباس ولحسين ولكاظم
اذا تصعدين أكتلج .
گملت كلامي وانداريت
أجيب المكناسه ..
فجأه سمعت رگضه
لگيتها تركض ليفوگ
نزلن دموعي أحجي ويه نفسي :
شينضف البيت شگبره ياربي
شگبره .
فجأه أجاني صوت من وراي
وأيد أحتوت خصري : ألشيخ ينضف وياج ولا دموعج العزيزات
علي ينزلن .
أبتسمت أنداريت صرت بحضنه :
صدگ حتنضف وياي .
_ أي وسيد كربلاء .
_ يلا لعد عليك المواعين
وعلي الباقي .
قلص عينه رگضت للمطبخ
أرتبله المواعين حتىّ
يغسلهن ..
فجأه حصرني بين السنگ
وبين أيده : عيب يولي لاينزلون أخوانك .
_ أشتعل أبهاتهم مرتاحين
بين الاحضان وأنه ومرتي
نشتغل .
_ توتو حبيبي وخر .
_ يولي أنتِ قرج .
_شنو قرج؟.
_بربوك .
_ أشو يمكم مثقفه .
_ أي صح ،وهسه يلا بوسه .
_ أبوسك بس توخر .
_ أي ياقرج .
بسته بخده جر خدي
وخله شفتي بشفته .
جر شفتي حيل مغمض عيونه
وأني متوتره أخاف أحد يطب
فشله فجأه طبت صبيحه
من توتري ضربته راجدي
وهو فتح عيونه بقوه
أشرتله وراه اندار شاف
صبيحه : يولي علمود هل عجيز تضربيني راجدي ياقرج .
صبيحه : تأدب يترباتي تأدب
تشفشف مرتك بـالمطبخ
ماضنيت أخوانك ينزلون ؟.
أبو تُراب : يولي أخواني جالسين يسون الاكثر مني وأنه ومرتي
ننضف موعيب .
صبيحه : عجل أصعدو وأنه أستلم هل رعنين هذول .
گيف أبو تُراب نزع اللبس مال غسل مواعين وشالني وصعد وأني
فطست ضحك وصبيحه تصيح :
فددوااااااا ولجججج أنتِ
واسودججججج نزلوووووو .
تركت علي ونور لأن توهم عرسان .
أنت تقرأ
هزيم الرعد "أحفاد الجبروت"
Short Story#قُـصـة_حـقـيقـيـة . بـقلـمِ شَهرزاد علي . "هَـزيـمُ الـرَعـدِ" . صَـوتُ الـرعـدِ الـهَزِيـمُ صـوتُ جَـرْي الـفـرس ... قِـطـعَ مَـن الـذّهَـب وأنـا هـيَّ الـسَـلاحِ الأبـيَـضُ .. - َِぬ - " أحَـفـاد الـجَـبـروت " . لا يـوجَـد تـراجَـ...
