دامك زرعتي الحب بداخلي ورد انا ما ابي غيرك من الناس يسقيه

part33

صحت ملاك وهي كلها حماس انها بتروح عند ابوها
راحت تتروش خلصت ولبست ملابسها ونزلت تسوي الغدا
صحو الكل وراحو يقعدون بالصاله ينتظرون الغدا
طلعت ملاك من المطبخ وراحت عند محمد
ملاك :محمد
محمد:سمي
ملاك :متى بنسافر ؟؟
محمد:بعد صلاة العصر
ملاك:تمام
محمد:ترا بنروح سياره
ملاك:وناسه خلاص بروح اجهز اغراضي
ميار :وش قاعدين تقولون انتم
محمد:سوالف متزوجين شكو انتي
ملاذ :القمي
راحت ملاك عند ريم
ملاك :ريموهه حبيبتي اذا استوت الكبسه اغرفيها لهم انا بطلع اجهز اغراضي
ريم :ابشري يا عيوني بس وين بتروحين؟
ملاك :بسافر ابها عند ابوي
ريم :استودعتك الله يا عيوني
طلعت ملاك فوق تجهز اغراضها ونزلت
استوت الكبسه وراحو البنات يتغدون
إيلام :الا ملاك وين رايحه
ملاك:بروح ابها عند ابوي
ايلان :الله بتروحين للجنوب
ملاك :ايه بنروح جنوب السعوديه
خلصو غدا وراحو يغسلون المواعين
خلصو وسوو شاهي وراحو للدكه
جلسو يسولفون ويشربون
نسوي سكب الين بعد صلاة العصر
نزلت ملاك لابسه عبايتها وشنطتها معها
ودعوها البنات وركبت السياره
محمد كان يفكر وشلون بيصارحها عن ابوها
سكت ومشو طريقهم لابها ملاك قاعده وكانت تنتظر متى توصل لاننها حيل مشتاقه لابوها دق عبدالمجيد عند ملاك
عبدالمجيد:ملوكتي شلونتس
ملاك :طيبه ياعيوني وانت
عبدالمجيد :كويس وين انتي قاعده
ملاك :ماسكين خط لابها بروح عند ابوي
عبدالمجيد بلع ريقه:عند مين
ملاك :عند ابوي ليش ؟؟
عبدالمجيد :لا بس قولي لمحمد يراسلني
ملاك :طيب
سكرت الخط ولفت على محمد
ملاك :محمد عبدالمجيد يقول ترسل له يبيك
محمد:طيب
فتح جواله ولقى عبدالمجيد مرسل لمحمد:محمد ليش موديها ابوي انت تعرف حالة ابوي ولو شافته بتنجن
محمد:شسوي زنت على راسي وبعدين الين متى بتخبون عنها
عبدالمجيد :اذا تحسن بنعلمها
محمد:لا يا عبدالمجيد غلط هاذا الشيء بعدين بنندم
عبدالمجيد :محمد تكفى إذا درت خله قريب منها
محمد :ابشر لا توصي حريص
سكر ولف على ملاك شافها نايمه
محمد:اخخ يا ملاك مدري كيف بتتحملين
بعد ساعات وصلو ابها ومحمد صحى ملاك
صحت ملاك وقالت:اخيرااا ابوي جايتك
محمد:قبل نروح عند ابوتس البسي ملابس تدفيتس
ملاك :طيب نزلو اقرب فندق بدلت ملابسها ومحمد لبس ثوب اسود شتوي وشماغ أحمر
أما ملاك فالبست بنطلون وبلوڤر ولبست عبايتها
طلعت ملاك وناظرت في محمد وماتنكر أنها تخرفنت على محمد وهو لابس ثوبه الاسود هزت راسها :ملاك انسي
ركبو السياره ووصلو للمستشفى
ملاك :ليش جايبني المستشفى ؟؟؟
محمد :انزلي وتعرفين
ملاك هنا نغزها قلبها خافت على ابوها
نزلو ومحمد قال للاستقبال
محمد:وين غرفة المريض سعود بن سعد
هنا ملاك انصدمت وحست كأن أحد عطاها كف بقوه
مسكت محمد
ملاك :وش وش سمعت سعود وش فيه ابوي
محمد:بتعرفين
ملاك :تكفى يا محمد وش فيه ابوي وش فيه تكفى علمني
مسك يدها ووداها عند ابوها دخلت الغرفة وشافت امها وجدها واخوانها وعمانها عند ابوها وأبوها في حاله لا يرثى لها
ملاك اول ماشاف حالة ابوها نزلت دموعها دموعها حرقت خدها ونطقت بصوت بكي :يبه
لفو عليها وقامت ام عبدالرحمن :مملاك وشش جابك
ملاك ركضت عند ابوها تحظنخ:يبه يبه تكفى يا يبه قوم يبه
الجد سعد:ملاك هدي يابنيتي هدي
ملاك  صرخت ودموعها شلال :وشلون اهدا وأبوي تسذا يبه وانتم كذبتو علي بتروحون ابها عشان تستانسون طلعتو رحتو عشان ابوي تعبان ليه ماعلمتوني ليههههه
محمد تقدم عندها يمسكها:ملاك امشي
ملاك :لا لا ابي اقعد عند ابوي لا
محمد قومها :امشي واوعدتس انتس تقعدين عند ابوتس اليوم الين تقولين خلاص
قامت مع محمد وهي تبكي :ابوييييي
طلعت مع محمد وجلست على الكراسي مصدومه
محمد:ملاك انا آسف خبيت عنتس بس عشان عمي سعود وصانا مانعلمتس
ملاك :ابوي تعبان كل ذي المده وانا بعيده عنه اضحك واسولف والعب وأبوي تعبان طايح بسرير المستشفى
محمد:ادعي ربي يقومه بالسلامه
نزلت راسها ملاك وغطته وهي تبكي
محمد ماتحمل منظرها وحظنها
محمد:ملاك خلاص اهدي أن شاءالله عمي يقوم بالسلامه
ملاك:ابي ابوي يا محمد اعرف محد بيفهمني غيرك ابي ابوي
محمد:ابشري يا عيوني والله لا تنامين عنده اليوم بس اهدي
ملاك ماتحملت واغمى عليها
محمد صرخ:ملاكككك يا دكتوررر يادكتوررررر تعالللللل
جو الممرضات يشيلون ملاك والجد سعد وعياله طلعر على صراخ محمد
طلعت ام عبدالرحمن وهي تبكي :يمه بنتيي
ودو الممرضات ملاك وفحصوها
طلعت  الممرضه وقالت :المريضه حالتها جدا سيئه بس بنحاول نعالجها ولازم تنتبهون عليها من الصدمات النفسية
محمد :طيب اقدر ادخل عندها
الممرضه :تقدر
دخلو عندها وملاك تبكي
ملاك :ابي ابوييي
ام عبدالرحمن :ابشري يا بنيتي ابشري
ملاك :انتم كذابين انتم خبيتو عني مرض ابوي ليش
ام عبدالرحمن :ابشري يا عيوني
محمد:ياعمه خلاص تقدرون تروحون عند عمي انا بقعد عندها
طلعو من عندها وقعد محمد عندها
محمد:وش فيتس يا ملاك
ملاك بكت :ابي ابوي يا محمد ابيهه
دخل عبدالملك وهو يبكي :ملاك عيوني شفيتس
بعد محمد وراح عبدالملك يقعد عند ملاك
ملاك وعيونها حمرا :ليش خبيت عني يا عبدالملك ماتوقعا منك
عبدالملك :وربي ماكنت ادري انتس ماتدرين وبعدين انا زيك توني ادري ان ابوي تعبان
ملاك غمضت عيونها :الله يقومه بالسلامه
عبدالملك لف على محمد :محمد انتبه عليها بروح اجيب علاجها
محمد:احطها بعيوني هي
راح عبدالملك ورجع محمد يقعد عند ملاك
محمد:افا يا ابو سعود ماتوقعتك بكاي
ملاك :دام سعود تعبان اكيد ابو سعود بيمرض
محمد:عمليه بيقوم أن شاءالله
قرب محمد من ملاك ينزل رأسها تنسدح على السرير ويدفيها
وراح قعد على الكنبه
لاحظ أن ملاك نامت وهي تبكي
طالع فيها وقال :افا يا عيون محمد كسرتي ظهري قومي بالسلامه يا عيوني لو اني داري ماجبتس للمستشفى
طلع يشوف لعلاجات ملاك جابها ودخل عندها شافها تمتم بكلامها
حاول يفهم كلامها لكن مافهم الا كلمات قليله كانت تقول ابوي تعال وتنادي ابوها
محمد زعل على حالة ملاك وجا قرب منها
مسك يدها الناعمه وكان يقرأ عليها
بعد ماخلص قراءه نعس وراح على الكنبه ينسدح
نزل الشماغ على وجهه ونام
~~~~~~~~~
عند سعود ابو عبدالرحمن
صحى سعود وهو يقول :وين انا
فزت ام عبدالرحمن :سعود سعود يا دكتوررر
طلعت تنادي الدكتور ودخل الدكتور يفحص سعود
طلع الدكتور :الحمدلله حالته شوي تحسنت
الجد سعد ابتسم :الحمدلله
الدكتور :بس مين ملاك ؟
الجد سعد :بنيته
دكتور :طول ما انا افحصه كان ينادي اسمها ويبيها اذا تقدرون نادوها
الجد سعد :بنيته تعبانه ونايمه هنا إذا جا بكره بنجيبها
راح الدكتور ودخلو عند سعود يطمنون عليه
~~~~~~~~
اليوم الثاني
صحت ملاك وشافت محمد منسدح على الكنبه ونايم
ملاك :وجعع يا ملاك تعبتيه معاتس
انسدحت ملاك ورفعت يدها تدعي لربنا
لفت على محمد تناديه:محمد
فز محمد من نومه وراح عندها
محمد:ملاك كيف صرتي
ملاك :بخير الحمدلله ابي اروح الحمام أكرمكم الله ابي اصلي
قام محمد حط يده على جبهة ملاك والحمدلله الحراره اختفت
محمد:طيب يلا قومي معي
قامت ملاك تعدل عبايتها وتحط الطرحه على راسها
مسك يدها محمد ووداها الحمام اكرمكم الله
دخلت ملاك تتوضأ وطلعت ترجع لغرفتها فرشت السجاده
وقامت تصلي وتدعي ربها أن الله يشفي ابوها
خلصت وجاب محمد الادويه يشربها ملاك
دق عبدالملك على محمد
عبدالملك : السلام عليكم
محمد:وعليكم السلام ورحمه الله وبركاته ها بشر كيف صار الوالد
عبدالملك :الحمدلله صحى من غيبوبته وينادي ملاك
محمد ابتسم :صدق الحمدلله
ملاك :شفيه ابوي
سكر محمد الخط وقال:ابوتس صحى من الغيبوبه وصار احسن
فزت ملاك :صدق الحمدلله يا ربي الحمدلله
محمد:امشي لانه بيناديتس
ملاك :يبشر لو يبي روحي أهديه ياها
قامت بسرعه تطلع من الغرفه وتروح غرفة ابوها
دخلت شافت ابوها ابوها شافها وابتسم ومد يده
ملاك دمعت وراحت تحظن ابوها
سعود :ايهه ارحبي ببنيتي ارحبي ببنت ابوها والله اشتقت لريحتس
ملاك :ياجعل يومي قبل يومك يا ابوي والله اشتقت لك
سعود :علامتس يا بنيتي
ملاك:ابوي لا تروح وتخليني مره ثانيه
سعود :لا أن شاءالله
ملاك:يلا يا ابو عبدالرحمن قوم على حيلك الرياجيل يبون يسمعون حسك
سعود ضحك :ابشري
قامت ملاك تسولف مع ابوها وتضحك
وعمانها وجدها يناظرون مبتسمين
ومحمد يناظر في ملاك ويدعي ربه أنها صارت بخير
دق ابو سلطان على ابو متعب وطلع ابو متعب برا
رد ونطق ابو سلطان
ابو سلطان :السلام عليكم
ابو متعب :وعليكم السلام ورحمه الله وبركاته
ابو سلطان:شلونك يا ابو متعب وشلون عمي
ابو متعب :الحمدلله نشكر ربنا
ابو سلطان:في الحقيقه يا ابو متعب ابي اكلمك بموضوع
ابو متعب :سم
ابو سلطان:سم الله عدوك انا جاي أطلب يد كريمتك ميار لولدي سلطان مريت بيتكم ومالقيتك لا انت ولا عمي
ابتسم ابو متعب :والله نتشرف فيك وفي ولدك يا ابو سلطان بس ناخذ شور البنت وإذا تحسن سعود أن شاءالله يصير خير
ابو سلطان :الله يقومك بالسلامه يا اخوي استودعتك الله
ابو متعب :فامان الله
سكر ابو متعب وهو فرحان وراح يقول لإخوانه وأبوه
ملاك طالعت بعمها وابتسمت وقالت بينها وبين نفسها(الحمدلله ملاذ اخذت الي تحبه وميار نصيبها جاي بالطريق الحمدلله يا رب عقبال ما افرح في مريم )
نزلت راسها مبتسمه لميار
محمد :يبه نسافر الديره ونكلم ميار ؟
ابو متعب:سعود باقي له يوم ويقوم ويطلع من المستشفى ونسافر جميع
محمد:طيب
ملاك :ياعم
ابو متعب :سمي ياروح عمتس
ملاك :سم الله عدوك بس عادي انام اليوم عند ابوي وانت تروح ترتاح
ابو متعب ضحك :ابشري يا بنيتي
الجد سعد :اذا قام بالسلامه بنوديه يرتاح ببيته
ملاك:لا ياجد بناخذه الديره ابوي مايحب يقعد الا فيها
الجد سعد :تمام الي تشوفينه يابنيتي وانتي ادرى براحة ابوتس
طلعو كلهم وقعدت ملاك عند ابوها
مر اليوم وطلع سعود من المستشفى
وكانو بيسافرون للديره
ركب سعود ورا عشان ينسدح لانه لسا تعبان وعبدالملك يسوق والجد سعد قدام وام عبدالرحمن ورا عند زوجها
وعبدالرحمن اخذ الأمهات وابو متعب مع إخوانه
ومحمد اخذ ملاك وحرك الديره
ملاك ناظرت فيه محمد وقالت :محمد
محمد :سمي
ملاك : شكرا
عقد حواجبه محمد:على شنو؟
ملاك :انك اهتميت فيني يوم كنت تعبانه
محمد وقف السياره : تشكريني على هذا تستهبلين انتي صح ؟؟
ملاك :لا والله جد ما امزح
محمد:جد ولا عم ما ابي منتس شكر فاهمه
ملاك :بس هاذا الشيء مايعني اني حبيتك
محمد:أحد قالتس اني ميت عليتس استغفرالله
حرك السياره محمد
وملاك تراسل البنات وتقوله كل شيء انو ابوها تعبان وأنها تعبت وان وان
إيلام :ياهجادي كل ذا صاير مع عمي وماندري
ملاك ضحكت :انا يابنته مادريت الا أمس انتم شلون
محمد يناظر فيها وهي تضحك ولف يسوق مبتسم أنها ضحكت
قال بينه وبين نفسه (خايف اتكلم وترفضيني زي المره الاولى)كمل يسوق الين وصلو الديره
نزلت ملاك من سيارة محمد وراحت تمسك يد ابوها عشان يمشي دخلو الصاله وراحو لغرفة مجهزينها لسعود
انسدح سعود ودخلو البنات يسلمون عليه وملاك قاعده جنبي
الجد سعد :انا حلفت على نفسي اذا سعود قام بالسلامه اني لاسوي عزيمه كبيره واذبح له ذبيحتين
ملاك ضحكت :محد خرب أجسامنا وسمنا بسببها عزايمك
ميار:لا تكذبين منتي دبا
محمد ضحك :اصدق كل شيء إلا اني اشوف ملاك دبا ذي اشيلها بإصبعي
ملاك :كولو فراوله
ميار :مسويه محترمه قدام عمي
سعود حظن ملاك :الا الا ملاك لحد يتكلم عنها
ملاك :شفتوو احسن
ضحكو الموجودين وكملو سوالف
وسحبت ملاك ميار
ميار :شفيتس
ملاك :تخيلي انو الحب حقتس بيخطبتس الليله
ميار :تمزحيننن
ملاك :وربيي العزهه
ميار ابتسمت :منجد
ملاك :ايههه
صرخت ميار وهي مبتسمه
وفعلا ماهي ساعات الا دخلو سلطان وأبوه وخطبو ميار من ابوها واستخارت ميار وارتاحت
والأمهات يزغرطون وسلطان مبسوط
انتهى اليوم وراحو الكل ينامون
ونقول انتهى البارت
امزح معكم نكمل
~~~~~~~
اليوم الثاني عزيمة سعود
كانو البنات يتجهزون وملاك خلصت كل شيء باقي اللبس لبست بجامتها وحطت على شعرها لفافات  ونزلت
اخذت فراش سعود ونزلت تبي تفرشه بمجلس الرجال
نزلت وطاحت مسكها محمد وطبع روجها بخده بالغلط
محمد غمض عيونه:اول شيء ثوبي بعدين خدي شعندتس انتي
ملاك :وش دخلني انا انت تطلع بوجهي
محمد:لو ماطلعت كان طحتي وراحت الكشخه هاذي كلها بالأرض
ملاك حطت الفراش وسحبت محمد المغاسل
ملاك :خلاص اسفه
فتحت المويا وبدت تنظف خده وهو يناظر فيها
ملاك :شعندك انت مع الثوب الاسود ؟؟
محمد:احب اللون الاسود بعدين برد وثيابي البيضا خفيفه وانتي ليش لابسه بجامه
ملاك :باقي ماخلصت بروح اجهز ابوي واذا خلصت بروح البس
محمد:تمام
نظفت خده وجابت المنشفه تمسح وجهه
ملاك :خلصنا بس محمد ابي اطلب منك طلب
محمد:وش
ملاك :تكفى انتبه على ابوي من البخور والعطر بينكتم
محمد:يبشر بالخير عمي
محمد يناظر المرايا ويظبط شماغه
محمد:تخيلي طلعت لهم بروجتس هاذا
ملاك : كان راحت الهيبه يا ابو هيبه
محمد:اعوذ بالله منتس
عدل نفسه وطلع وملاك تناظره الين راح
راحت تاخذ الفراش وراحت للمجلس
راحت تبخر المجلس وفرشت فراش سعود
وبعدها راحت لابوها دخلت وقالت:اففف حتى وانت تعبان مزيون
سعود :وش ذا الزين ياروح ابوها
ملاك :بابا جهزت
سعود :ايه
ملاك:طيب انتبه من العطر والبخور
سعود :سمعتها منتس مليون مره
ضحكت ملاك :خايفه عليك
خلصت من ابوها وطلعت تلبس مخورها واكسسواراتها ونزلت
ابتدت العزيمه والناس يجون من كل مكان
كانت ملاك بالمطبخ تسوي قهوه للحريم والرجال خلصت وحطتها على الطاوله
دخل محمد معاه الذبيحه وهي مق##طعه حطها عشان الحريم يطبخونها قام ينفظ يده وشاف ملاك طالع فيها لمدة دقايق
ملاك :هاذي القهوه خذها
شمت ريحته وقالت :لا لا تروح للرياجيل وريحتك د##م امش معي
محمد:لا عادي عشان يعرفون أن زوجتس راعي مواجيب
ملاك :اقول امش مو لازم يعرفون بعدين كتمتني انا فما بالك بهم أمس دخل محمد وراحت ملاك تجهز البخور
تقدمت تبخر محمد ومحمد يناظرها ويقول بينه وبين نفسه (هاذا الزين كله لي بس حسافه بيروح مني الزين هاذا )
وطلع قبل أحد يشوفه وأخذ القهوه
رجعت ملاك للمطبخ ت##قطع الذبيحه وتغسلها من الد##م
طبختها وخلتها على النار وطلعت للبنات
شافت لمى وتقدمت تسلم عليها
لمى :ايوهه ووش عندها راعية المواجيب طول  الوقت بالمطبخ
ملاك :تعرفين عزيمة ابوي لازم اكرف
إيلام :لازم نسميتس ام صامل
ملاك ضحكت :انتو كل شوي تجيبون لي لقب
ملاذ :مدري كيف اجتمعت الصفات فيتس دلوعه بس بنفس الوقت راعية مواجيب حرمه على أصول
ملاك :امشو نقعد خيست بالمطبخ
ميار:محد قالتس تكرفين
ملاك :على زق
لمى:هيي كل شيء إلا زوجى
ميار :اموت عليتس
ملاك :يمه منكم امشو
مشو البنات يتقهوون ويسولفون ويضحكون
بعد ساعات استوت الذبيحه وتوزعت وراح الكل يتعشى
ملاك استغلت الفرصه وراحت تتصور وتسوي ترند الجديد انو تمسكين جوالتس على أساس مسدس وتصور
دخل محمد ورجع يحسبها وحده ثانيه بس يوم شافها تأكد أنها ملاك
محمد:اويلييي قلبيييي يا ملاكك
ملاك تصور وتتدلع وتغني جاهله العيون الي تتأملها وميته عليها خلصت تصوير وراحت ومحمد راح للرجال وهو ماسك قلبه
خلصت العزيمه وراحو الكل ينامون دخلت ملاك الحمام تبدل ملابسها تلبس بجامتها وتربط شعرها وتمسح الميكب حقها
طلعت من الحمام متوجهه لغرفتها بس سحبها محمد
ملاك:اي يدي
محمد:سوري بس ابي مقطعتس حق الترند
ملاك شهقت :هييي كيف شفتني
محمد:ارسليه
ملاك :قليل ادب تتفرج علي
محمد:خليت الادب لتس اذلفي بس
راحت ملاك لغرفتها وهي متفشله انو محمد شافها وهي ترقص
غطت وجهها تصرخ:حيوانننن
نامت وانتهى اليوم عند الجميع

انتهى البارت حبايبي قلبي
اعذروني اذا قصير واعذروني عن التأخير
لا تنسوني من النجمه حبايب قلبي⭐

الكاتبه :جيلان بنت سعود العتيبي