الكاتبة : اديان الشمري
قبل لا تبدون تقرون البارت صوتو وعلقو
وتابعوني كـ بدايه جديده 💛
_____________________
بغداد
الساعة 2:30 ليلاً
- نايمه على جربايه واباوع على مسلسل واكل
حلويات بالي مو يم الساعة أصلاً!
انتبهت الساعة بـ 2 ونص عزه بعيني وعندي دوام
اباوع لخواتي نايمات بس اني گاعده شكد ثوله
ذبيت موبايلي والسماعات واتغطيت زين نوب
بارده ثلج بداية شهر الـ 12 والجو بارد كـُلـش
شوية وغفيتَ ..
الساعة 11:30 صباحاً
- بين النايمه والكاعده احس هدوء يمي ولا صوت
شعچب ؟ فتحت عيوني ع كيف الضوه صار
بعيوني تحديداً ، الغرفه مكلوبه كلاب من خواتي
مطشرات ملابسي وملابسهن والمكياج والغراض
ورايحات للدوام شكد ادبسزيات
گمت غسلت ونزلت جوه امي كاعده بـ هول مشغله
قران وبأيدها الموبايل " صباح الخير ياحلوه "
امنه : صباح الانوار حبيبتي
- شدتسوي الحلوه
امنه : خابرت ع خالتج ماتجاوب ولا بيبيتج
وخايفه عليهن
- مابيهن شي حبيبي بس خالتي گلتلي النت
خلص ورصيد ماعدهن
امنه : يووو الحمدلله خفت عليهن
- لا تخافين ، مااچن البنات
امنه : لا مااجن عدهن امتحانات يتأخرن
هزيت راسي بـ أي ، مااتريكت لان بس امي تصب
الاكل مااتغده انتظرتها للغده كامت تسوي اكل
واني نظفت البيت ونسقت ملابس من اروح للدوام
صارت بـ 12 وربع اجن البنات بدلن وغسلن و
صبينه الاكل اتغدينه ومايخلو من سوالفنه وشقانه
الي يترس البيت ..
امنه : ماما صارت بـ 2 كومي بدلي هم يلا
- يبووو هاي شلون نسيت من وره السوالف
صعدت فـوگ ، لبست كيلوت قماش جوزي وبلوزه
ام الركبه اوف وايت دخلتها جوه الكيلوت و
خليت مكياج خفيف واكثر شي ابرز عيوني لان كبار
ويلوگلهن الكُحل كلش
وشعري رفعته ذيل حصان ونزلت خُصل صار يموت
واني شعري ناعم كلش وطوله وسط
ولبست حذاء ترانشوز ابيض وجنطه جوزي رشيت
عطر اخر لمسات باوعت لنفسي بالمراية وأبتسمت
