هوسَ صكارِ

5

بالوقت اللي ماردت اشوف بي احد
"چنت اباوعلك واعِيش"

❄❄❄❄❄❄❄❄❄❄❄❄❄❄

تقدم صكار للشاب الي يضرب غيث سحبه من ياخته وضربه بوكس على وجهه.. وركعه كله على خشمه.. وشمره على يزن الي اخذه منه بأبتسامه بارده ولزم راسه.. وركعه بالمغسله مرتين بكل قوته ورفعه وشمره بالكاع جوه رجلين صكار وكل هذا تحت نظرات اطفالنه الخايفينن من منظرهم المرعب عبالك مجرمين..
تكاومو عليه صكار ويزن ويضربو بقوه لمدة ربع ساعه..

زادت حالة جود أكثر.. جسمه يأذي حييل وأثار الضرب مو حلوه وزركت جسمه حساس بسرعه يصير بي أثر..

اخذ نفس بالكوه من الألم الي بصدره.. تقرب منه صكار بعد ما سمعه يأن بوجع.. نزع سترته ولبسها اله وملامحه غريبه على مضلمه وهاله مخيفه محيطه بي... لف ايده على خصره وكومه بهدوء وخفه علمود لا يتألم.. اجمه المدير بعد ماسمع الهوسه هوه وكم شخص وشالو الولد المضروب وتوجهو لمكتب المدير.. يزن طلع وراهم بعد ما غسل وجه ليان وتأكد أنو خشمه مابي كسر.. ولزمه من كف أيده يمشي على البطيء لان ليان دايخ من الضربه..

وغيث ورهم بعد ما كمل تغسيل.. متوتر وخايف يتصلون على اهله وهو طالع بدون علمهم.. وهو هم اخذ نصيب من الضرب.. شفته مشكوكه وتجري دم وخده احمر من الراچدي ألي أخذه تنهد وهو يدعي
انو بحر ميعرف بالي صار. لان اذا عرف رح تنكلب يوم القيامه على راسه لان كسر كلمته وطلع بدون ميدري.. تنهد بخيبه.  وهو يلحكهم الغرفه المدير

دخل المدير وهو عصبي بسبب الحالتين الصارت اليوم بجامعه وتكومت المشاكل على راسه..

"يعني صدك تحچون شنو أحنه بالمدرسة.. زعاطيط انتو تتعاركون بالحمامات.. لا فوكاهه مكسرين الولد ما بقه شي صاحي بي.. وعلى شنو صارت المشكله احد يفهمني هسه.. واني اتصلت على اهاليكم.. اريد اشوف حل ويا مشاكلكم.. تكول مجرمين.. مو جاين ادرسون وتبنون مستقبلكم.."

كل هذا وجود كاعد وتفكيره بغير عالم ومو يمهم اصلأ.. شكد شخص منحوس اول يوم اله وصارت مشكلتين بسببه.. وشكد هسه نفسيته مدمره اصلا ما چان متخطي الصار الصبح نوب هسه هاي المشكله الصارت صارت حالته أسوء ونفسيته هم بالحضيض..

بعد نص ساعه اندك الباب مكتب المدير ودخل شاب طويل يمكن 191.. وضخم وملامح حادّة شاب وسيم بمعنى الكلمه.. تقدم وعلى ملامحه البرود القى السلام على جميع.. وكعد يم غيث بعد ما باوع عليه بنظره عميقه وهو يشوف جروح وجهه.. وغيث الي تبادل النظرات هوه وليان.  (╥﹏╥)

جود فاق من شروده وباوع على بحر بأهتمام من شكله.. وصكار شاف هذا الشي وضلمة عيونه ولزم ايد جود بحده وقوه

صكار بغضب وصوت هامس " وخر عيونك لا اقلعها الك وخليك متباوع هيج  الغيري مره ثانيه حسابنه ماخلص.. من نرجع رح احاسبك... وينتظرك عقاب واشوفك صكار منو... "