هزيم الرعد "أحفاد الجبروت"

هَزيمُ الرَعدِ "أحَفاد الجَبروت" ¹⁴

﷽
‏بَين الرَغبه والتَخلي -

"أحَفاد الجَبروت"

(تم حذف مشاهد العقد والخطوبه لـفِداء والاسد بأمر من أسد ﷲ فـ حنبدي گبل بَـ العرس  ).

فِداء عَلي  ':
گمل گلامه يتفحص ردة فعلي  .
فتحت عيوني بصدمه گلبي
يريد يطلع من مگانه من الخجل  .
البنات وگفن بباب الهول منتضرات
جواب صبيحه، هل راح ترفض؟

صَبيحه': موافقه حددو موعد العرس  .
ملاذ بس سمعت گامت تهلهل  .
والولد گامو يحضنون بأسد ﷲ
الي الابتسامه شگت حلگه  .
صبيحه': بس عندي شرط يولدي  .
': أمري جده  .
صبيحه': عرس الاسد والذيب سوه  .
أسد ﷲ': افا يجده تأمرين  .
أبو تُراب': خوفتيني وسيد كربلاء
علىٰ بالي راح ترفضين تاوديچ
حدر كاظم  .
صبيحه': ضب لسانك يلذيب لأ أكوم
افلعو لك .
ضحك وگام باس راسها  .
أسد ﷲ يباوعلي بنضرات مليانه
حُب والابتسامه شاگته  .
ابتسمت ونور وملاذ چني گعدن بصفي  .
فِداء عَلي': يعني متخلون واحد يسوي نضرات ويه حبيبه؟  .
ملاذ': تسوي نضرات أم الضباط
من هاي عينچ
الي لاهي زرگه ولاهي بُنيه  .
ضحكت نور': أي ولله ههه  .
فِداء عَلي': أني شگلت ولچ أشو تعاندين موگتلچ خلي حلگچ
المفهي للاگل بس طايحة الحظ
أم حلگ الفاهي  .
نور': دنجبي لچ  .
گمت تخوصرت فاتحه عيني بقوه': هاي عليمن الفاهية  .
نور': عليچ  .
فِداء عَلي': أني اعلمچ  .
جريتها من شعرها
سحلت الهول بيها
علي الاصغر متخبل يصرخ': أتركيهااااااا راح أجرمممممم بيجججج  . 
ملاذ وأسد ﷲ تخبلو  .
ملاذ': يمه أختي  .
ملاذ تجر بيها من شافتني مصره
أبقه اسحل بيها ضربتني راجدي  .
توقفت صافنه علىٰ ملاذ الي جرت أختها لحضنها': يمه حبيبتي
صارلج شي تاذيتي مو سوده عليه  .
صفنت مو من الراجدي لا
صفنت لأن أختي چانت نفس
حنية ملاذ وخوفها علىٰ نور  .
يحچون وياي واني صافنه يهزون
بيه جسد يتحرك بس بدون كلام  .
صبيحه': أتركوها يولي تذكرت أختها  .
أندارت ملاذ علىٰ حچيها': يا اخت؟  .
تحسرو الولد واني أيدي گامت ترجف
أسد ﷲ يباوعلي بخوف ميگدر يقرب  .
تركتهم ورگضت للغرفه  .
گل البالي اشاقه ويه نور  .
بس سووها صدگ  .
حضنت رجلي أبچي  .
الماضي':
طبيت للبيت أبچي،فاحطه
تنمرو عليَّ وگتلوني  .
لگيتها مثل گل مره
واگفه بلباب تنتضرني شافتني أبچي  .
تخبلت تهز بيَّ وتحچي': شبيچججج
ولچ منووو منوووو خلاچ تبچينننننن  .
فِداء عَلي': الطلاب ال الي وي وياي  .
أحچي وتقاطعني شهگاتي  .
حضنتني بقوه أردفت بگُل حنية':
دُرة عَلي': يابعد روح أختچ  ،
رايحه أخذ حقچ وأچي  .
أشرت براسي أي  ، مسحت دموعي
وتوجهت لداخل البيت طلعت لابسه
العبايه والشحاطه وطلعت فايره  .
دُرة عَلي، عدها گُلشي ولا واحد
يتقربلي من ماتت أمي من يوم
ولادتي وابويه گارهني گل الباله
أني سبب موت أمي، بس أختي
هيَّ الي أحتوتني وحسستني
بـشعور عندي أم وأب ربتني 
وعلمتني ونضربت وتأذت
جسدياً ونفسياً رغم گل هذا
چانت تبين ألي أنو مابيها شيء  .
قاطع تفگيري صوت الباب
انقفلت عرفتها أجت  .
دخلت باوعتلي وأبتسمت
نزعت العبايه وتقربت مني': ها يابعد روح أختچ لساچ زعلانه أخذت حقچ من عيونهم  .
أبتسمت وبست أيدها ماتقبلت الشي هذا چرت أيدي باستها وباست راسي  .
أختي هاي الحنينه أم گلب الطيب
الي ماتزوجت طول عمرها لخاطر
تطلعني مُحاميه   .
بيوم أجانه أتصال أنو عمتي أخت أبوي
چتي للانبار، أصريت أروح يمها حتّى
العب ويَّ الجهال بذاگ الوگت عمري
16 وأختي 25  ، رغم صغر عمرها
ألا أن المرض ماگلها   .
توسلت بيها أروح وهيَّ مصره بقوه
برفضها لروحتي': يولي أريد أشبع منچ  .
فِداء عَلي': شويَّ وأرجع ولله ماتاخر عليچ ابو فاضلل ولله صارت بنفسي
أروح  .
صفنت ودموعها تنزل روحي راحت': يلا خلص ماروح لاتبچين  .
زادت بلبچي أجه ابوي علىٰ صوت بچيها
ماگدرت تگوم المرض مالهگد متعبها
باقيه بلفراش  .
مُحمد': شبلاچ بنيتي عش تبچين؟  .
دُرة عَلي': لا يبوي مابيه شيء بس تعب شويَّ، أخذ فِداء ووديها لعمتي لخاطري يبوي لاتبقيها بنفسها  .
باوعلي بقرف وهز رأسه بالموافقه مجبور لخاطر أختي  .
بست رأسها ابتسمتلي': روحي بدلي أحلى لبس عندچ وتعاي أسويلچ تسريحتچ
وجيبي العطر وبللي شعرچ وتعاي يلا بنيتي  .
گمت أنفذ گلامها، گملت ورجعت للغرفه لگيتها گاعده': ليش گعدتي مو مابيچ حيل تتحرگين  .
ابتسمت وسگتت تحسرت ورحت يمها
گملت التسريحه رشتلي العطر  .
وگفت گدامها مبتسمه فرحانه
أفتر بفستاني أشوفها الجمال
بقت صافنه ودموعها تنزل': شبيچ تبچين ولله تعبتي لگلبي دُرة يخيتي شبيچ  .
ابتسمت تطمني': مابيه بس فرحانه بيچ گبرانه بنيتي وصايره أحلى من قبل
شعور حلو بنيتي الربيتها من أول ما
نولدت أشوفها گدامي چبيره  .
أبتسمت علىٰ گلامها وبست أيدها
وراسها، أجاني صوت ابوي': يلاااااا فينهااا  .
دُرة عَلي': يلا روحي لا يعصب عليچ،
وسمعي ديري بالچ علىٰ روحچ يابعد
روح أختچ ونفسها وعيونها وروحها
وگلبها وياگلشي بيها، أنتبهي النفسچ
ولصحتچ، ولدراستچ أريد أسمع بيچ
مُحاميه  .
گملت كلامها وطلعت فلوس من چيبها
حطت بيدي وسدتها أني صافنه
عيوني انملت دموع گلامها مال وداع
بس سكتت نفسي أگول يمگن عبالها
أتاخر وهيچ اقنع بنفسي  .
رحت للسيارة صعدت واباوع علىٰ
غرفتها دموعي تنزل  .
وصلت لبيت عمتي نزلت وأبوي
حتّى ماگال گلمه دار السياره
ورجع  ، طبيت استقبلوني أحلى
أستقبال، فرحانين بچيتي  .
گلبي نغزني لدرجه ماتوصف  .
نسيت موضوع أختي أو حاولت
انسى، بنص لعبنه وهوستنه
والفرحه مالتنه دگ تلفون عمتي  .
جاوبت': ها أبو دُره  .
فجأه ملامحها تغيرت وتلفونها
وگع من بين أيدها عيونها توسعت بصدمه  . أردفن بناتها': شكو ماما شكووو أحچي  .
أردفت بكلامها الي گطع نياط گلبي': دُرة ماتت  .
وگعن الالعاب من أيدي ودموعي نزلت
ردة فعلي هادئه، بس داخلي ناررر تشتعل نارررررر  ، أهز راسي بخبال
_لا لا ماتعوفني أخيتي ماتسويها  .
ماتسويها مو بنات أي ماتسويها  .
أي أي ماتسويهااااااا أختي
ماتسويهاااا أنتو جذابيننننن  .
گامن البنات يحضنن بيَّ يردني
أسگت اتهسترت عصابي
أملخ بنفسي الدم گام يتطافر من
وجهي وصدري': يمهههه أمييي تموتتتت يمهههههههههه راحت راحت بنتچ ياييمهههههههه  .
يمهههه أخيتي يلفها التراببببببببب
يمههههه يابعد روح أختچ ماتستاهليننننن يابعديييي ماتستاهليننن جعلني بلموتتتتتتت  .
أنه أغدر بيچ يولي منهو يدافعلي
بعددددد منووووو  .
غوشت عيوني أجتي عيني بأيدي
الي أيد بيها قطع من شعري
والايد الثانيه بيها دمي  .