#الحُـب_المَجنـون
للكاتبة:- لارا صُهيب🥷🏻.
تصويت وتعليق ضروري.
----🔱-----•بــلســم•
آنه شِفتك نهَر
والدنيا چانت صيف
ذَبيت الهَدوم وكلت اسبح هنانَه
اول غِطه اليه وللجُرف رَديت
لكيت شگد بَشر جواك غَرگانه
ما أحَب النهَر بي كِثرة اليسبحون
انه اريد النهَر سباحه بَس انه.ـ فرحتي مانطيهـا لأحد حرفياً امشي وكأني فراشة, امي تضحك على فرحتي وبابا يباوعلي بعيون متروسة حنية ، صارت الخطـوبـة بعد ثلاث ايام.
ـ رحت وي ماما اجهز نفسي واكيد اخذت وياي رنا وقمر الي مغثوثات وماعرف ليش بصراحه بس سكتت مبين الموضوع غاثهن حيل.
رنا:- لج بلسم باعي هلفستان يجنن يطلع عليج تُحـفة .
باوعت فعلاً لونه وردي فاتح ويطلع حلو عليً ، اخذته وضلينا نمشي بالسوك وماما كلشوي تكلي ولج فضيها لأنو فعلياً اني حيل ذوقي صعب بالاختيار فـ اقعد ساعات بالمحلات.
ـ رحت لقسم المكياج وضليت اتشاور وي قمر ورنا ، شوي والتفتت لقيت قمر تباوعلي وتبتسم استغربت.
بلسم:- هاي شبيج قموره؟.
قمر:- مامتخيله انو أنتِ خلص انخطبتي.
ضحكت ورنا كفختها على راسها، ردفت بضحكه ناصيه.
بلسم:- لج حتى اني مامستوعبه.
خلصنا الفره ورجعنا واكيد لليل ضلن وياي وقررت اخليهن يباتن ومسكنا التلفون ندور بدله للخطوبة مناسبة اليه وهواي احتارينا كُلهن حلوات والوانهن يجننَن .
-- لحد مطاحت عيوني على فستان سمائي اللون حلو صح صلوخ بس يجنن ، باوعلي البنات وهزن راسهن بتأكيد كمزت وضليت اركُص وهنه يضحكن ويغنلي.
" يا شــمــس ياشـمــوسـه"
" يا احلىى عَــروسة"
" نـتـمـنـى بكــرا الســلام"
" تَــنور علينه شَــمــوســـة"
-- ضحكت بخجل وحضنتهن بقوه وابوس براسهن واني ردفت بحنان.
بلسم:- احبجن لا تعوفني عليجن الله بنوتات.
رنا:- اني ماعوفج ضاله على گلبج حبيبه.
قمر:- اني هماتين اللزكلج مثل العلج بالشعر.
بلسم:- شلون وصف خايس قمقمق.
قمر:- اهووو لتكوليلي قمقمق!.
بلسم:- يااا بكيفيي هيوو.
رنا:- احسجن اطفال كافيجن عاد.
تربعت واني اباوعلهن بشك.
بلسم:- احجلي شصاير وجوهجن مو على بعضها؟.

أنت تقرأ
الحُب المجنون
Non-Fictionانت ما تدري شكثر كلبي هواك انت ما تدري شكثر حبيتكك والله واصل مرحلة من الجنون كمت اشوفك يمي و انت بيتك!.