دامك زرعتي الحب بداخلي ورد انا ما ابي غيرك من الناس يسقيه

part30

~~~~~~~~~~
ملكة (عبدالملك&ملاذ)💍
قام الكل يتجهزز  وحوسه وفوضى
صحت ملاك وقامت تتروش وتصفق البنات
ملاك:بناتتتت قومووووو بسرعههههههه
ايلاف:خلاصصص قمنااا
ملاك :يلااااا قومو موعد المشغل
ميار :انتي
ملاك :لا بظبط نفسي
قامو البنات يلبسون وراحو المشغل مع مسفر وملاك
راحت تظبط شعرها وحطت له لفافات ونزلت
اصطدمت بمحمد
ملاك :ياالله صباح خير
محمد:ايوه وش عندتس يا حرم محمد مختفيه عني
ملاك :اما عاد اشتقت لي اعترف
محمد:لا بعدين وش ذي الحوسه شعرتس فيه إسفنج صابون وبجامه  ورديه حرير حركات
ملاك :ملكة اخوي وما اكشخ حرام عليك
محمد:كل ذا وتكشخينه لاخوتس وانا تلبسين لي اي كلام
ملاك فتحت عيونه :خيرر دزز بس
محمد:الايام بينا يا بنت سعود اوهه معليش حرم محمد
ملاك :تخسي بنت سعود
نزلت ملاك المطبخ ومحمد توجهه لغرفة العيال يصحيهم
عيو يقومون وجت براس محمد فكره جهنميه
نزل للمستودع وراح يجيب مايك
طلع للعيال وشغل المايك وصرخ
محمد:يلااااا قومووووو اليوم ملكهههه عبوديييي يلااا يا معرس قوممممم
فز عوض وأخذ الشبشب يلاحق محمد
محمد يركض :توبه توبه توبه توب التوب عوضضضض
عوض:والله ما ارحمك في أحد يصحي تسذا اوريك
لفو يركضون في البيت كله والأمهات يضحكون
محمد:يمهههه الحقيني
ام متعب :تستاهل محد قالك
محمد:يا خاله ام احمد  الفزعهههه
ام احمد :تحمل ما يجيك يا محمدوهه زوجناك وماعقلت
ركض ولقى ملاك بالممرات
محمد صرخ :الفزعههه الفزعههه يا ام سعد الفزعههه ولف حوالين ملاك وعوض يدور وراههه
ملاك :خيررر مضيعين الكعبه انتم
وقف محمد ورا ملاك وعوض قدامها
ملاك :شفيه
عوض :زوجتس المهبول
ملاك :وجعع و سويت بعمي
محمد يلهف :بس صحيته
عوض :صحيتني قلها كيف صحيتني
محمد:بس قلت له يلا عوض حبيبي قوم يلا بيبي
عوض :يا كذاببب
جل بيركض مسكته ملاك
ملاك :ياعم استهدي بالله تعرفه بزر ومايعرف شيء
محمد:خير مين البزر
ملاك :انت
محمد:اهجدي يا ام ال18
عوض:بس اعقل منك
ملاك :المشكله أنه عسكري استغفرالله
محمد:عوض ناظر جدي
لف عوض وراح محمد يركض لف عوض وصرخ:ياكلببب وكمل يركض وراه
ملاك ضحكت :استغفرالله مجانين
بعد دقايق
جا عوض وماسك محمد من رقبته ويمشي فيه
ملاك :طاحت ضحككك
ملاك :اخخخخ بطنييييي يمه شايلك تسذا ليهه مسويه هيبه فينا
عوض:محمد وربي لو ماتعقل اخليك ذبيحة اليوم
محمد:خلاص توبه نزلني عيب عليك يا رجال خل لي هيبه عند الحرمه
عوض نزل محمد وراح
محمد قام من الارض ينظف تي شيرته
محمد :احممم الهيبه متعبه شفتي كيف خاف مني وراح
ملاك :اقول يا ابو هيبه روح روح كنش حوش الرجال يلا بسرعه
محمد:احلفي وتتأمرين يا ام شبر ونص
ملاك :بسم الله عليتس
قرب محمد منها وقال :شفتي انا اطول منتس لا تكذبين
ملاك :يلا يلا اذلف
راح محمد غرفة العيال
نواف :انت لا عاد اشوفك تصحى من بدري الله ياخذك خرعتني
محمد:ورععع الرجال مايخترع ايه خلك كفووو
نواف :حسستني أن حن روبوتات ترانا آوادم اهجد
محمد :عن الهرج وقومو بسرعه ناسين أن ملكة الشيخ عبود هنا
عبدالملك :يا مسلميننن اسمي عبداللمككككك مو عبود افتك من دودي يجي عبودد ياصبر ايوب
طلعو العيال وكل واحد راح لشغله
~~~~~~~~~~~
قسم الرجال
كالعاده مراد ومحمود متهاوشين على الحمام أكرمكم الله ونواف ومحمد يشغلون النور
نواف:محمد انتبه انا الحين طالع انتبه علي اذا تبي الورث
محمد:يارجال ماعندك سالفه انت ماعندك حتى ريالين
نواف :تحطيم جوارح بس مقبوله منك
خلصو وراحو يجيبون الذبايح
~~~~~~~~~~
جت الساعه4
رجعت البنات من المشغل
تكشخو البنات كلهم
تعالو نوصفهم
ملاك :لابسه فستان من فوق ماسك طايحه اكمامه من فوق ابيض ومن تحت تايقر وكان قصير شويتين مو اوڤر شعرها ويڤي
ميار :لابسه فستان احمر ماسك على جسمها شعرها ستريت
ايلاف :لابسه فستان قصير لونه كحلي شعرها ويڤي
إيلام وايلان :لابسين فساتين لونها ازرق طايحه اكمامه رافعين شعرهم محد يفرق بينهم الا امهم وايلاف
نارين ونجود ونجد :لابسين فساتين طويله اكمامه طويله لون فساتينهم بني
ليان :لابسه فستان اصفر مفتوحه الاكمام قصير
ارجوان ومنيره وريم فساتين طويله
نجي عند أميرة حفلتنا ملاذ:كانت مغطيه عليهم لابسه فستان من فوق ماسك ومن تحت منفوش لونه وردي  مافي اكمام شعرها ويڤي مفتوح
إيلام :يا لبيه مززز انتم
ملاك:بنات بورح وارجع
نزلت ملاك وقابلت محمد كان لابس ثوبه وبيده المبخره
شاف ملاك وانهبل
محمد:ابك لحد يشوفتس لحد يشوفتس
سحبها ودخلها الغرفه
ملاك:وش فيك
محمد:ابك وين الطرحه  مهبوله انتي
ملاك :عادي شفيها بعدين مافي احد
محمد:الا في
ملاك :وش تبي الحين
محمد:بخريني
ملاك :بزر انت ماتعرف تبخر نفسك
محمد:بخريني وانتي ساكته
اخذت المبخره ملاك وبدت تبخر محمد
محمد يتأمل عيونها وكشختها الي ماتتفوت ويحمد ربه انها طلعت بوجهه
ملاك :خلصت
جت بتطلع مسكها محمد
محمد:وقفي
ملاك :وش
محمد:تعالي احصنتس
ملاك :ماله داع..قاطعها محمد
محمد:اصص ولا نفس
سكتت ملاك وقرب محمد يحصنها خوفا عليها
محمد:خلاص تقدرين تروحين
طلعت ملاك عشان تشيك على عبدالملك
دخلت ولقت كل اخوانها موجودين
ملاك :ارحبو بالرجال
عبدالرحمن لف:ارحبي بأخت الرجال
ملاك :كيف دودي أوه قصد معرسنا
عبدالملك :الله جابتس تعالي ظبطي لي ذا عبدالمجيد سوا فيها يعرف وجاب العيد
ضحكت ملاك :مالقيت الا مجود
عبدالمجيد :أتعبني كل شوي يتحرك
ملاك :ماقلتو لي كيف كشختي
عبدالرحمن :تموتين
ملاك :ثانكس دودي تعال اظبطك
قامت ملاك تظبط ملاك وتلبسه شماغه وتبخره وتعطره
صح كانت اختهم الصغيره لكن كانت بالنسبه لهم الكبيره هي الي تهتم فيهم وتسأل عنهم وتشوف أحوالهم ودايم شاكرين ربهم على وجودها
خلصت ملاك وقالت
ملاك :اوبا وخلصنا مين يبي بعد
عبدالمجيد :انا
ملاك:تعال
تقدمت ملاك تظبط عبدالمجيد وقال
عبدالمجيد :شفتب محمد؟
ملاك :ايه ليه
عبدالمجيد :طيب لقى من يبخره
ملاك:ايوه بخرته طلع بوجهيي وبخرته
عبدالرحمن :ابن المحظوظه يا شيخه لو اني مكانه اسجد سجود شكر أن عندي زوجه زيتس
ابتسمت ملاك بضيق
عبدالمجيد :شفيتس يا عيوني
ملاك:ولا شيء يا قلبي خلاص خلصت بروح اشوف أحوال امي اذا تبي شيء
عبدالملك :استودعتك ربي يا عمري الا شفتي دبلة ملاذ
ملاك :لا وريني
طلعها عبدالملك وانبهرت ملاك
ملاك :واو تجننن
كان الخاتم محفور فيه حرف عبدالملك وحرف ملاذ والتاريخ الي عبدالملك حب فيه ملاذ(M_A_2016)
ملاك :الصراحه ذويق
عبدالمجيد :ابي اتزوج عن حب عشان اسوي زيك
عبدالملك :بتلقى يا اخوي
طلعت ملاك وراحت تساعد امها في التجهيزات
عتمت الدنيا وابتدت احتفالات آل سعود
قسم الحريم ملاك تستقبل الحريم وميار تقهوي وايلام وايلان على السماعه وليان وايلاف قاعدين عمد ملاذ
وعند الرجال
عبدالمجيد يستقبل ومحمد يقهوي وعبدالرحمن يرحب بالرجاجيل
بعد ماجو الحريم كلهم قعدو البنات
ايلان :ملاك
ملاك :ها
ايلان :شفتي ذيك الحرمه الي قاعده هنياك
ملاك :ايوه
ايلان:تراها والله
وبدو حش
ملاك تضحك :خليه بعد الملكه تكفين مو وقته
إيلان:ايه صح صح بعد الملكه
قامو البنات يرقصون وسحبو ملاك وراحو يرقصون
خلصو وقعدت
~~~~~~~
قسم الرجال
دخل الشيخ وبدا يردد وأبو مسفر وعبدالملك يرددون وراه
اخذ عبدالملك الايباد يوقع على عقد النكاح بعدين اخذ  مسفر الايباد ودخل عند ملاذ توقع وقعت ملاذ وهي فرحانه طلع مسفر وبدو البنات يزغرطون
مسفر :لا تطول يا الطيب
عبدالملك :دز يا شيخ انتظر اللحظه من زمان
دخل عبدالملك وبدأ ينتظر ملاذ
دخلت ملاذ  وعبدالملك اول ماشافها ضاعت  علومه دخلت
وتقدم عبدالملك يحظنها
دمعت عيون عبدالملك :اخيرا صرتي لي
ملاذ بادلته الحظن :اخيرا صرت لي انا لوحدي
عبدالملك :ملاذ
ملاذ :عيونها
عبدالملك :احبتس
ملاذ :اهواك يا بعد حيي
عبدالملك:قسم بالله اموت فيتس
ملاذ بعدت عنه :عمري انت
عبدالملك :اخذتك مرجله وعناد وحبي لتس
دخلت المصوره وبدت تصور ملاذ وعبدالملك
طلعت وقعد عبدالملك مع ملاذ يسولف معها وبعدين ودعها وطلع
طلعت ملاذ
ملاذ:ملاكي امسكيني قلبي ضاعت علومه
ضحكت ملاك:اما عاد
ملاذ:وربي العزه أن مابعد زينه زين
ملاك ضحكت :اهجدي لا تصيرين خفيفه
طلعو وبدت زفة ملاذ
انزفت ملاذ وهي كلها سعاده
بعدين أنزف عبدالملك وهو مو شايف الا ملاذ
كأن كل الي حوله اختفو
دخل وتبادلوا الخواتم
عبدالملك لبس ملاذ الخاتم
شافت الخاتم ودمعت عيونه
ملاذ :احبك يا حيوان
عبدالملك :اخذ ملاذ وبدأ يدور فيها والبنات يصارخون وملاك تصور
انتهت الملكه وراحو كل المعازيم
والبنات طلعو
ملاذ :الى اللقاء سوف اذهب الى النوم
ملاك :لا تذهبي يا أختاه
إيلام :فعلا لا تذهبي لأننا سوف نسهر مع العيال وعمي عوض
ضحكت ملاك :لا تحاولين ماراح تتقنيها
إيلام :طيب خلاص مشينا وخلي العروسه تنام
لبسو بجايمهم ومشو جتهم ايلان ومشت معهم
ايلان :صح يا بنات والله فاتكم الحرمه هاذيك وبدت تحش
وصلو الجلسه وهم يضحكون
نواف :ضحكونا معكم
إيلام :مايخصك
ملاك وايلان تفطسو ضحك
عوض :القممم
محمد :افا يا عضيدي خلها علي
نواف :كفووو
محمد ناظر بإيلام :ورعه احترمي نفستس لا تتكلمين تسذا مع عضيدي ايهه
ناظر بنواف وقال :شرايك
نواف :لا براڤو ماقصرت ردك قوي مره
ايلام:دزز يبوي
ميار :افا ملاك دافعي عن زوجتس
ملاك وهي تضحك :ما ارعرفه وطاحو ايلان وملاك على الأرض يضحكون
عوض :وين ملاذ
إيلام :مستحيه فوق
ملاك:لا تسذوبه نايمه
ايلاف:ووين معرسنا
عوض :نايم مع عضيده
قعدو إيلام وايلان وملاك جنب بعض
ماقدر يتحملون كل تذكرو الموقف
ملاك ماسكه الضحكه الين ماحمر وجهها ناظرو ببعض وانهارو ضحك
نواف :يا ليل وش يسكتهم
دمعت عيون ملاك :اخخ بطني
ايلان :ذيك العجوز
صفقت ملاك وهي تضحك :تكفين لا تكلمين خلاصصص بطنييييي
إيلام:بنات خلاص صيرو عاقلات وقفو ضحك وملاك تمسح دموعها لكن إيلام ضحكت وضحكو معها
ايلاف :انجنو قسم بالله
بعد نوبة ضحك وقفو
عوض :الحمدلله على السلامه
إيلام:الله يسلمك
مشاري :يلا بنلعب
البنات والعيال :تممم
لعبو جرأه وصراحه وجا الدور على ملاك
مشاري:سوأل ولا تحدي
ملاك :السؤال للجبناء تحديي
مشاري :طيب غني لناا اغنيه البنات يختارونها
ملاك :سهله
مشاري:بس تكون اجنبيه
ملاك :لا
مشاري:الا
إيلام :غني غني حقة روزي
ملاك :لا ذيك وصخه مره
محمد:يقول الشاعر اذا حبيت اغنيه لا تبحث عن تفسيرها صح يا عيال
العيال :صحححح
ايلاف:يلا غنيييي
ملاك غمضت عيونها وقالت :طيب
بدت تغني وهي مغمضه عيونها
Don't you want me like l
want you baby?
Don't you need me like l
need you now?
Sleep romorrow;but
tonight go crazy
All you gotta do is just
meet me at the
ماقدرت تكمل الا وهي وايلام طايحين على الأرض يضحكون ويستغفرون ربهم
ايلاف :كملي
ملاك :تخسين الباقي وصخخ
نارين :ترجمتها الشق... ملاك صرخت :يا وصخههه اصصصص وطاحو ضحك مره ثانيه
مشاري :والله زوجة اخوي جنت
ملاك :هييي إيلام الهيبه قومي قومي لا تضيع
قامو يظبطون أشكالهم وملاك محمد يخزها بنظراته وكأنه يتوعد فيها وملاك تضحك على الصامت
كملو تحدي وقالو لمحمد قول لنا ابيات شعر
محمد:بقولكم بيتين
نواف :يلا
محمد
دامك زرعتي الحب بداخلي ورد
                  ـ
مابي غيرك من الناس يسقيه
                  ـ

دعيت لتس تلقين كل شيء تحبينه
                 ـ
ورجيت الله اكون اكثر من تبنيه
                ـ
يا سعود مالي وطن الا وطنها
               ـ
غلاه فوق الغلا ماهو بدون وحكاه
                ـ
  سمعك يجبرك بارخاك له ودك تحطه
               ـ
فالعيون من العيون وتبسط على رمضى الثرى
                ـ
يمناك له وتظله من الشمس في ظل الجفون ولا يمر اذنه
                ـ
سوا لباك وتسج من غيره او انهم يذكرون ومنين ماسقت

عبدالمجيد:صح لسانك اكره كل شيء بذي الدنيا الا قصايدك
ميار :ياحظها بنت المحظوظه وطالعت في ملاك
كلهم طالعو في ملاك
ملاك :يمه شسويت
عبدالرحمن :سرقتي قلب الرجال يا حرمه
ضحكت ملاك :اخخ انا اقص يدي إذا أنا
محمد يأشر بعيونه يعني لا تفضحينا سكتت ملاك
عبدالرحمن :ماعليكم منها مستحيه
كملو سهرتهم وراحو الكل ينامون الا ملاك قعدت تفكر بأبيات محمد ويمكن تكون هي مقصوده ويمكن محمد رجع يحبها زي اول

انتهى البارت حبايبي طبعا بروح انام معاهم تعبت
اعذروني عن الأخطاء الاملائيه وإذا البارت قصير اعذروني
لا تسوني من النجمه ⭐ نزلت لكم ثلاث بارتات لأن بسحب أحد واثنين اختبارات وان شاءالله الثلاثاء اذا مافيها اختبار وإذا الله احيانا بنزل لكم وفي الاجازه ان شاءالله باي حافظوا على نفسكم 🌷🩷

الكاتبه :جيلان بنت سعود العتيبي ✍🏻