دامك زرعتي الحب بداخلي ورد انا ما ابي غيرك من الناس يسقيه

part29

نسوي سكب الين يوم الخميس
يوم الشوفه
ملاذ:ملاك تكفين ما ابي اكشخ مايستاهل
ملاك :اذا خطتنا بتزجح لازم تكشخين
ملاك ظبطت ملاذ ولبستها فستان اسود اكمامه طويله
نزلت ملاذ وملاك معها وجابت ملاك عبايتها
ملاك :ملاذ اسمعي البسي الساعه هاذي والسلسال كاميرا عشان نسجل كل شيء يقوله وإذا حسيتي أنه بيضرب أو يشتم بلبس  عبايتي وادخل لا تخافين يا روحي بقعد عند الباب
ملاذ :تمام
~~~~~~
محمد:يا عيال نكشت
عوض:تم
عبدالملك :مقدر اروح تعبان
نواف :ليه امش معنا ادفيك بقلبي
ضحكو العيال وقال عبدالملك
عبدالملك :تسلم لكن والله ما اقدر انتم روحو وانا بقعد
قامو العيال يجهزون للكشته وعبدالملك قاعد يفكر بملاذ وقال
عبدالملك :فاز بشير وخسر عبدالملك
~~~~~~~~~
عند البنات
دخلت ملاذ وهي خايفه
ناظرت لبشير وتقززت كان متكشخ والابتسامه شاقه وجهه لكن كانت ابتسامات شرر
طلع ابو مسفر وملاك تخبت عشان مايشوفها
اول ماطلع ابو مسفر قام بشير يقعد عند ملاذ
وملاذ على طول قامت من عنده
بشير:يا قلبي تبعدين عني ليش يا حلوه
ملاذ :ابعد عني لسا ماصار شيء
قام بشير :ولا شيء ثاني
ملاذ :ليش تقدمت لي وانا ما ابيك
بشير :عشان اكسر خشم عبدالملك واحرمه منك
ملاك مسكت يدها بقوه وتمسك نفسها عشان الخطه ماتخرب
ملاذ :طيب وش دخلني بعبدالملك انا ما ابيك لا هو ولا انت
بشير :بتتزوجيني غصبا عنك وعن اهلك ترا انا تقدمت عشان اكسر خشم اهلك وجدك وابوك واذلهم فيك وقرب بيلمس شعر ملاذ ماتحملت ملاك الي قاعد يصير لبست عبايتها ودقت الباب بقوه سحبت ملاذ وقالت
ملاك :تكسر خشم مين يا ابو خشم
بشير :وجع مين انتي اطلعي برا بنيتي وبين زوجتي
ملاك:تخسي والله ماتشم  ريحتها وزواجك منها مايصير لو على جثتي  وربي العزه وربي العزه لو تجيب طاري اهلي بالسوء لأن اخلي اهلك يترحمون عليك ملاذ ماراح تاخذها وراسي يشم الهواء
بشير ضحك:هههههه انا بتزوج ملاذ طرق واكسر خشم اهلك وابوك واكسر خشم عبدالملك بعد جا بيمد يده على البنات
ومسك يده عبدالملك
عبدالملك :يدككككك امسكها لا اكسرهاا
بشير :شرف الحسن والدلال هاذا الي انتي ماتبيني عشانه هاذا هو وجا بيمسك يد ملاذ مسكه عبدالملك
عبدالملك :تقرب منها اقص يدك فاهممم وخشم اهلي إذا فكرت تكسره على قولتك اكسر راسك فاهمممم وملاذ ماراح تاخذها لو تبوس سابع سماء
بشير :باخذها وغصبا عليك يا ولد سمر
عبدالملك عصب :سمر  تسواك يابن الكلببب وقام يضرب في بشير وجت بتمسكه ملاك مسكتها ملاذ
ملاذ :خليه يبرد خاطري خليه
عبدالملك يضرب بشير بكل قوته وبعد عنه
بشير قام وخشمه بينزف :والله لا اتزوجك واهلك ماراح يصدقونك
ملاذ نطقت:التسجيل موجود ومصور بعد
بشير برد وجهه:ككييفف
ملاذ :اييهه
عبدالملك لحد الان مايناظر ملاذ ولا يبي يناظره
جت العائله وصرخ ابو مسفر
ابو مسفر :وشفيههه الرجال وش سويتو فيه
ملاذ ناظرت فيها :الرجال هاذا يبي يتزوجني عشان يكسر خشمك وخشم جدي وإذا مو مصدقني شوف ورته التسجيل وكل شي قاله بشير ابو مسفر مسك رأسه من الي سمعه
ويناظر بملاذ نظرات ندم قام ابو عبدالله مسك بشير وذلفه برا البيت
الجد سعد :وانتي ملاك وش جابك
ملاك :انا كنت عند الباب عشان إذ شفت انو في خطر على بنت عمي ادخل
ابتسم الجد :حي الله يحيك يا بنت سعود ايه هاذي البنت الكفو الي تدافع عن بنت عمها
طلع عبدالملك ومسكه ابو مسفر
ابو مسفر :سامحني يا وليدي لاني ما عطيتك بنتي
عبدالملك ابتسم :عادي يا عم النصيب وطلع للغرفه دخل الغرفه وصرخخ :ملاذذذذ احبكككك انسدح على سريره فرحان أن الحب ماراحت من يده
طلعو الكل وطلعو ملاك وملاذ
ملاذ صرخت :يسسسس يسسسس انفصخت الخطبه يسسس ملاك احبتسسسسسس
ملاك ضحكت ونطت مع ملاذ :وناسسهههه اخيرااااااا عبدالملك بينام مرتاحح
ملاذ :تهقينه لسا يحبني ؟
ملاك :اكيد ماراح يكرهك
ملاذ :بس رجع لعاداته القديمه صاير بارد وقاسي
دخلو الغرفه وكملو وناسه وحكو للبنات كل شيء وفرحو البنات وقامو يرقصون
~~~~~~~~~~
اليوم الثاني
الكل  قاعد بالمجلس
ابو مسفر :اخخ والله اني ندمان اني غصبت بنتي على شيء
ماتبيه
مسفر :يبه عادي اهم شيء كشفناه قبل يتزوجها
ابو مسفر :الحين كيف برفع راسي قدام بنيتي ومين راح يتزوجها بعدين
دخل عبدالملك المجلس :انا باخذها يا عم وراسك ترفعه ماتنزله وانا الحين اتقدم لبنتك ملاذ على سنه الله ورسوله
ابتسم سعود وكذلك مسفر وأبو مسفر
ابو مسفر :تبشر يا وليدي ناخذ رأي البنت
عبدالملك :ابد خذ راحتك
دخل عبدالملك وصب له قهوه وقعد
نواف :اقعددد يا عبودييي كفووو ماراحت من يدك
عبدالملك ابتسم:الله يتمم على خير
~~~~~~~~~~
كانو البنات في المطبخ يجهزون الغدا
ودخل مسفر :طريق يا ولد
رفعو ارجوان ومنيره وريم الطرحه على راسهم
منيره :ادخل
مسفر :لا يا اختي بس ابي اختي ملاذ
طلعت ملاذ له وراحو للصاله
ملاذ :سم يا اخوي
مسفر ابتسم :بشاره
ملاذ :وش
مسفر :الحب تقدم لتس من ابوي
ملاذ :امانهه
مسفر :وربي وأبوي قال بناخذ شور البنت
ملاذ ضحكت ونطت :اخيراااا
وحظنت مسفر تضحك
مسفر ضحك:هدي هدي شوي هاذا وانتي مافي مشاعر تجاهه
ملاذ :مين قال والله اني احبه ولو يبي روحي اعطيه فدا لعيونه
راحت ملاذ عند ملاك تبشرها ونطت ملاك تضحك معها
ملاك :اخيراااا انتصر الحببب
ملاذ :اخيرا اخيرا
ميار :اقعد يا ملاذ طلعتي تحبين
ملاذ :اخخخ يا جعلي قبله
ملاك :اسم الله عليتس
دخل ابو مسفر ونادا ملاذ
نزلت ملاذ :سم
ابو مسفر :ملاذ يا بنيتي ولد عمك عبدالملك تقدم لتس وش رايتس يا بنيتي
ملاذ :بتسخير يا ابوي وارد لك خبر
ابو مسفر :خذي راحتس يا بنيتي
طلع وطلعت ملاذ فوق تصلي وحست براحه كبيره عكس يوم استخارت لبشير
نزلت وعلمت ابوها وأبوها بشر عبدالملك ووافقو
عبدالملك انسدح على رجل مسفر
عبدالملك :اخخ اخيرا صرتي لي
مسفر :اجل تقول فاز بشير وخسر عبدالملك
عبدالملك ضحك :الحين فاز عبدالملك وخسر بشير
مسفر :اي يا شيخ اضحك من زمان حارمنا الضحكه ذي
عبدالملك :الأرض ماهي شايلتني من الفرحه اخيرا تزوجت الي ابيها
مسفر:ترا ابوي حدد الملكه
فز عبدالملك :متى
مسفر :الاربعاء الجاي
عبدالملك ابتسم :ابوس رجل ابوك يا شيخ الحمدلله يعني قريبا بتصير حلالي
~~~~~~~~
مكان ثاني ورا البيت
ملاك دقت على مريم وتسولف معها
وتصرخ وتضحك وتقولها سالفة ملاذ
ملاك :ايه وتخيلي المجنونه تصيح داخل عشان عبدالملك خطبها
مريم :ما الومها تحبه
ملاك :الله يخليهم لبعض يا رب ونفرح فيتس انتي وميار
مريم:لا تكفين ابعدي عني ما ابي
ملاك ضحكت :انتي اول وحده تتزوج....قاطعها محمد لما صدم فيها
ملاك :مريوم بعدين اكلمتس طيب
مريم :طيب
سكرت ملاك وقالت :نعممم
محمد:نعامه ترفسك
ملاك :ويعع من باقي يقولها
محمد:انا
ملاك :طيب شتبي
محمد:ابي عزبتي
ملاك:وانا وش دخلني
محمد:ابيتس تجيبينها لأنها بغرفة العيال وام ظافر داخل مقدر ادخل
ملاك :وليش تحطها هناك
محمد:كيفي ولا تنسين فروتي بعد في الغرفه عند العزبه
ملاك :شين وقوي عين
محمد:اقول امشي بس
ملاك :مريض
محمد:بس الله عليتس
مشت ملاك واستناها
محمد:ويععع بزر وترفع صوتها هاذا الي الناقص
دخلت ملاك الغرفه وجابت اغراض العزبه وأخذت الفروه
ملاك شمت ريحة الفروه:يععع كلها ريحة دخان شجوه
بعدين استوعبت:هييي يدخن وربي اوريه
اخذت الاغراض عند محمد ووقفت
ملاك :خير تدخن!!
محمد:كيفي
ملاك :مقدر اعيش مع مدخنين
محمد:يمه يا كيوت خفي علينا
ملاك :ماني كيوت بس كل أغراضك ريحتها ريحة دخان مدري كيف عايش
محمد سحبها من يدها :اتوقع هاذي حياتي وحر فيها
ملاك :حر فيها بس غسل ملابسك كلها دخان مو معقوله
محمد:اتوقع مو شغلتس فاهمه
تركك ملاك وراح
ملاك :سايكو ومريض و متخلف
دخلت داخل وشافت عبدالملك
صرخت وراحت تحظنه :اخيراااا اخيراااا خطبتها مبروك
عبدالملك :الله يبارك فيتس
ملاك :بصير اخت العريس وناسههه
عبدالملك:واجمل اخت عريس بعد
ملاك :والله لارقص بزواجك وما اقعد دقيقه وحده
ضحك عبدالملك :مو لذي الدرجه
ملاك :الا ونص بعد ماتدري قد ايش انا كنت متأمله انكم تتزوجون
عبدالملك :أن شاءالله يا رب وترى الملكه يوم الاربعاء الجاي
ملاك :تمزح
عبدالملك :وربي
عبدالملك مايشوف ولا غبار ملاك
عبدالملك ضحك :نقالة علوم
دخلت ملاك الغرفه عند البنات تلهفف
ملاك :اخبار اخبار
إيلام :الحمدلله في أحد اخذ مكاني
ضحكو البنات
ايلاف :شرفي يا ام عبدالله
ملاك :ملاذ ملكتس الاربعاء الجاي
ملاذ :كذابه
ملاك :وربي
ايلاف :مافي وقت
ملاك :الا بتصل على عبدالمجيد ياخذنا
ايلان :تمام
دقت ملاك على عبدالمجيد
عبدالمجيد:سمي يا عيوني
ملاك:مجيد تكفى خذنا المول بنتسوق لملكة دودي
عبدالمجيد :طيب جهزوو نفسكم
سكرت ملاك وقالت للبنات يتجهزون
لبسو البنات وطلعو لعبدالمجيد ركبو وراحو للمول
وصلو ونزلو البنات
ملاك :بنات خلصو طيب
دخلو يشترون فساتين
خلصو ورجعو الديره
نزلو البنات وشافت ملاك لابس فروته وتوه جاي من الكشته وكله تراب وريحته ريحة حطب ونار
شاف محمد ملاك وراح عندها
محمد اعطا محمد فروته:نظفيها
ملاك :شغاله عندك
محمد:يمكن
عبدالمجيد :اختي مو شغاله عند أحد بعدين خذها بنروح نولع نار
محمد اخذ الفروه:تممم
ملاك :الحمدلله والشكر اخذت اكياسها ودخلت داخل
أما العيال راحو بيت الشعر يولعون نار ويقعدون
نواف :محمد عطنا ابيات شعر
محمد:تبشر
محمد تنحنح وقال
ما اقارنك بالعين والعين ثنتين
               ـ
اقارنك بالقلب والقلب واحد

نواف :الله
عبدالملك :صح لسانك يا شيخ
عوض:نغني كلنا
عبدالمجيد :تممم
قامو العيال يغنون
لا يا الرفيق الوافي المزيون
خلك على عيني تداريها

لا تسلك الفرقى علي بالهون
النفس تعشق رنفسِ ساقيها

اقطع مبادي واترك القانون
لأجل العيون الي انت خافيها

عندي وجودك اغلى مافي الكون
تروي عطش روحي وضاميهات

كملو سوالف العيال وكل واحد فيهم رايح ينام

انتهى البارت حبايبي اعذروني اذا قصير افكر  بأحداث قويه
واجيكم لا تنسوني من النجمه  ⭐