طريق يؤدي اليك

الجزء الخامس والثلاثون

#طريق_يؤدي_اليك

بسم الله نبدأ حكايتنا
.
.
.
.
.
.
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
.
لقد كان مجيئك مجيء السلام
لقلبي
.
.
.
.
.
.
ترنيم
___________________

مشاعر الصدمة تظهر عليك
حين يستثني قلبك أحدهم

أتمشى بين طالباتي بالساحة
بنات السنة الماضية صعدو للخامس
والجدد بالرابع
ميمرون تلميذاتي القديمات من يمي
اذا ميسلمون علية
كرسي مخليتة بالشمس اللي تروح ورة الغيم وترجع
لأن باردة گعدت انتظر ظهورهة يمدني بالدفو شوية
واليوم علية مراقبة الساحة
أباوعلهن يقفزن ويلعبن
اطفال أحلامهن صغيرة والكون واسع
يجي يوم همة يكبرون والكون يصغر
اكو وحدة أسمهة درر
هاية بنت عم وسيلة جانت وياهة نفس المرحلة
صحتهة

-درر تعاي ماما

اجت تركض

-نعم ستتت

-گعدي حبيبتي اريد احجي وياج

گعدت يمي وتباوعلي

-درر وسيلة شلونهة

-الحمد لله ست اجت البارحة

-اجت تزوركم

-لا ست مو زيارة راح تبقى دااااائما عمو علي الدر راح يرجع يمنة
كمل دراسة علمية وهسة راح يجي يكمل دكتوراه
هنا بالجامعة

-ماشاء الله دكتوراه بشنو

-مااعرف ست

راحت لزميلاتهة واني دخلت لممر الادارة صارت بوجهي أم أنسام

-ها يابعد خالتج اليوم ماوصلتيني ولا اجيتي
تعااااي مسوية شلغم بالدبس ادري بيج تحبينة

-ماعندي حصة بعد اخر حصة عدهم رياضيات فد شوية ارتب اوراقي باللوكر واجيج حظررريلي صحن من ايدج الحلوة اليوم بررررد

-ايييي اعررررف شردتج هاي منين تجين اليوم
واكتلج بعصاتي

ضحكت واني داخلة للغرفة رتبت غراضي
وطلعت رايحتلهة دخلت للغرفة واجتني ريحة الشلغم
بس شافتني هلت بية

-هلاااااا وهلاااا يابعد روحي
گعدي گعدي اصبلج صحن

خلتلي صحن ورشت علي دبس زيادة
طلعت تلفوني اصور
نزلت الصورة بحساب الأنستجرام  وگعدت اكل

-هااااااا خايفة من العصا گاعدة ليغاد مني

-ايييي والله اخااااف

-عبالج ماالوحج شبيج يايمة دفضيهة

-فهميني خالة والله خااايفة

-شوووو دسكتي هي بس هيبتة كافي يايمة منين خايفة

-تعرفين خالة شگد عانيت وسولفتلج