شخص واحد فقط سيمر في حياتك خطوط يديه تُشبه خارطة وطنك .. ما إن يسحب كفَّهُ من مصافحتك حتَّى تشعر أنك في المنفى.
ما اعرف الي كان يعنيه شمس التبريزي بهذا الشيء
هوه معقولة حياتنا وسعادتنا توكف على شخص معين
معقولة روحنا مراح تقاوم الحياة بكل مراحلها علمود شخص ؟
كنت افكر بهل شي بداخلي واكول أن ممكن الايام الجاية راح تحمل شخصها المفضل ، راح ياخذني من روحي؟ ويملكها وحده ! ربما ..
صحيت مثل المعتاد وفطرت ويا اديان دار حديث دافئ بينا
وما خليت غزل بداخلي الا وكلته الها حتى صارت وجناتها حمر ، ابتسمت لهل شي وتركتها ودخلت للمكتبة ، رائحة الكتب وبرودة الجو كان الها تاثير على روحي كبير ، كعدت خلف مكتبي الصغير بـ اخر المكتبة وتحت عنوان
اذا ما بيدك حيلة خلي بيدك كوب چاي ...
مورفين حياتي المدمنة عليه ، ومع اول زائر للمكتبة
كان يختار الكتب بصورة عشوائية كأنه يحاول يلفت انتباهي اله بين الحين والاخر شاب مراهق بشعر كيرلي وهيدفون
حجمه مقارب لرأسه بنطلون بوي فريند وملامح مليئة بالطيش ، بعد عدت دقائق دخلت فتاة مقاربة لعمره ، حضنوا بعض !! يتهامسون بالكلام بينهم تركت مراقبتهم
فتحت تلفوني وتذكرت رسالة ملاك كانت باعثه صورة الي
فتحتها وكانت صدمتي اكبر من رؤية المراهقين الاثنين
ما تحملت اتصلت على ملاك بسرعة ، كان تلفونها يرن بدون جواب واني اردد بداخلي معقولة هاي نفسها سر "
معقولة؟؟
يالله الصدمة الي دا اعيشها لو منتظرة دقائق علما تجي
ندم وبنفس الوقت مصدومة وفرحة بداخلي أن شلون
صدفة رجعتها ، بينا كنت افكر اتصلت ملاك عليه
اريا : لج هلا
ملاك : هلا اري
اريا : هاي شنو نصدمتت
ملاك : حتى اني مثلج
اريا : احجيلي لج
ملاك : لج عيني انتِ رحتي منا وهاي اجتي سولها مفاجئة
اريا : اييي كملي
ملاك : اي وهيه عرفتني وطمنت عليه بعد ما كعدنا وسألتني عنج
اريا : جذاببه!!
ملاك : اي ههههههه لا بس سألتني ونصدمت أن اعرف مياسه وبقينا نسولف وشي
اريا : ونطيتيها هديتي ؟
ملاك : طبعاً بس ما فتحتها يمكن ستحت كدامنا تفتح الهدية
اريا : اي يمكن
ملاك : اي وشنو الجمال والاناقة لج عيني منظرها يلفت النظر
اريا : صح هي كلش حلوه
ملاك : انجبي
اريا : هاه ليش
ملاك : شنو تتغزلين بيها كدامي
اريا : هاه نسيت انتِ تغارين علينا كلنا
