السلام عليكم غزيلاتي 🦌
وياگم الكاتبة فاطـمة الشمريروايـة تجبر الرماد " الجزء الثاني" 🔥
صلو على محمد وال محمد قبل لا نبدي بالبارت
وحضرو النمنميات حتى تستمتعون ✨واترككم مع الروايـة
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، في العالمين إنك حميد مجيد 🤍
ـــــــــــــــــــــــــــــــــــــــــــــــــــــــــــــــــ
" زهرة "
للصبح لبس ملابسة البنطلون العسكري وفانيلة سودة والقميص العسكري ما لبسة هسة مليت بكد ما وصاني كل شوية الباب ما ينفتح الكهرباء ما تجيسيها وتتصلين على كلشي يصير
بـس ورغم كل هاذا مبين على وجهي شكد خايفة وما مقتنعة ابقة وحدي ....
ـ يلة الباب اقفلي زين وتأكدي منه
هزيت راسي تنـهد مثل الي ما مقتنع مثلي
ـ زهرة لا طلعين من البيت
ـ لا ليش اطلع
ـ زهرة خلي بالج تطلعين منا مو بس يفترسونچ عمامچ لا يكتلونچ خلاص ومو بس عمامچ العالم كلها مثل عمامچ تطلعين منا بعد بخلقتچ ما اباوع ولا استقبلچ
هزيت راسي استمع وگلبي يدك بخوف اتخيل صدك اطلع وحتى هو يتغير عليه ويعوفني طبطب على خدي وطلع قفلت الباب وراه وتنهدت مبرطمة ما كدرت اسيطر على الدموع مرة مرتين شهكت وبجيت خليت اديه على وجهي وبجيت خايفة هوااي واحس ينتضرونه يروح حتى يجوني
اندك الباب شهكت بخوف بعدني ما متحركة سمعته من برة ـ
ـ فتحي الباب
باوعت من العين السحرية هو فتحت الباب بسرعة دا يحجي وباوعلي وعقد حواجبة ـ
ـ عش تبجين ؟ يوول وكلاام الله گلبيي شلعتيي شبلاج عش تبجيين
ـ اخاف والله اخااف
لزم وجهي بثنين اديه واني اشهك كال ـ
ـ محد يوصلچ افهـمي الحراس برة وصيتهم وشوفتهم صورهم بس يوصلون يتصلون بالشرطة محدد يوصلچ افهمي
ـ يكسرون الباب ويطبون يأذوني ما يكتلوني بسرعة يعذبوني
ـ وروح ابوي مو زلمة وما انعد على الزلم اذا صدك اخذوچ ثقي بيه وأمني محد يوصلچ
هزيت راسي وخر يباوعلي حاير راح للطبلة اخذ السويج طلع ناسي راح يم الباب وكال ـ
ـ يلة انتبهي على نفسچ
هزيت راسي طلع قفلت الباب ورحت كعدت على التخم واحس من كالي موصي الحارس ارتاحيت وگلبي طمن بس لسة هم افكر وخايفة
