الصباح الكل نايم دق جوال ملاك
ملاك بضجير تسكره
ويرجع يدق قامت إيلام
إيلام:ملااااككك اكتمي جوالتس
قامت ملاك وشافت الاسم ابو سعد 💍
تأففت ملاك:فاضي
طلعت برا وردت
ملاك :نعم نعم ديك انت صاحي الحين حتى الديك ماصحى بذا الوقت
محمد:يمه هدي
ملاك :مصحيني وتبيني اهدا وش تبي
محمد:اسمعي ترا الساعه 12الظهر بنمشي
ملاك.:وين
محمد :ابي اروح انا وانتي البر
ملاك:وليش
محمد:جلسه بيني وبينتس
ملاك :طيب بس انا ما ابي اقعد معك
محمد:بتروحين معي يعني بتروحين اوكيه
ملاك :لا يعني لاا
محمد:عادي بدخل واسحبتس من يدتس
ملاك :لا لا وين تدخل البنات موجودات
محمد:عادي تمشين معي ولا والله أسويها وادخل
ملاك تأففت :خلاص خلاص بروح معك بس الساعه 12ليش شمس
محمد:وش شمس الله يهديتس حن شتاء بعدين انا قريت بقوقل انو الدرجه الساعه 12مغيم يعني مافي شمس
ملاك :خلاص اذلف بكمل نومتي
محمد:افف بترجعين تنامين
ملاك :اكيد وش يعني تبغاني اتأملك الين تسكر
محمد:اكيد تتأملين مز انا
ملاك :الله يعطيني ثقتك بس سكرت وراحت تنسدح تنام
الساعه 9الصباح
صحو البنات الا ملاك كملت نومتها
إيلام:نصحي ملاك
ملاذ:لا خليها
لبسو البنات وطلعو
نزلوا لقو العيال قاعدين حوالين الجده
قعدو البنات ومراد مو راضي يشيل عينه عن نارين
محمد مالقى ملاك
محمد:وين ملاك
ميار :نايمه
محمد:قومي صحيها
ميار :طيب
طلعت ميار عند ملاك صحتها عيت
نزلت ميار :محمد عيت تقوم خلها نايمه تكفى
محمد:لا لا لازم تقوم خذي لي طريق بطلع اصحيها
ميار :محد اطلع
طلع محمد وقعدت ميار
ملاذ فرصتها:ليه ماقلتي صحت
ميار :اي اوجعتيني لو كذبت بيصفقني
طلع محمد وراح لفراش ملاك
محمد صرخ بإذنها: ملاككككككككك قومييييي
ملاك فزت :وجعععع اذنيييي
لفت لقته محمد
ملاك فتحت عيونها :افف اطلع اطلع البنات نايمين
محمد:ياحبيبتي محد نايم كلهم صحو الا انتي الساعه9
ملاك :ياليل دجاج انتم تصحون بدري
محمد:قومي قومي صلي
ملاك :اصلا صليت الفجر ونمت
محمد:طيب قومي وجهزي نفستس
ملاك قامت للحمام ومحمد نزل
غسلت ملاك وطلعت لبست بجامه وسيعه ونزلت
قعدت عند البنات وعيونها منتفخه
ميار ضحكت بهمس :محد ينفع لتس الا محمد
ملاك :اسكتي لا افقع الفنجال بجبهتس حسبي الله ماخلاني انام الحلم كان يجننن
ملاذ :ايوه ووش الحلم
ملاك:الحلم اني كنت بعالم فكتوري وكنت اميره وعايشه بقصر فجأه جا امير مزززز مرهههه اسمه فيكي خطبني وتزوجنا وعشنا بقصره الكبيررررر
ايلاف ضحكت :الحلم فيكي الواقع محمد
طاحو البنات ضحك
ملاك:ابو التحطيم يا شيخه
كملو البنات سوالف والعيال طلعو
جت الساعه 12
دق محمد على ملاك وقال تجهزي
دخلت ملاك الغرفه ولبست تي شيرت اسود وبنطلون اسود
دخلت ملاذ :هيييي بتطلعين تسذا
ملاك :اي عادي تراه بر
ايلاف دخلت:لا لا لازم تبدلين وطلعت ايلاف مخور بيج فيه رسومات
ملاك :لا لا بيضايقني
ايلاف :لا البسيه
تأففت ملاك وراحت تلبس المخور
وربطت شعرها ولبست عبايتها
وقبل تطلع مسكتها ملاذ من عبايتها
ملاذ :ملاك وش صار على الخطه
ملاك :عندي مانسيت خلص اخلص مشوار البريعصي واجيتس
ملاذ ابتسمت :روحي الله يسعدس يا شيخه ابوستس انا
ملاك :حبيبتي كل شيء لعيونتس وعيون دودي
أما بالنسبه لمحمد لبس ثوب اسود وشماغ أحمر
نزلت ملاك وركبت السياره
محمد ناظر فيها :حلو لابسه مخور
ملاك :مجبوره
محمد:احسن
ملاك:انكتم
ساق محمد ومر للبقاله دخل يجيب دجاج ورز ومكونات الكبسه ورجع يسوق وصلو لبر غريزز مره بالتراب
نزل محمد ومد الفرشه ونزلت ملاك
محمد:افصخي عبايتس مافي احد حنا بمكان منعزل
ملاك فصخت وجلست على الجلسه
جلس جنبها محمد وجاب ادوات القهوه وبدأ يسوي قهوه سعوديه ملاك تتأمل المنظره وقالت
ملاك :الله يازين الطبيعه
محمد:شفتي
ملاك :ليش جايبني
محمد:نفضفض لبعض
ملاك :تسهبل
محمد:وربي
ملاك :ماراح اتكلم
محمد:طرق
ملاك :لا
محمد:خلاص انا ببدأ بس إذا خلصت القهوه
طلعت ملاك جوالها وفتحت شعرها وبدت تتصور وتتدلع
محمد:غنوجة الديره
ملاك :اصلا البنات ينادوني تسذا متعوده
كملت تصور وتغني تتصور على شيلات ومره على اغاني خلصت تصوير وجت بتربط شعرها
محمد:لااا خليه مفتوح حلو
ملاك :لا لا بربطه
محمد:لا تكفين خليه مفتوح
ملاك :ابك كلمة تكفين تهزني
محمد:متأكده
ملاك :اي والله
محمد:أجل خليه مفتوح
ملاك فكت شعرها الطويل وترجعه لورا
استوت القهوه وصب محمد لملاك فنجان وله فنجان
ملاك :وش تبي تقول
محمد:عادي نسولف
ولف على ملاك
محمد:اسمعي ابي اسولف وانتي ناظري فيني ما احب اتكلم والشخص مايناظرني
ملاك :طيب
تربع محمد وبدأ يسولف لملاك عن حياته
ملاك :الحين انت كنت مهجد المدرسه يوم كنت بثالث ثانوي
محمد:ايه وكان ابوي كل شوي عند مكتب المدير وكان في واحد اسمه عبدالمحسن يا انا نكرهه كرهه العمى كان يمشي ويشمق لي أنا وولد العم نواف ويوم عرف انو عبدالملك ولد عمنا كان وده يصفقه بس ماكان يدري أن عبدالملك اقوى منا المهم انو مره تهاوشنا معاه ومسك السكينه وكان بيطعني ببطني
ملاك :يمه عندكم يا العيال طعن
محمد :ايه واكثر بعد تحسبين هوشاتنا كيوت زيكم
ملاك :طيب كمل
محمد:المهم ويطلع السكينه وانا امسك السكينه وارميها ودافور الفصل نقال العلوم يروح يعلم ويجينا المدير يصفقنا ويدق على أبانا طبعا جانا فصل ثلاث ايام وعبدالمحسن فصل تام لأن معاه شيء حاد وأبوي صفقني في البيت تصفيق حرمني من الطلعه اسبوع
ملاك :انت نفسي انا راعية مشاكل بس بنفس الوقت دافوره يعني المعلمات يستغربون يقولون راعية مشاكل ودافوره ماتجي صح أن هوشاتي كثير وامي كل شوي مرسبنه عند مكتب المديره بس مايعني اصير داشره المهم صارت هوشه بيني وبين ساره يوم كنت بتسأذن لنا وقالت الهوشه لمحمد
محمد:كفو يا بنت العم
ملاك قالت هوشتها مع طيف (تعليق الكاتبه الهوشه في البارتات القديمه شوفوها اتوقع في بارت23)
وقالت السالفه وبرد وجه محمد
محمد:ملاك عادي عندتس اذا قالو لتس يا متزوجه
ملاك :طزز ماهموني اصلا
ملاك :الا بسألك
محمد:اسألي
ملاك :كيف دخلت العسكريه وانت 22؟الي اعرفه لازم عمرك يكون فوق 24
محمد:لا يا عيوني العسكريه من 17الى 30او فوق درست انا ونواف وعبدالملك في كلية الملك فهد الامنيه وكانت تجنن ودرسنا فيها بعد مادرسنا تخرجنا وسوينا حفل بعدين رحنا دوريه عسكريه وقعدنا شهور هناك عشان نتعلم كيف نصير عسكريين ورجعنا وسو استقبال وجو العائله الكريمه بعدين صرت قائد بعمر 21سنه الحمدلله وعبدالملك اللواء ونواف الظابط
ملاك سألت سوأل غبي :عيونك عدسات ولا لا ؟
محمد ضحك :هاذا الي هامتس والسالفه
ملاك :امانه قولي
محمد:طبيعيه وانتي شعرتس تسذا بني ولا صابغه وعيونتس
ملاك :لا شعري خلقه وعيوني طبيعيه
محمد:ماشاءالله
كملو سوالف وكل واحد يكب عفش الثاني
محمد:ملاك ابي اصور يدي ويدتس وحن ماسكين الفنجال
ملاك :طيب
قعدو وأخذو الفنجال وصور محمد طبعا كانت يد ملاك منقوشه نقش خفيف نقشت لنفسها وظبط مع مخورها خلص تصوير وارسل الصوره لملاك كانت مسجله عنده (أم ســـعـــد💍
ملاك شافت الصوره وقالت :تجنن
محمد:قومي نسوي غدانا
ملاك :يلا
قامو يقطعون الدجاج ويسون كبسه
قعد محمد وملاك كلمت تسوي الكبسه
محمد يناظر فيها ويقول بينه وبين نفسه (معقول هاذي زوجتي ؟)ملاك كل شوي شعرها يطيح على وجهها وترفعه تقدم محمد يمسك شعرها وهذا كان حلمه وحط عليه شباصه
ملاك :شكرا
محمد:العفو
وقعد محمد ينتظر الكبسه تستوي وقال
محمد :حرمه وعلومها غانمه
ضحكت ملاك :يا ثور ذي تنقال للرجال
محمد:عادي انا اغير الكلمات
وقعدت ملاك
ملاك :الحين تهقى تطلع حلوه
محمد:مين
ملاك :الكبسه يا ثور
محمد:ماني ثور
ملاك :طيب بيطلع الطعم حلو
محمد:دامه انا سويتها اكيد بتطلع حلوه
ملاك :ياي كذاب اسمع عطيني ابيات شعر اشتقت للشعر
محمد:يقول شعر عن عيونتس
ملاك أشرت على نفسها :عيوني انا ؟
محمد:ايه ماشاءالله عيونتس تجذب
ملاك :طيب سمعنا
محمد تنحنح وناظر في عيون ملاك
الله اكبر كيف يجرحن العيون
ـ
كيف ما يبري صوب العين ابد
ـ
احسب أن الرمش لا سلهم حنون
ـ
اثر رمش العين ماياوي لحد
ـ
يوم روح لي نظر عينه بهون
ـ
انتي عيونتس سالفه سمعتها
ـ
بليلة سفر واثنين مرو بعاصفه
ـ
وضيعو نجمه وقمر ومن يومها
ـ
كثر الظلام وراح السحاب وباروقه
ـ
ملاك ابتسمت :ابدعت الصراحه اول مره احد يقولي شعر
محمد ابتسم لها ونزل رأسها للارض يلعب بالتراب بعدين رجع وانسدح يناظر السماء ويقول بينه وبين نفسه (محمد كذب مشاعرك تذكر الشرط كذب مشاعرك انت تعتبرها اختك لا اكثر ولا اقل
بعد نص ساعه استوت الكبسه وقربو ياكلون خلص الغدا
وقام محمد:الحمدلله يا رب شبعت
ملاك :حتى انا قامت ملاك تغسل الصحن وترجعه للسياره
قام محمد يسوي شاي جمر انسدحت ملاك تناظر للسماء وتفكر في محمد وتقول في قلبها (لا يا ملاك لا لا تحبينه لا كلها سنتين وتبعدون عن بعض لا تتعلقين )
ملاك محتاره بين قلبها الي يقول حبيه وبين عقلها الي يقول لا تحبينه ناظر فيها محمد وقال
محمد:وش تفكرين
ملاك :بولا شيء
محمد:طيب لا تنسدحين قومي اقعدي
ملاك :لا ابي انس...قاطعها كلامها جوالها الي دق
ناظرت ولقته ابوها فزت تبتبسم وردت :هلا بعيوني يا ابوي
سعود :هلا بقلبي هلا بدلوعتي
ملاك :شلونك يبه
سعود :الحمدلله انتي كيفتس
ملاك :دام ابوي بخير انا بخير وقامت ملاك تمشي وتكلم ابوها اتصال ابوها بالنسبه لملاك كأنه رد الحياه لملكا وضحكت لها الحياه ملاك ابوها بالنسبه لها شيء كبير مايتعوض ولا يتقارن بأحد اتصاله هاذا فرح ملاك مره ويمكن يكون سبب لسعادة ملاك ليوم كامل قفلت من ابوها وهي مبسوطه
رجعت تقعد
محمد:كيفه عمي
ملاك :بخير
استوى الشاي وأخذه محمد يصب لملاك
قعدو وشربو الشاي
ملاك :لذيذ
محمد:شفتي
محمد:ملاك غني
ملاك :لا لا وش اغني
محمد :تكفين انا قلت لتس شعر انتي الحين غني
ملاك :طيب بفكر
فكرت ملاك وعدلت جلستها تغني
ومالي غيرك حبيب
ـ
قلبك وأعرفه طيب
ـ
وفي حبك تداريني
ـ
ولظني مابتخيب
ـ
عشت العمر مفتونك
ـ
داري دمعة عيونك
ـ
ادري العمر مايسوى
ـ
لا غيبت من دونك
ـ
وليففف الروح تدري
ـ
تدري من تكون
ـ
غرام القلب واغلى
ـ
من عيوني انا لك
ـ
قلب في طبعه حنون
ـ
وابي قلبك فضاي
ـ
وكل كوني
ـ
محمد:ماشاءالله صوتس
ملاك :الشيله هاذي أهديها لابوي واخواني
محمد:الله يخليهم قام محمد يجمع الاغراض
ووركبو السياره وراحو للديره وصلو وكل واحد راح قسم
مر اليوم كأي يوم وانتهى اليوم عند الجميع
انتهى البارت حبايبي اعذروني اذا قصير
لا تنسوني من النجمه تتوقعون ملام تحب محمد؟
لا تنسوني من النجمه⭐
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
