قل ماتشاء فانا الوقود للنار التي في داخلي
انا الريح العصوف عند اشتداد الليل
لا تتجاهل صمتي واحذر من شخص فقد اعز مايملكه على قلبه
شفع..... ✨
بارت طويل لعيونكم 🙈❤️ لاتنسون التصويت والمتابعة للحساب ووياها تعاليق حلوة مثلكم 🤭❤️
*********************************
بقلمي : زينب أنمار ✨
إيلاف.....
ابتسم من التفتلي : يااهلا ام حسين
كلماته ورزانته وعيونه الي تراقب الكل خلتني انلصم بمكاني رجع كال بنبرة اكثر ثقة : اي سيد جلال وين جنه
جلال : بلي استاذ
خله ايده الثانية على ايده الأولى الموضوعة فوك العكازة وكال مستمتع : ابنك فاقد تريد اجيبه ولو زوجتك هي الي ضامته عن الضابط بس ميخالف هم نساعدكم خاف يشرد
فتح عمي عيونه على وسعها وصوت هادي اجه من وراي : انطي الي
قطع عيونه عن عمي الي انكلب وجهه اصفر وباوعلنا : ماكو اشكال بس المقابل راح يكون ثكيل
هادي : وهو
رفع ايده اليمنى خلا بيها جكايره بحلكه : لا تخاف مو بيها مخالفات وشغلات من العابكم فقط راح تساعدني بأمور
هادي : مدام مابيها مخالفات ليش تطلب مساعدتي
شفع : اسهل طريقة العب بيهم هو بل الشي الي يخافو ويكرهو
هادي : شنو راح استفاد غير فاقد
شفع : معلومات بدون ذكر اسمي
سكت هادي دقايق مركز بوجه هذا الإنسان الهادئ وراها راح كعد كدامه وبوجهه ابتسامة : موافق اذا جانت المعلومات تخدمنا
مال شفع براسه مبتسم : لا تخاف المعلومات مضمونة خطورتها
لفت انتباهي ذاك السواد الي مجتاحه هو قبل جان يلبس اسود بس هسه كلشي بي اسود ووجه التعبان يدل صاير شي
طب بهل الاثناء أوس وعيونه مفتوحة مصدوم مثل صدمتي : ابو درة نورتنا بهاي الزيارة
شفع : اكعد اريد احجي وياك
مد عمي ايده اله : احنه نستأذن تشرفت بمعرفتك أستاذ شفع
كام شفع واستقبل ايده بوجهه المبتسم : الي الشرف استاذ جلال
استاذنو وقبل لا يطلعون همس سرمد يمي يضحك : من شابه اباه فما ظلم هاي عقيق نفس ابوها وتصرفاته
من طلعو تبدلت ملامح شفع وعيونه تسلطت عليه : قبل لا اجي لهنا جانت اكو الف فكرة براسي بقتلج بس من حسن حضج دحضت كلهن
اعتلت الصدمة ملامح الجميع وهادي كام خلاني ورا وركز عيونه الحذرة بي رجع حجه ويا أوس : بيت عبدالله وينه
أنت تقرأ
ذراري الهجرس
ChickLitعرفنا بمكرنا وحيلنا قيل عنا الغدر والخذلان لكن ما الهجراس التي ولدت فينا الا نتيجة وقع الزمان علينا وازهاق البشر لاروحنا في ازقة المعتقدات والظلامات ابنتي كوني قويه كوني هجرسية فخوف الناس منكي افضل من استعبادهم لك
