🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

بعد أسبوعين

من خطف عائشة وجوازها اللي حصل غصب عنها

كانت قاعدة في أوضة لوحدها بتفكر في كل اللي حصل واللي بيحصل رغم إن شخصيتها قوية بس دي أول مرة تحس بضعف حاولت تتأقلم علي المكان بس فشلت

كل اللي بيدور في بالها إزاي جت المكان دي وأمتي جت وإزاي محدش حس بيها معقول يوسف أخوها محسش بإختفائها وريان معقولة خلاص نسيها

أول ما إفتكرته دموعها نزلت علي خدها بغزارة هي عايزة تهرب من المكان ده بس فكرة الهرب مستحيلة بالذات إن المكان ده موجود وسط مساحة كبير من المياه

الباب إتفتح ودخل من غير ما يستأذن مسحت دموعها بسرعة عشان ميشوفش ضعفها

قرب وقعد علي طرف السرير وقال بتنهيدة

_" مش هتفضلي كده طول الوقت لازم تتأقلمي علي حياتك الجديدة "

_" حياتي ؟ دي مش حياتي ومش عايزة أفضل عايشة هنا باقي عمري "

_" إتقبلي الواقع أنا خلاص بقيت جوزك والمكان اللي هكون فيه أنتِ هتكوني فيه "

_" جوزي بالغصب "

إبتسم وحط إيده علي خدها بحب " بكرا يبقي برضاكِ "

_" ياااا لو تعرفي أنا بحبك من أمتي بس دي عايزة لها سهرة وهقولك يوم ما أنتِ تقعي قي غرامي يا عائشتي "

عائشة بسخرية " بلاش تتوهم إنِ ممكن أحبك في يوم أنا هفضل أدور على طريقة أخرج من المكان ده مهما حصل "

ضحك بعلو صوته وقرص خدها

_" أنتِ عنيدة ودي أكتر حاجة بتعجبني فيكِ بس عنادك ده مش هغير حاجة يا عيشتي لأن هو ده مكانك وأنا مش بعد كل اللي عانيته مستعد أخسرك "

ردت عائشة بصراخ " أنت بتفهم منين أنا مستحيل أحبك أفهم بقي أنا حبيت واحد بس في حياتي وهو ريان أنا مش عايزاك "

أكملت بدموع " لو سمحت مشيني من هنا أنا مش عايزة أفضل هنا أكتر من كده أنا مش بحبك أنا عايزة أروح لعيلتي زمان ماما وبابا ويوسف قلقانين عليا مش أنت بتحبني مش كده لو بتحبني خليني أمشي "

قرب منها وحضنها وإتكلم بنبرة مليانة آلم وحزن

_" ليه عايزة تأخدي روحي وتموتيني يا عائشتي أنا بحبك ومش هقدر أعيش من غيرك كفاية المعاناة اللي كنت بعيشها كفاية حسرتي ووجعي بعد ما شوفتك بتتجوزي واحد تاني غيري "

بعدت عنه وفضلت تضربه في صدره بكل قوتها

_" بقووولك سيبني سيبني "

فضلت تصرخ وتصرخ لحد ما تعبت وأغمي عليها بين إيديه

إتصدم وقلبها وقع " عائشة عائشتي هعمل اللي أنتِ عايزاه بس عشان خاطري فووقي "