روايتنا
تكلم عن أجواء الديره وحب الطفوله
راح تعيشون معاي بمخيلتي الفرح الامل
الحزن الأجواء الشتويه السعيده
نبتدي من ذي النقطه وقلمي أن شاءالله
ماراح يجف الا وهو يكون سبب لسعادتكم
🔥🔥
دخلو محمد وملاك الشقه راحت ملاك تبدل ملابسها وتلبس بجامه زرقاء ومحمد كذلك لبس بجامه بس سودا راحت ملاك تمسح الميكب وتربط شعرها فوق كعكه وراحت تفتح الاغراض وشافت عصير ملاك:غريبه انا ماشريته بس نجربه يمكن يطلع حلو طلعت العصير وقعدت على الأرض تاكل سناكات وشربت من العصير وغمضت عيونها ملاك :ويعع حامض استغفرالله دخل عليها محمد محمد:ورعه طفش افتحي خل نتابع باب الحاره ملاك طالعت فيه تضحك ملاك :هههههههه باب الحاره وقامت فتحت شعرها وراحت ترقص وتستهبل وتسوي حركات غبيه محمد استغرب من تصرفاتها ناظر العصير وانصدم يوم عرف إن العصير خ** راح محمد مسك ملاك محمد :ملاك ملاك معي معي انتي ملاك :لا انا بالمريخ وراحت تمشي وتضحك محمد مسكها مره ثانيه :ملاك انتي شربتي خ** ملاك حطت يدينها ورا رقبته ملاك :محمد تعال نرقص والله وناسه محمد حاول يبعدها :ملاك مو وقته انتي شاربه خ*"تعالي نغسل وجهك ملاك :لاااا اليوم ابي استانس يلااا سحبت محمد وقالت ملاك :محمد ارقص معي بليززز حمودي يلا وقامت تسحب يده وهو يبعد عنها محمد:ملاك بعدي ملاك :وش رايك نصفق ساره الي بمدرستي والله ناسه محمد:طيب طيب بنصفقها بس انتي اهجدي ملاك ملاك حست نفسها تدوخ وحظنت محمد ملاك :حظنك يجنن حمود لا تتركني محمد:يا مسلمه بعدي عني انتي شاربه مو بوعيك ملاك :لا تخليني وحظنته محمد يحاول يبعدها وطالع فيها لقاها نايمه بعد عنها محمد لكن هي متمسكه فيه مره اخذها محمد وسدحها على السرير محمد:استغفرالله يا ربي اغفر لها ماكانت تدري ملاك تتمتم :لا تتركني كلهم راحو وخلوني محمد:ماراح اتركك بس ابي انام ملاك :لا نام عندي خايفه تروح عني وتتركني محمد:خلاص طيب نامت ملاك وهي ماسكه يد محمد ومحمد سرحان فيها ويتأملها وقال :اخخ يا ملاك والله انك حلوه اخلاق شكل كل شيء بس لو تزوجنا بطريقه ثانيه مو ذي حط راسه ورا ونام من قوة التعب نام وهو قاعد وملاك منسدحه نايمه ~~~~~~~~~~~~ عند عبدالملك راح هو وأبوه عند ابو مسفر قعدو بالمجلس وتكلم عبدالملك عبدالملك :في الحقيقه يا عم انا ابي اكلمك بموضوع جاد ابو مسفر :سم يا وليدي عبدالملك :يا عم قدام جدي وعماني أنا أطلب يد بنتك ملاذ على سنة الله ورسوله ابو مسفر :والله ونعم الرجال ونتشرف فيك لكن عبدالملك:لكن وش ابو مسفر:في الحقيقه يا وليدي البنت لولد خالها بشير ومحجوزه له وامس خطبها وتم كل شيء جا الكلام على قلب عبدالملك سكاكين بقلبه وكأن أحد صفقه على وجهه ما استوعب الكلام ما استوعب أن حبيبة عمره والطفوله راحت من يده ما استوعب انو هي بتصير زوجة شخص لغيره ابتسم عبدالملك وقام :الله يوفقهم يا عم ابو مسفر :الله يرزقك يا وليدي راح عبدالملك وهو معصب وزعلان ركب سيارته وحرك للجبال البعيده نزل من السياره وصك الباب بقوه وراح يصرخ عبدالملك :ملااذذذذذذ ليشششششش ليشششش تروحين من يديييييي ليششششش بشيرررر والله لاذبحك يا كلبببب قعد يصارخ عبدالملك وطلع كل الي بقلبه ويصفق نفسه ونظم انو ماجا تقدم من بدري قعد على الأرض يبكي كيف كيف حبيبة عمره بلمح البصر راحت من يده كيف حبيبة عمره بتكون مع شخص ثاني غيره وبتكون هي وبشير تحت سقف واحد بيقرب منها ويحظنها ويلمس شعرها وعبدالملك ساكت وماله دخل يتكلم قعد يبكي وأبوه يدق عليه وهو مايرد قعد ذيك الليله مع ربه يشكي ويبكي ويعاتب نفسه ~~~~~~~~~ صباح يوم جديد صحت ملاك وشافت محمد مايك يدها ونايم فوق راسها صرخت ملاك:يمههه وش جابككك محمد فز من نومه :بسم الله قامت ملاك :انت وش تسوي هنا لا يكون لمستني محمد:وش المسك يا بنت أمس صار وعلمها كل السالفه ملاك مسكت على رأسها :هيي انا سويت شيء حرام يا هجادي يا ربي اغفر لي يا رب يا رب اغفر لي محمد:الله بيسامحك لانك ماكنتي تدرين راحت ملاك تغسل وجهها والدموع بعيونها كيف هي شربت شيء حرام توضت وراحت تصلي الظهر وتدعي ربها أنه يسامحها على غلطها قامت وراحت قعدت وطلعت هي ومحمد يتمشون بلندن ~~~~~~~~~ ديرة نجد طلعت ملاذ من المطبخ وقابلت عبدالملك عبدالملك الي عيونه منفوخه وحمرا ملاذ :شفيك عبد.. سحبها عبدالملك ودخلها الغرفه عبدالملك :انتي ماعندك لسان القطو اكل لسانتس ماعندتس صبر ليششش ليششش وافقتييي ليششش ماتحبني ليش تكذبين وتقولين انا احبك تحسبين مشاعر عبدالملك لعبه بيدك ليش وافقتي ليشششش وضرب يده بالباب ونزفت يده دم ملاذ خافت :وافقت على ايش بعدين يدك عبدالملك :يدي اسحبي عليها ليش وافقتي على بشير ليش ملاذ عقدت حواجبها:بشير؟ عبدالملك :ايههه بشير أمس خطبتك من ابوتس وقال انتس انخطبتي من بشير قبل امس ليششش مارفضتي ليششش ملاذ :لحظه متى وافقت والله مدري عن الموضوع عبدالملك :ملاذ لا تسوين نفستس غبيه وانتي فاهمه تراني مو غبي مو غبيي طلع من الغرفه وهو معصب وتارك ملاذ بحيره ملاذ :يمه لا يكون ابوي سواها راحت عند ابوها ودقت الباب ابو مسفر :ادخلي يا بنتي مافي احد دخلت ملاذ :يبه صدق انت وافقت على بشير ابو مسفر :ايه ملاذ :ليششش يا يبه ليششش ما ابيه انا قلت لك ما ابيه ابو مسفر :يا بنيتي عيب ارد الرجال ملاذ :عيب ترد الرجال بس عادي بنتك تتبهدل مع واحد ماتبيه يا يبه ليششش ابو مسفر عصب :نصيبتس وجا لين عندتس ليش الرفض ملاذ :يا ابوي ما ابيه تكفى ابو مسفر :تتزوجينه يعني تتزوجينه فاهمه ملاذ :ولو على جثتي ما تتزوجه ويا انا يا انت طلعت ملاذ من الغرفه وهي معصبه قعد ابو مسفر يستغفر ~~~~ بعد اربع ايام محمد:اليوم بنسافر ملاك :خيررر ما امدانا محمد :انتي رحتي مدينة احلامتس حتى انا ابي اروح مدينة احلامي ملاك :وين بنروح محمد:فرنسا بعدها بنرجع الديره ملاك :خاطري بموسكو محمد:اذا خلصتي دراسه اوعدك اوديك ملاك :صدق محمد:ايه ملاك :أجل بقوم أرتب اغراضي قامت اخذت ميكبها وحطته بالشنطه ودخلت ملابسها ولبست بلوڤر اسود وبنطلون ابيض ومحمد لبس بلوڤر ابيض وبنطلون اسود لبست ملاك عبايتها وطلعو سلمو مفتاح الغرفه وطلعو ملاك بزعل(bay London محمد ضحك :وش فيك ملاك :أودعها حرام محمد:لا بس امشي قبل تروح الطياره ملاك:احسن تروح عشان نقعد بلندن مسكها من يدها وقال محمد:نبي نسافر باريس نقعد اربع ايام عشان نلحق الاسبوع الاول نقضيه بالديره والاسبوع الثاني مدرسه ملاك :صح حركو للمطار وخلصو أمور الجوازات وقعدو بصالة الانتظار محمد :كيف استعداداتك للاختبارات ؟ ملاك :ماش مافي شغف بس بشد حيلي عشان ادخل التخصص الي ابيه محمد:وش تبين تصيرين ملاك :محاميه محمد:حلو انا وانتي بنفس التخصص قانون ملاك :حلو قعدو يستنون الطايره واعلنت الموظفه انو الطياره الي متوجه من لندن الى باريس ستوف تقلع بعد قليل توجهوا محمد وملاك الطياره وراحو وقعدو بأماكنهم قعدو وراحت ملاك عند الشباك ومحمد جنبها وكالعادة ملاك كل شوي تنام بأي سفره نامت ومحمد ظل صاحي لأن حماسه كان غير شكل طلع جواله ودخل يشوف أجواء باريس وفعالياتها لطالما حلم وهو صغير أنه يروح لباريس حط جواله ورجع راسه ورا ينام ~~~~~~~~~~ في الديره إم مسفر :متى قررتي تكون الملكه يا ملاذ ملاذ :يمه ما ابيه ام مسفر :بسرعه يا ملاذ ملاذ :يمه ملكه لا تسوون خلاص عقد قرآن وخلاص ام مسفر :بكيفتس خلاص بنعلم ابوتس وان شاءالله يوافق راحت ام مسفر وقالت لابو مسفر ووافق قعدت ملاذ تفكر بعبدالملك هل هو زعلان أنه انخطبت وهي كم مره تحاول ترفض بشير عشان عبدالملك ولأنها تحبه انسدحت تكتم دموعها لكن ماقدرت وكانت تصيح ~~~~~~~~~~ نرجع للابطالنا أقلعت طيارة لندن على أراضي فرنسا ونزلو الركاب محمد قعد يصحي ملاك وهو متحمس ملاك :همم محمد:قومي قومي قومي وصلنا باريس وصلنا فرنسا ملاك :جد محمد:ايه قومي قامت ملاك ونزلو من الطياره ومحمد والأرض ماهي شايلته من سعادته ملاك ضحكت :اشتغل الطفل الي بداخلك محمد:هاذي فرنسا حبيبتي وش متوقعه ملاك تنرفزت من (حبيبتي)وقالت ملاك :امش ناخذ اغراضها مشو وأخذو أغراضهم وطلعو من المطار اول ماطلعو محمد صرخ وقال محمد:(Bonjour Paris)مرحبا باريس بس باللغه الفرنسيه ملاك ضحكت :قلود محمد:هناك انجليزي نتكلم لكن هنا نتكلم فرنسي تعرفين؟ ملاك :ايوه ادري لغه انا مشو ووصلو الفندق ومحمد من وناسه وده يمر فرنسا كامله وصلو الفندق وحطو أغراضهم وارتاحو محمد:وش رايك نطلع الحين ملاك :لا يا مسلم نريح شوي ريحو ساعتين بعدين قامو يلبسون كان محمد لابس بلوڤر اسود وسيع وبنطلون جينز لونه ابيض وملاك كانت لابسه برضو بلوڤر بس كان وسيع مره لونه ابيض وبنطلون وسيع لونه اسود لبسو حذيانهم الله يكرمكم وطلعو راحو يتمشون ومحمد مبسوط ملاك :وين ناوي تروح محمد:نروح برج ايڤل ملاك :وناسه هاذاك الي الدعسوقه تنقذ في الناس محمد ضحك :ايوه ملاك :ومعها القط الاسود والشرير مدري شسمه ابو القط الاسود محمد:مدري شسمهم امشي راحو ووصلو برج ايڤل محمد عيونه قلوب وملاك بعد عيونها قلوب محمد:يا الله منظر جميل ملاك :منظر لا يحتمل محمد:مشينا ملاك :يلا راحو وقربو للبرج يتأملونه ابو خمس دقايق محمد أعطا جواله ملاك :صوريني بروح عند البرج ملاك :طيب راحو محمد وقعد ملاك تصوره عند البرج وراحت ملاك ومحمد يصورها خلصو من البرج وراحو محمد:ترا في هنا عالم ديزني ملاك :ايوه عالم ديزني الكبيررر محمد:اصلا انا قريت انو عالم ديزني متواجد بباريس بس بعض المدن قلدتهم ملاك :نروح له ؟ محمد:مسكر الحين بكره نروح ملاك :طيب شرايك نروح نفطر لاني حيلللل جوعانه محمد:مشينا دخلو المقهى وتقدم الموظف عندهم الموظف :(Bonjour, quelle est votre demande ?)مرحبا ماهو طلبكم محمد :وش تبين ملاك :ابي قهوه وحلا شوكليت محمد لف على الموظف وقال :(Nous voulons du café et du chocolat)نريد قهوه وحلا بالشوكليت الموظف:(tous)طيب راح الموظف يجيب طلبهم ولف محمد يطلع جواله ويصور المكان كان المكان جميل جدا يطل على المناظر الطبيعيه وفوق في شاشه كبيره وعارضه كيف تتجول بفرنسا جا طلبهم وسمو بالله واكلو ملاك:يا الله اكلهم يجنننن محمد:اي والله كملو يفطرون وراحو يدفعون الحساب وطلعو ملاك شافت محل ديور وقالت ملاك :محمد عادي اشتري عطر من ديور تكفى محمد:وينه ديور ملاك :هاذاك هو محمد:مشينا ملاك انبسطت ودخلو المحل راحت ملاك تدور العطر الي تبيه ولقته ملاك :الله هاذا هو محمد أخذه يقرأ اسمه محمد ضحك :اما عاد مس ديور مع الهبه انتي ملاك :اكبر شدخل بالعالم انا اصلا ناويه اشتريه من قبل لا يقول ابوي تراك انتي بتتزوجين واحد اسمه محمد محمد :نأخذه ملاك :اكيد امش نحاسب محمد:ماتبين شيء ثاني ملاك:اصبر خل اتذكر قعدت ملاك تتذكر وقالت ملاك :ايهه ابي بعد عطر رجالي لأخوي مجود ودودي ودحوم محمد:أبا من ذولي ملاك :اخواني محمد ضحك :وش ذي الألقاب ملاك :عادي اخواني اسمع في عطر مجيد مره يحبه بروح اشتريه له راحت ملاك اخذت العطور وجت بتحاسب محمد:وين ملاك :بحاسب محمد:علي الطلاق محد يدفع الا انا ملاك :لا تطلق بدفع انا محمد:علي الحرام اني لادفعهم انا اخذ العطور ودفع عن ملاك ملاك :شكرا وخذ هاذي لك محمد:رجعيها ما احتاجها ملاك تأففت وأخذ الاكياس من محمد راحو يمشون وقالت ملاك ملاك :نروح متحف اللوفر محمد:يلا الي مايعرف شكله هاذا هو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحو ملاك ومحمد ودخلو ملاك تطالع :واو يجنن الدعسوقه تجي تحارب هنا محمد:وانتي مواصله على الدعسوقه ملاك :ودي اقابلها واقول لها انو القط الاسود هو نفسه ادريان الي تحبه محمد :اما عاد ملاك :ايه محمد:ابو سعد امشي امشي امشي انتي ومبزرتك هاذي حتى ميساء ماتتابعهم ملاك :هههه سخيف أمش ندخل دخلو وانبهرو من شدة جمال المتحف دخلو يستكشفونه وينبهرون أكثر طلعو يتمشون بأماكن ثانيه خلصو و قال محمد :خلاص تعبت الباقي بكره ملاك :حتى انا راحو يتوجهون للفندق وصلو ونامو
انتهى البارت حبايبي كتبت البارت وانا فيني خمول وعندي اختبار انجليزي بس لعيونكم كتبته وسامحوني اذا هو قصير لا تنسوني من النجمه ⭐ الكاتبه :جيلان بنت سعود ✍🏻
