الفصل الخامس والاربعون....
اعتذر على التأخير بس بل زيارة حاليا كلبي وان شاء الله كلكم ادعيلكم...😔❤️
لا تنسون التصويت والمتابعة كلبي وانطوني رأيكم ❤️✨
*********************************
الانسان يكون...
أفعال
اقوال
وحقائق
كلها امور نراها ونكتشف صدقها مع الايام وقليلا مانرى الحقيقة بين كذب بني البشر المتراكم على مر هذه السنين
كاعدين بل سيارة وصوت المذياع صرعني بس الظاهر زوجي الكريم والسايق جاي يستمعون لهذا الترطين والمشكلة اللغة غريبة وماادري شنو هي حتى اعرفها
بزعت اخر شي وخليت راسي على الجامة روحي راح تغادر من الملل وجماله هذا الحيوان اخذ نافلة مني
وكفت متصنمة بمكاني منو ذكر نافلة وشتسوي جنت اقصد درة الي اخذها لمار وراح واني ماكدرت اعترض
طلعني من هاي التوهمات والأفكار العجيبة صوت حيدرة منبهني : نزلي ترنيم
من صفنت على حجيه لزم ايدي ونزلني يحجي ويا السايق عاف ايدي ومادري شسوه لحد ما اخذني ويا واجه صوت مصعد كلت مستغربة : الجنط وين
حيدرة : يم سايق التكسي اوصلج وارجع اخذهن
هزيت راسي ومثل ماكال كعدني وراح يجيب الجنط مرتين اجه ونزل من انسد الباب عرفت خلص
حيدرة : جوعانة
هزيت راسي برفض رجع هو كال : اني هم جوعان راح اسوي اكل
: كلت مااريد
حيدرة : واني كلت اريد ومدام راح اكعد بل أكل تكعدين وياي
ضحكت بسخرية لا هذا مبين راح اتعب ويا رجع كال بهدوء : بس كعدي وياي بدون لا تاكلين ماأحب اكعد وحدي على الاكل
نبرة صوته هدتني وراحت الرزالة الي جنت ضامتها اله لفيت وجهي احس جاي ينضحك عليه
لزم ايدي واخذني ويا كعدني بكرسي : كعدي هنا مدامتي علما اسوي الاكل
حيدرة : اي احجي شي ليش صافنة
: شحجي
حيدرة : مادري اني هم انسان مو اجتماعي
: لعد ربحنا صدك وين بيت درة
حيدرة : بعيد شوي بس بنفس المنطقة
: بل مجمل شكد يبعد
حيدرة : بل سيارة عشر دقايق واذا نشمي عشرين دقايق او اكثر
: بعيد
حيدرة : اي بس هنا اغلب الناس ماتستخدم التكاسي وانتو هم راح تتعودون على هذا خاصة الباصات موجودة
: همم
سكتت رجع هو يفتح موضوع ثاني يجذب انتباهي : يمتى تريدين نراجع الطبيب علمود عيونج
أنت تقرأ
ذراري الهجرس
ChickLitعرفنا بمكرنا وحيلنا قيل عنا الغدر والخذلان لكن ما الهجراس التي ولدت فينا الا نتيجة وقع الزمان علينا وازهاق البشر لاروحنا في ازقة المعتقدات والظلامات ابنتي كوني قويه كوني هجرسية فخوف الناس منكي افضل من استعبادهم لك
