.................
ارتخت نضرات آدم بأمل هز راسه بتوتر
آجام :روح لم غراضك وانزل لاهلك كلهم اريد اروح يم اثام
آدم بعدم فهم :ليش الم غراضي؟
آجام : لو تبقى هنا لو تبقى يم اخوك
انصدم آدم بهذا الشرط شلون يوافق؟ ميكدر يفارك احد من اهله وخاصة اخوه التؤام لان خلصو عمرهم سوه فرك كصته بحيرة مسح وجهة بايده وباوع لآجام
آدم : انتظرني
كالها ورجع لغرفته بينما آجام ابتسم بأستهزاء ورجع لغرفته
جمع كل اشيائه بجنطته ونزل جوة شافو اهله وعارضو روحته
عذاب :لا تاكل تبن آدم
يسرة :هاي هيه طشو عيالي راحو يمه منو يبقالي ولكم ليش ماترحمون بحالي
فاضل : اكعد آدم ارجع لغرفتك
آدم : ماكدر انتو تعرفون شكد روحي وي روح اخوي صح غلطان وماجاي ادافعله ولا اكلكم سامحوه بس هو تؤامي ماكدر روحنه وحده
سارة :وتعوفني؟
باوعلها وبجت :عافني اثام وهسه انته منو يباقالي اني وين اروح
اجه حظنها يمسح بدموعها :ولله اجيج دائما ماعوفج
عذاب: كل اسبوع تجي آدم!
اومئ ادم ورمش على آجام شوية ونزل اجام مبدل ويرفع بشعره ببروده القاتل طلع وطلع وراه آدم صعد ويا وثنينهم ساكتين
القى آجام نضره ع الثاني الي ايده على خده منتجي على عكسه بباب السيارة حس عليه ادم باوعله بس فورا اجام وخر عيونه رجع يسوق بهدوء بعد مدة مو طويلة وصلو استغرب ادم
ادم:موكلت بمحافظه ليش وكفت هنا؟
تجاهله الاكبر فتحله باب السيارة ومشى نزل ادم ومشى وراه وبيده جنطته وصل للشقة فتحها ودخل ودخل وراه يباوع للمكان قفل اجام الباب ووكف يباوع لادم استغرب الاصغر و الهدوء والجو المو مريح دار وجهة اله وسأله
ادم :وين اثام
اشرله براسه على غرفة، عاف ادم الجنطة ومشى مستعجل ديفتح الباب ماينفتح دار لاجام الي اجه يفتحله الباب
ادم :ليش مقفول؟
تقرب اجام وفتح الباب دخل ادم ووسع عيونه بصدمة بسبب اثام الي نايم ومقيد ع الجرباية حس الثاني بحركة بالغرفة كعد شاف ادم بالبداية عباله يتحلم بس عرفه حقيقة من شاف اجام منتجي ع الباب يباوعلهم
اثام: ادم!!
التفت ادم مافاهم شي على
:شكو ليش هيج؟
تقدم اجام على اثام وصل يمه ولزمه من حنجه رفعه عصره حيل
