السلام عليكم غزيلاتي 🦌
وياگم الكاتبة فاطـمة الشمري
روايـة تجبر الرماد " الجزء الثاني" 🔥
صلو على محمد وال محمد قبل لا نبدي بالبارت
وحضرو النمنميات حتى تستمتعون ✨
واترككم مع الروايـة
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، في العالمين إنك حميد مجيد 🤍
( موعد تنزيل كل اربع ايام 🙍)
ـــــــــــــــــــــــــــــــــــــــــــــــــــــــــــــــــ
" شمس "
ضل هادئ بحضنـي هوااي مر وقت ما تحركت امشي ايدي على شعرة بحنية فجاة وخر ببطئ باوعلي عيونه حمـر وخرت ادية من شعرة لوجهة حاوطته ومسحت بهدوء على خدة
ـ خالو انت بخـير ؟
ـ لا مو بخير اني شخص سيء شمس سيء هوااي
ـ لا انت احلى برجال بالعالم واحسنهم
ـ بعينچ شمس بعينچ ما تعرفين داخلي ولا نواياي شنو ولا تدرين شنو جاي اعيش
ـ خالو شبيك ليش هيچ تحچي عن نفسك انت شخص زين
خله راسة على صدري ورجع يكول وهو مغمص ـ
ـ سيء اني سيء شمس لا تتأملين بيه هواي يمكن اخذلچ
ـ خالو
شد على خصري حيل وتيبست من طبع بوسة على رگبتي بلعت ريگي خايفة ومتوترة تنهد وخر مسح على خدي وكال ـ
ـ انت بنتي وحدي
هزيت راسي غمض عيونه حييل وكال بهدوء ـ
ـ ارجعي لمكانچ
وخرت بسرعة وكعدت بمقعدي حرك السيارة وبعد ما حجة وصلنا للبيت فتح الباب ونزل نزلت بسرعة طبينا جوة وجديتي وامي كاعدات وسوسن هم وستيلا
ام غيداء ـ ها يمة حُر تأخرت حبيبي
حُر ـ اممم صاعد انام لاحد يسوي صوت
غيداء ـ انت زين حبيبي شبيك ليش وجهك تعبان
حُر ـ بخير ... تصبحون على خير
كال وصعد باوعولي باستغراب كالت امي وهيا عاقدة حواجبها عليه ؟
غيداء ـ شكو شبي خالچ منو ضوجة سويتي شي ضوجة ؟
شمس ـ اني شعلي شمسوية
غيداء ـ جاوبي باحتراام !!
شمس ـ افف ما ادري هو ضاج وطلع
عفتها وصعدت فوك بس اسمعها تحجي عليه ودكول تعبتني دخلت للغرفة لكيت سوسن نايمة جفي على وجها نزعت ملابسي ولبست شي مريج فتحت شعري ومسحت المكياج لزمت موبايلي وتمددت على ضهري جايني اشعار من الانستا من الجار نفسه
