الفصل الرابع والأربعون
اجييت 🤭❤️ صوتو للبارت وتابعو الحساب اعزائي قرائة ممتعة ولا تنسون تعليق بين الفقرات 🥺❤️
*********************************
بقلمي : زينب أنمار ✨
طيرة.........
كرهت نفسي لحظات وعدت لحظات آخرى احبها بقدر حب امي لها لكن يظل السؤال هل كنت اقدر بذالك الثمن العظيم حتى ضحيتي بنفسك من أجلي
امشي وامسح دموعي الي تنزل بدون ارادتي كلما اريد امسحها ترجع تعاندني اخر شي ضحك حيدرة وبده يمسح وجهي وخشمي
حيدرة : الي يشوفنا يكول خاطفيج
: لا تحجي وياي
حيدرة : ليش أميرة ديانا ومااعرف
: ليش ترد عليه
حيدرة : لان ترادديني
سكتت عنه ماراضية وردت اجر ايدي منه بس بدون فائدة قابض عليها كلت هسه ترجع تنكسر وماصدكت صارت احسن من قبل وماتحتاج جبس
: ايدي راح تنكسر مره ثانية من وراك
حيدرة : مايصير بيها شي امشي بدون نعوصة
شهكت : اني اتنعوص
حيدرة : لعد درة طبعا انتي
تعصبت وصرت اجر ايدي منه بشكل اقوى وأصيح : وخر وخر هسه ارجع يم ابوي أخلي يطكطك عظامك واحد سرسري
ولا سمعني يجرني واني اجر ايدي منه حسيت بيها راح تنخلع وخفت صدك يصير بيها شي عفتها وبديت اشغل لساني الرنان علي : انت واحد همجي
حيدرة : امم
: ماتستاهل اتزوجك خدعتني
حيدرة : همم
: لا خلقة ولا أخلاق
حيدرة : امم
هزيت ايدي معاجبني هم اخذت سرسري واطرش: حتى لسان ماعندك شسوي بيك
حيدرة : ربيني على ايدج
تقرفت من الموضوع لمن تخيلته : ويييع تخيلت السالفة جنك ثور شلون اشيلك
حيدرة : عادي اني فقير وانشال بسرعه
عقدت حواجبي مستغربة : تضحك عليه؟
حيدرة : لا جاي تفهمين غلط
رجعت احاول احرر ايدي منه بس بدون فائدة من اجه صوت هوسة الناس استسلمت وتمسكت بيده خاف اضيع وياخذوني
حيدرة : لا تتحركين من يمي مفهوم
هزيت راسي وعاف ايدي يحجي ويا واحد كمت لزمته من قميصه ووكفت يمه مااتحرك
ومثل الي حس على المصايب لمن تجي اجتلنا مصيبة طايرة وهي تحجي
: صدك راح تعوفيني
أنت تقرأ
ذراري الهجرس
ChickLitعرفنا بمكرنا وحيلنا قيل عنا الغدر والخذلان لكن ما الهجراس التي ولدت فينا الا نتيجة وقع الزمان علينا وازهاق البشر لاروحنا في ازقة المعتقدات والظلامات ابنتي كوني قويه كوني هجرسية فخوف الناس منكي افضل من استعبادهم لك
