لن أنحني أمام كبريائك

المقدمة

🍁الحلقة الاولى🍁
نبدأ حكايتي وقبل نعرفكم على نفسي اسمي ريم بالنسبة لشكلي شعري وعينيا كحل توتي وبشرتي بيضاء وخدودي فيهم حمرة طبيعية صيف شتاء خريف وربيع جامي تروح طولي 1,65وزني67 حمد الله مقبولة الشكل وانا وحيدة ماما وبابا معنديش خاوتي ، قصتي بدات ككان عمري خمس سنين وين كنت انا وبابا وماما فطوموبيل خرجنا نحوسو ولكن للأسف تعرضنا لحادث مرور  و والديا توفاو فلبلاصة لانو ضربة لكبيرة جات من قدام وانا كنت مريحة لور  تعرضت  لجروح وكسور فقط ،من تماك بقيت قفة بلا يدين عمومي كل واحد لاتي بدارو واولادو وخوالي كيف ولكن لقيت جداتي (ماني)ام بابا ربي يرحمو في كتافي مخلاتنيش وكانت ليا العوض والسند الحقيقي في وقت احتاجت فيه الى عائلة كانت هي عائلتي عطاتني حنانتها لفتقدتها فسن مبكر ورباتني على مبادئ تاعها الأصيلة وثوجور تفهمني بلي يلزم نكون سند لنفسي ونبني حياتي ومنتكل على حتى واحد وبالفعل تربيت على هدا الأساس كنت نقرا وحمد الله ناجحة في دراستي وماني كانت أكبر داعم ليا فالقراية وكيما كان لحال وصلت لباك ديتو بمعدل ممتاز 16وسجلت فالجامعة وقريت درت تخصص إدارة أعمال وكملت دراستي.. كل إنسان عندو ميزة يتميز بيها وانا حمد الله من لي كنت صغيرة عندي سرعة الحفظ والتركيز مثلا نقرا نص طويل بعينيا نحفظو ويبقى مرسخ فداكرتي وهدا شي لخلاني نتفوق في مشواري دراسي والان راني مخلصة قرايتي وتخرجت وعمري حاليا 23 سنة ،وحد نهار على صباح كنت مريحة مع ماني برا عندنا جاردا صغيرة منين دار بما انو ساكنين فمنطقة ريفية تقريب نزورو جيرانا ومم هوما يجيو وخاصة دار عمي السعيد ومرتو خالتي فتيحة ثوجور مع بعضانا وسارة بنتهم لي هي صاحبتي مي مريحة فالدار ثالمو مقراتش متوفقتش في دراستها بقات تعاود حتى حبسها عمي السعيد وعندهم بنهم كريم مداسرينهم ودايرتهم خاوتي او اكثر وعمي سعيد وخالتي فتيحة في مقام ماما وبابا.......يتبع .