جبروت الصعيد

البــارت السـابـع والثـلاثـون

نزلت ميسا وهيا تبكي وتشهق في صمت لتدق باب جناح صفيه وعزيز

فتحت صفيه وهيا تبتسم سرعان ما شهقت من منظر ميسا الباكيه: بنتي في اي مالك

دخلت ميسا لتعطي صفيه الفلوس بشهقات: معلش يا ماما ادي دول ل عمو وقوليله اني مش عايزاهم خليهم معاه انا والله ليث بيديني كتير ومش بيخليني محتاجه حاجه

صفيه بدهشه: طب في اي مالك بتعيطي كده ليه واي العلامات الي علي وشك دي هو ليث ضربك

ميسا بنفي: لا محصلش حاجه انا همشي

صفيه: اقعدي هنا احكيلي في اي مش تخضيني وتطلعي كده مالك يا ميسا ليث ضربك ليه

ميسا بشهقات: ع عشان اخدت الفلوس من عمو عزيز بيقولي هو انا مش قادر اصرف عليكي ولا مجوعك وضربني يا ماما

صفيه بغضب: ماله ده اتجنن ولا اي ينيله اومال لو مكنش عمك عزيز مدي البنات كلهم وبعدين دي عاده بيعملها كل مناسبه وهو عارف

ميسا: معرفش انا مليش ذنب هروح اطلع

صفيه: طب عمك عزيز هيتخانق معايا انا علي الفلوس دي اعمل فيها اي ده يموتني لو عرف اني اخدتهم منك

هزت رأسها ببكاء لترفع الحجاب فوق شعرها: وانا هيموتني لو طلعت بيهم تاني والله هيقتلني عشان خاطري خليهم معاكي

تنهدت صفيه لتحدق بمعالم وجهها المطبوع عليه اثار يديه: هو ابني الغبي ده امتي يفهم ان مش كل حاجه ضرب

ميسا بنفي: هو مضربنيش متقلقيش

صفيه بغضب: بتكدبي انتي التانيه ما اهو قدامي كل حاجه باينه

ميسا بتوسل: خلاص عشان خاطري انا مش متحمله كلمه زياده ا اانا هطلع عشان زين فوق وابقي قولي لعمو انا اسفه والله مقدرش اخدهم

صفيه: خلاص متزعليش انا هقوله وهو يتصرف بقي

اومأت لها ميسا: هطلع انا عايزه حاجه

صفيه بحنان: امسحي دموعك دي ومتعيطيش بالشكل ده تاني احسن تحصلك حاجه

باست ميسا يدها: حاضر

لتصعد بخوف من ان يكون ليث مازال غاضبا ويضربها مره اخري

فتحت الباب ودخلت بخوف لتحدق به وهو جالسا علي الاريكه يضع يده علي وجهه لتردف بتلعثم: ا انا وديت الفلوس لعمو عزيز

انزل يديه من فوق وجهه ليحدق بها بنظرات ناريه لم تنطفئ ليندفع نحوها ويمسك شعرها يجرها خلفه ويرميها فوق الاريكه ليردف بفحيح: عارفه لو الموقف ده اتكرر تاني وحطيتيني في موقف زي ده هطين عيشة اهلك وهخلي حياتك جحيم ليصرخ فهمتيي

اومأت بخوف شديد وهيا مخبئه وجهها منه لتقول بإرتجاف: حاضر والله ما هعمل كده تاني خلاص