جبروت الصعيد

البــارت الخـامـس والثـلاثـون

في مساء اليوم التالي كان الرجال يجلسون في دوار القصر يقهقهون بصوت عال ويتحاورون حول الكثير من الاشياء

سفيان: مش الي في بالك متقلقش

سلمان: اقلق ليه مفيش حاجه مستاهله

ليث: طلع الموضوع ده من دماغك ها

سفيان: يا جدعان والله امي الي قالتلي

سلمان: يا روح ماما انت طب انا مش موافق

علاء: ما تتلم ي ولد انت هو انت ابوها

فيصل: وانا عمها

عزيز: خلاص يا جماعه يكتب عليها سفيان ويتجوز مع سلمان

سفيان: حلو حلو وجميل بس شوف ابن اخوك ده عايز يعمل اي عايز يعاقبني علي حاجه مليش دعوه بيها

عثمان: حقه دوخه يا سلمان متخليهوش ياخدها

سلمان: عمي الي ناصرني وبيقف معايا علي طول

انتبه ليث علي خبط الباب من الداخل ليقف ويضع هاتفه علي الاريكه ليفتح الباب: لسا صاحيه يعني

ميسا بخفوت: خلي زين معاك مش راضي يسكت

حمله ليث وقبل وجنته: ابن الكلب ده هيبطل يعيط امتي مش بقي راجل خلاص

ميسا: راجل اي بس ده سبع شهور

ليث وهو يدقق النظر علي وجهها: انتي كنتي بتعيطي ولا ايه

نفت بصمت ليدخل ويغلق الباب خلفه: مالك في اي

ميسا ببكاء: صدري واجعني

ليث: يعني اي

ميسا: مش عارفه بس واجعني اوي حاسه نار مولعه فيه

ليث: طب اسألي امي تشوفلك حل ولا حاجه

ميسا بنفي: تلاقيها نامت

ليث: تعالي نشوفها بس وبعدين فجأه كده يوجعك

ميسا: لاء حلمتي كانت وجعاني من كتر الترضيع وزين بقي بيعضني دلوقتي بقي صدري كله واجعني

دق ليث علي باب الجناح الخاص بوالديه لتفتح صفيه: ميسا مالك بتعيطي ليه

ليث: بتقول صدرها واجعها

صفيه بقلق: واجعها واجعك ازاي يا بنتي

شرحت لها ميسا ما تشعر به

صفيه: طب تعالي ادهنيه مرهم من الي عندي شوفي هيريحك ولا لا وبكره الصبح ياخدك ليث تكشفي

اومأت لها ميسا ليردف ليث: طب خليها معاكي انا نازل

اومأت له صفيه لينزل ويغلق الباب خلفه

ماهر: جبت الاسد اللهم لا حسد

ضحك ليث ليجلس ويجلس زين علي قدمه: عينك الله يعينك