دامك زرعتي الحب بداخلي ورد انا ما ابي غيرك من الناس يسقيه

part23

الساعه8
دخلو عزام ونواف متنكرين في الكوفي
راحو للمدير وعلموه الخطه وعلموه انو في عصابه في الكوفي
وافق المدير ولبسو عزام ونواف الملابس وراحو ياخذون الطلبات
بعدهم دخل محمد لابس ثوب ابيض وكمام اسود وشماغ
راح وقعد في الطاوله الي ورا العصابه
كان يناظرهم محمد نظرات حقد وحاده
قام فرد من العصابه الي كان اسمه صفوان وشاف بنات حلوات وراح يتغزل فيهم
البنات يحاولون يبعدون عنه وهذا لاصق فيهم
قام محمد وراح عنده
محمد:خيررر
صفوان :نعم
محمد:شايفك من بعيد تتغزل فيهم شتبي
صفوان :وانت وش دخلك
مسكه محمد:وش الي وش دخلك عيب استح على نفسك هذول زي اخواتك
صفوان :وانت وش دخلك
محمد مسك صفوان وقعد يضربه قامو العصابه وجو من وراهم عزام ونواف مسكو العصابه وودوها السياره
محمد مسك صفوان وكان بيروح فيه السياره
مسكته وحده من البنات
البنت:شكرا
محمد صاد  عنهم:عفوا يا اختي
البنت :ممكن سنابك
محمد عصب :خاطب يا اختي خاطب استغفرالله
مشى محمد وأخذ صفوان السياره وراحو للقسم
دخلوهم السجن ودق محمد على المحقق يحقق معهم بموضوع الي هربوه
~~~~~~~~~~
بعد10ايام
دقت ميار على ملاك
ميار :ملاك
ملاك :عيوني
ميار :مقدر اداوم بكره يا عيوني تعبانه
ملاك:سلامك يا قلبي تبيني اجيك
ميار :لا لا يا عيوني وملاذ بتغيب بعد
ملاك :ليش؟
ميار توترت:خوالها عندهم ومشغوله
ملاك :خلاص بغيب معكم
ميار:لا لا مشروعك ماسلمتيه بعدين مريم بداوم لا تسحبين
ملاك :صح يا ذا المشروع خلاص سلامتك بكلم عبدالملك ياخذني بكره
ميار :لا محمد بياخذك المدرسه
ملاك :لا لا بروح مع اخوي
ميار :لا بتروحين مع محمد
ملاك :لا
ميار :الا
ملاك :بنتفاهم بعدين
سكرت ملاك وراحت تقعد في الصاله
ملاك :دودي
عبدالملك :ها
ملاك :خذني بكره المدرسه البنات بيغيبون
عبدالملك :دقي على محمد انا طيارتي الساعه 5الفجر
ملاك :تستهبل
عبدالملك :وربي بروح مع مسفر
ملاك :وين
عبدالملك بتكبر:لندن
ملاك :ههههههه حلم ابليس
عبدالملك وراها جواله :شوفي طيارتي متى
ملاك فتحت عيونها:اخسسس دودي حركاتتت لندن
عبدالملك :ايه لندن
ملاك :دودي لا تنساني من الهدايا بليززز
عبدالملك:اعطيك عيوني بعد
ملاك :ابي مكياج سيفورا تكفى
عبدالملك:عيوني لك يا عيوني
ملاك :ولا تنسى ملاذ بعد
عبدالملك :افا انساك ولا انساها
ملاك :على زق حبايب وقذا ويعع
عبدالملك :اهجدي بكره تتزوجين وتحبين
ملاك :مستحيل وراحت غرفتها
دقت ملاك على امها
ملاك :ماميييي وحشتيني
ام عبدالرحمن:وانتي أكثر يا عيوني
ملاك:يمه متى راجعه اشتقت لتس
ام عبدالرحمن :توني رحت بسم الله
ملاك :ارجعي تكفين
ام عبدالرحمن :كلها شهر واجيك
ملاك :شهر كثير مامي
ام عبدالرحمن :خلاص يا عيوني
سكرت ملاك وانسدحت تنام
~~~~~~~~~~
عند محمد
جا بيدخل غرفته استوقفته ميار
ميار :محمد محمد
وقف محمد :شتبين
ميار :اسمع بكره بغيب ود ملاك المدرسه قلت لها اني تعبانه
رفع حاجبه محمد:ليش تكذبين مافيك الا العافيه يمديكم تقولين لها ما ابي ليش الكذب
ميار :ابيها تروح معك لحالها يعني. عشان العلاقه تقوي
عصب محمد ورفع سبابته:ميار شوفي الحركات هاذي لا تعيدينها فاهمه وبخصوص علاقتنا شيء مايخصك اتوقع قد تكلمت وقلت كلها سنتين ونطلق وماراح نحب بعض وش ذي التصرفات يا ميار
ميار :سلامات انا ما ابي كذا ابيكم تحبون بعض
محمد:اعيد واكرر مايخصك وماراح نحب بعض وبداومين غضب عنك
دخل غرفته وصقع الباب بقوه
ميار:يمه شفيه ذا
دخل محمد وانسدح على سريره :
حلوه ذي قال ايش قال احبها استغفرالله العظيم
~~~~~~~~~
نسوي سكب للساعه6
صحت ملاك وراحت تغسل وجهها وتصلي
خلصت ولبست مريولها وسوت ميكبها وطلعت
راحت بتفطر ولقت رساله من عبدالملك
قراتها وابتمست
ملاك :جعلي قبلك يا دودي احبك باست الورقه وطلعت
طلعت من البيت ولقت ميار بالسياره استغربت وهي تقول (مو ميار تعبانه ليش مداومه
ركبت السياره:السلام عليكم
ميار ومحمد:عليكم السلام
ملاك همست لميار:شفيك مو على أساس بتغيبين
ميار  :خلاص مافيني شيء الحمدلله طبت رجعت ملاك ورا وهي خايفه على ميار ناظر فيها محمد وقال
محمد:وانتي وين خاتمك
ملاك ناظرت فيه :وانت وش دخلك وبعدين لا ترفع صوتك علي
محمد:انكتمي ماني فاضي لك
ملاك:على أساس انا فاضيه
لفت تطالع في الشارع
وصلو المدرسه ونزلو البنات
دخلو البنات وفصخت ملاك عبايتها ولبست بلوڤرها الابيض
قعدت ملاك جنب ميار وينتظرون مريم
فجأه دخلت ملاذ
ضحكت ميار :شوفي الحيوانه مداومه
ملاك :شعندها
قعدت ملاذ:خلصت عزيمة خوالي وجيت
ملاك :ايوه ووش صار أمس
قعدو يسولفون البنات الي دق الطابور وقفو يسمعون الاذاعه
وخلصت وطلعو البنات فوق
راحت كل وحده فصلها
ميار :بنات وين شلة. سارا
ملاك :وانتي ايه مهتمه
ميار :ويعع لا
مريم :اف مادريتو
ملاك :وش
مريم :نقلتهم الوكيله الفصل الثاني
ملاك :تمزحين
مريم :وربي
ضحكت ملاك :فكهه
ملاذ:اي والله فكه
دخلت الاستاذه وأخذو البنات دروس
الحصه الخامسه
كانت فاضيه وكانو البنات يلعبون جكارو
تقدمو شله عند البنات
وحده من بنات الشله اسمها طيف
طيف :أجل تقولين لي هاذي
واشرت على ملاك
ملاك طالعت فيها وقالت :يا الليل الليل نفتك من شلة رقيه يجونا شلة سبيكه
ضحكو البنات وقالت طيف
طيف :الا شلون البيبي الي ببطنك
طالعت فيها ملاك وقامت
ملاك :وش تهبدين انتي
طيف مسكت شعرها وتلفه على اصبعها :اقصد انك مخطوبه
بنات الفصل بتهامسون أما مخطوبه ومن متى حرام لسا صغيره
ضحكت ملاك:هههه أيوه ووش فيها يعني
طيف :ويععع لاحقه الزواج انتي
ملاك :وش دخلك انتي وبعدين وش قصدك باليبي الي ببطني
طيف :اتوقع انك تطلعين معه وتسوين عمايلك معاه
ملاذ مسكت يد ملاك وقالت :ملاك خلاص طنشيها 
وقت الصرفه نادا محمد ميار سالم طلعو البنات وناظرت ملاذ وقالت :ملاك خلاص طنشيها
ملاك ضحكت:توتو ليش اطنش اكمل حديثي وطالعت بطيف
ملاك:والله حبيبي لو ببطني بيبي بيكون عادي حلال علي مو اروح من ورا اهلي واسوي فعايلي مثل حظرتك ولا اذكرك اتوقع مليون بيبي ببطنك
طيف توترت وطالعت فيها :ووش قصدك
ملاك:قصدي انك تطلعين مع عيال وتسوين فعايل حرام وانا اصل لو فكرت اطلع مع خطيبي بيكون بالحلال مو بالحرام
طيف :وطيب صوتك
ملاك :وليش اوطي صوتي متفشله أو ماتبين أحد يدري بفعايلك
طيف طالعت بملاك وراحت تبكي بالحمام
ملاك طالعت ببنات الفصل :آل ييدوس لي على طرف ادوس له على طرف وترا ايه صدق انا مخطوبه وزواجي بعد ثلاث سنوات الي تبي حياها الله وقعدت تكمل لعب
ضحكت مريم :اما عاد ثلاث سنوات
ملاذ:كذابه
ميار :بس والله قويه سكتيها
ملاك :هي الي أجبرتني اتكلم مو انا
كملو البنات اليوم وجا وقت الصرفه
نادا محمد باسم ميار سالم وطلعو البنات
ناظرت ملاذ بمحمد وقالت
ملاذ:ملاك يا سعد حظك
ميار :اي والله يا سعد حظها
ملاك :ليش
ملاذ :شوفي لابس لك اسود
ميار :وشماغ بعد
ناظرت ملاك بمحمد ولقته لابس ثوب اسود وشماغ ونظاره
ملاك :ويعع مسوي فيها كاريزما
ميار :حرام عليك والله حلو
وصلو البنات عند محمد
ميار :يا لبيه وريحته ريحة حطب بعد يا حظك صدق
ملاك :ويع اقول اهجدي
محمد:ما الومها مز انا
ملاك :الله يا الثقه الي مو محلها
ميار :والله انك اجمل رجل بالعالم
ناظرت فيها ملاك
ملاك:الووو انثبري قال ايش  قال اجمل واحد هاذا اخيس مو اجمل
محمد:الغيره اعوذ بالله منها
مشا محمد ومشو البنات وراه
تقدمت وحده من بنات المدرسه وناظرت في محمد
البنت :يا حظ زوجته مزيون
ملاك ناظرت فيها:ويعع وانتي تدورين رجال اذلفي
البنت شمقت وراحت
ملاذ :اويلي من الغيره
ملاك :وش غيره ويعع امشو بس
ركبو البنات بسيارة محمد
ووصلهم محمد بيوتهم وراحو ينامون
~~~~~~~~~~~
بعد ثلاث شهور
وصلو عائلة آل سعود الديره ونزلو
راحو البنات يسلمون على الجد والجده وقعدو
وكالعادة يقعدون ويسولفون جمعات عائليه
إيلام راحت تحظن ملاك
إيلام :يا حيوانه اشتقت لك
ملاك :وانا بعد يا عيوني
ايلان :والله وكبرنا وصرنا عرايس
ملاك ضحكت:كولي تبن
قعدو يسولفون وانتهى اليوم عند الجميع

انتهى البارت اعذروني اذا قصير بس
حاولت اطوله والبارت الجاي زواج ابطالنا وبخليه طويل
لا تنسوني من النجمه ⭐