#طريق_يؤدي_اليك
بسم الله نبدأ حكايتنا
.
.
.
.
.
.
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
.
.
يأتي غداً ……سيأتي غداً لا شك
تقولها أمي في كل مرة تلاحظ فيها
شحوب وجهي
وأنطفاء قلبي وزهدي في الحياة
.
.
.
.
.
.
.
ترنيم
__________________بين موت وولادات
هناك حياة١٧/١٠/٢٠٠٢
أحلى تاريخ مر بعائلتنة الصغيرة
بهاليوم اني جنت مستمتعة برجوعي للدوام
بعد نجاحي من الخامس
وعبوري للمرحلة الأخيرة
اللي تفصل بيني وبين حلمي وحلم ماما
بأكمال دراستي وبين اجتماعي
ويا زاد برابط الزواج
لازمة أوراقي الملونة بالغرفة
وأحاول اسطر مشاعري بورقة
معطرة ادزهة لزاد بيد شيماء وخالة
اللي بلغونة راح يجون العصر
تواعدت شيماء ونورس ولمى
يسون هاليوم يوم التعديل جابو
معدات ازالة شعر واصباغ وكل شي
يخص العناية بالبشرة
واجتمعو فعلا العصر
گعدنة بغرفة نورس القديمة وبدن
البنات عناية
نورس جانت بالشهر الأخير من حملهة
أما لمى فرغم العلاج والمحاولات
ورغم عدم وجود سبب يمنع حملهة لكن
مصار عدهة طفل
گاعدات مستلمات نورس أزالة شعر حتى
تتجهز لولادتهة بنهاية هالشهر
اني وبراء لازمين
لبن وخيار مخلين لوجهنة بنت شيماء تفتر
تلعب بالمكياج
وهوستنة مشتغلة
دخلت علينة خالة هي وماما بيدهن صينيتين
مليانات حبشكلات حتى نتونس
براء جانت بصفي نسولف عالسادس وصعوبتة
وخالة صاحت-اشششش اسكتن خل أحجي
سكتنة كلنة موجهين نظرنة الهة
-شيمااااء بلغي عمتج جايينكم ناس لبراء
براء فتحت عيونهة وصفنت
ندستهة بكتفهة-منووو جايج ولج
-والله ماادري سألي خالة جنة انت
-خاااااالة منوووو منو جاي لبراء
عوجت خالة حلگهة وحجت
-مرت أدريس ابن عمة كميلة شافتهة
بالعزة مال عمتي سودة بوجهي
تگول عجبتني البنية بس ردت تمر
فترة يلة نحجي بالموضوعحجت ماما
-يا صلووووات المن من ولد أدريس
-ليوسف الجبير
-أگلج جنان شسمة ابنة الثاني
-أسمى شعيب
أدريس ابو الخيس صار ابو الأنبياءهي گالت هيج وطگيناهة ضحكة
نورس سكرت من الضحك ولازمة بطنهة
شيماء ولمى يسكتنهة وهم يضحكن وياهة
فجأة اجتنة عيطة شيماء-وووووولج نوووورس عزة بعينج راح تجيبين
-لا ولج بعد
مااستوعبنة كلام شيماء الة لمن شفنة المي
اللي يجري جوة نورس
فزت ماما راكضة ناحيتهة
باوعت نورس لماما خايفة

أنت تقرأ
طريق يؤدي اليك
ChickLitوحيدة شجاعة بين الضعف والقوة تتأرجح بين رفض الماضي ومحاولة العيش في المستقبل تقبع حكايتها