يوم الدجن

Part 20

﷽

روايـة بقلمي : يـوم الدجن .
زهـراء محمد : زآزي .

"ما الشَمس إلا شُذرة من نَورِ وجهـُِك ياعَلي "

~~~~~~~~~~~~
رأيتُك في المنامِ اليومَ،حَيّا
ففاضت أدمُعي عِندَاللِّقاءِ
فجِسمي فوق الأرضِ يَحيا
وتَحيا الرُوحُ،عندك في السَماءِ".

سؤال : لو كأن اسمكم على أسم أكلة انتم تحبوها شنو راح يكون أسمكم🙊😂؟

عمري لاتنسون التصويت والتعليقات بين الفقرات 🤎 + متابعة الحساب لطفًا .

حساباتي
Instagram : zahr_aam2
Tik tok : zahraa_m24

طاحت بالارض بعد ما گالت كلماتها ألي نتبت بقلبنا ،
شهگو الموجودين من الصدمة محد مستوعب ألي دا يصير وكلامها ،
تقدم بُكير مقابيلي گعد رگبة ونص نتر بيها ،
بُكير :- شنو حامل ؟ منيننن حامل ؟؟

رفعت راسها عيونها حمر ،
رجعت نترت بي بنفس نبرة صوتة ،
سالي :- مو حامل مو حامللل بس أبوي مسوي اوراق مزورة مخلي بيها اني حامل .

گام من مكانة تقدمت خالة حضنتها وهيه تباوع علي وهوة يبادلها نضرات شك ،
مقلص عيونه عليها ويباوعلها كأنو مامصدگها ،
ضحك تك خد وأردف ،
بُكير :- منو يگول أنتِ فعلًا مو حامل ؟؟

أم بُكير :- بُكيررررر !
شهگت سالي منزلة راسها تبچي ،
حضنتها خالة تباوع الـ بُكير ما قابلة ،
تقدمت عليها جريتها من حضن خالة وحضنتها ،
بچت بحضني بقوة .

أمجد :- بُكير خالو شهل حچي مو وقتة .
بُكير :- خالي ماقصدت شي بس أحتمال ابوها مزوجها حامل شبيكمم وياي ؟!!
باوعت الـ سالي گامت من مكانها تمسح بدموعها ،
بدون ما تبرة نفسها وبدون ما تحچي حرف
طلعت من البيت !!

مشيت وراها أركض اريد الحگ بيها بس بسرعة طفرت راحت ،
راحو وراها فراس وعباس يركضون وهيه تركض بنص الشارع ،
البقية طلعو يشوفوها ويلومون بـ بُكير على كلامة ،
هوة واگف على الحايط يدخن ومقلص عيونة .