السلام عليكم غزيلاتي 🦌
وياگم الكاتبة فاطـمة الشمري
روايـة تجبر الرماد " الجزء الثاني" 🔥
صلو على محمد وال محمد قبل لا نبدي بالبارت
وحضرو النمنميات حتى تستمتعون ✨
واترككم مع الروايـة
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، في العالمين إنك حميد مجيد 🤍
ـــــــــــــــــــــــــــــــــــــــــــــــــــــــــــــــــ
" زهرة "
بلحضة اندفر الباب ودخلو تجمد الدم بعروگي بشوفتهم انعاد كلشي سووه بذيج اليلة شوفتهن بذيج الوجوه المعتمة والمخيفة خلتني انرعب ما حاسة على نفسي منبتة اضافري بذراعه اتوسل ما يعوفني
عبد الرحمن ـ بنتتت ال**** ولكككك انت منووووو
ما انطو مجال جان عمي عبد الرحمن وعبد القادر ووياهم حيدر ثلاثة الي مكروهين الي شايلين حقد بس الله يعلم بي
عمي ضرب آديب على وجهة واني انشمرت بالزاوية آديب ما سكت هجم على عمي عبد الرحمن يضرب بي حيدر اجة عليه شالني من شعري ورة الحجاب كال ـ
ـ كـ **** ولچ تشردييين من الحلال وترحييين على الحراااام ولج والله كتلچ بيديييي
مشاني لازمني من شعري عيطت اوخر بايدة وابجي ما اريد اطب ذاك البيت ما اريد اتعذب نفسأ وجسديأ ضربني راشدي قوي وكعت على ضهري عيطت متوجعة ما اشوف غير آديب دفر عمي بطنه واجة على حيدر ضربة بوكس على خشمة وكعة بالكاع
لزمة من شعرة وضربه بوكس والثاني والثالث كام عبد القادر يتطوطح خشمة يخر دم شال الخشبة يريد يضربة عطت انبهة التفت ما طاحت بي اخذ الخشبة منه وفلشها بنص راسة
عبد القادر ـ ولككك انت ياهوووو كوادهااا ولكك شرددت من عرسهااا عوفهااا ما الككك علاقة
آديب ـ ولوو براسكمم حضض واوادم ما تزوجوون جاهل انعل ****
دفرة بوجهة اباوع برعب كلهم بالكاع يتلوون هيئتة وضخامتة تخوف عبالك من هذولة الحرس الخاصة صاح عمي عبد الرحمن وهو لازم وجهة
ـ والله اشتكيي عليك والله اندمكك اصبررلي وانت بنت الكـ*** ذبحچ على ايددي
اتنفس برعب وحيلي كلة راح دا يكوم حيدر طلع آديب سلاح من جيبة فتحت عيوني بصدمة كال وهو يتنفس بعصبية ـ
ـ كوووم وشوف وين تناام الطلقة
عبد الرحمن ـ لااا دخيلك عووفه اخذهاا اخذهاا بس عووف ابني
ضل موجه المسدس عليه ومدلي ايده بدون لا يباوعلي تحركت بسرعة زحف شلت جنطتي ولزمت ايدة حيل نسيت الحرام والحلال ما جنت اضن راح ياخذني عبالي راح يعوفني الهم ما صدكت
