دامك زرعتي الحب بداخلي ورد انا ما ابي غيرك من الناس يسقيه

part22

صحت ملاك الساعه5العصر وفتحت جوالها وقامت مفجوعه
ملاك:ابك المدرسه بكره يا هجادي وأخذت لها ملابس ودخلت تتروش
خلصت شاور وطلعت دقت عليها ميار
ميار :ملاك
ملاك :لبيه
ميار :بليززز تعالي عندنا وحشتيني
ملاك ضحكت :امداك
ميار :والله الشوق طاغي بليز تعالي عندنا
ملاك :والله راحت علي نومه وتوني اصحى ودخلت اتروش
ميار:خلاص اذا روقتي تعالي
ملاك :ملاذ وينها عندك؟
ميار :ايه وبتنام عندنا وبنروح المدرسه سوا
ملاك :امداكم تخططون ماشاءالله
سكرت ملاك وجتها رساله من شركة شي أن مكتوب فيها :
عزيزتنا ملاك سعود نعتذر عن توصيل طلبك اليوم تعطلت الشاحنه وسوف نصلها بكره حظا سعيدا
ملاك فتحت عيونها :خيررر اداوم بيدي انا
حطت جوالها وقعدت تفكر وش بتاخذ بكره
طلعت عند امها
ملاك :يمه
ام عبدالرحمن :هلا
ملاك :يمه حبيبتي روحي قلبي حياتي كل شيء بدنيتي انتي حلوة ايامي ومتعتي انتي الاجمل لا محاله انتي مخاذه زين البنات كلهم يا بخت من خذاك ويا بخت من صرتي له حلال ملاك فكرت :لا امي متزوجه وش يا بخت من خذاها فكري زين وطلعت بأمها وكملت :انتي سندي انتي نصفي الثاني يا بعدهم كلهم يا سعود ما بعد زيــ  قاطعتها ام عبدالرحمن :خلاصصصص وش تبين اعرف مصلحه
ملاك :يمه لا تفهميني صح
ام عبدالرحمن:وش تبين
ملاك :يمه برروح عند ميار وبنام عندهم وبروح المدرسه من عندهم بليز ماما
ام عبدالرحمن :وشوله مابباقي على زواجك وتروحين عندهم
ملاك تقلبت ملامحها:ماما ترا مو كل مازانت الجلسه ذكرتني خلاص ترا طفشت اعرف اني بروح واعرف اني بتزوج خلاص
ام عبدالرحمن:اسفه يا بنيتي طلعت بالغلط
ملاك :يعني اروح مامي
ام عبدالرحمن:ايه نظفي البيت بعدين خذي اغراض المدرسه معك لا تنسين
ملاك باست امها على رأسها :ابشري بخلي الأرض نظيفه وتلمععع من كثر اللمعان تشوفين وجهتس في الأرض
يلمع
ام عبدالرحمن ضحكت :روحي روحي تكفين
راحت ملاك ودقت على ميار
ملاك:ميار امي وافقت اني اجي عندك بنظف البيت واجيكم
ميار :يسسسس كفو بس وين عمي سعود
ملاك :ابوي سافر ابها خويه تعبان
ميار :أها
ملاك :ميمي تخيلي
ميار :وش
ملاك:بقولك اذا وصلت عندكم
ميار :طيب
سكرت ملاك ولفت شعرها فوق على شكل كعكه وربطت الطرحه على رأسها ولدت تشتغل في البيت
ام عبدالرحمن :يمه ملاك بروح عند ام مسفر بطول عندها اذا طلعتي عند عمك سالم سكري الباب زين طيب
ملاك :طيب يمه وين دودي
ام عبدالرحمن:عبدالملك راح مع خويه وعبدالرحمن عنده شغل انتبهي لنفسك ولا تفتحين لأحد الباب
ملاك:طيب
راحت ام عبدالرحمن وكملت تنظيف ملاك راحت ملاك حوش الرجال وكان كبير مره نظفته ملاك وهي تنظف دق الباب
جت ملاك عند الباب :مين
محمد:انا محمد
ملاك :وش تبي
محمد :ابي خالتي سمر
ملاك:ماهي موجوده
محمد:طيب افتحي هي قالت اوصلك بيتنا
فتحت ملاك الباب ودخل محمد
شاف شكلها وطاح ضحك :هههههه علامتس تسذا كنتس شغاله
ملاك :ههه سخيف ذبيت خلصت يلا انطق بالمجلس الين اخلص ونروح
محمد:شفيها حرم محمد معصبه
ملاك ناظرت فيه وشمقت :اقول انكتم لا اكتمك انا
محمد :طيب وقعد على الدرج حق المجلس ينتظر ملاك
ملاك وهي تنظف تذكرت أنهم بيطلبون ولفت على محمد وتناظره نظرات شر
محمد :خير
ملاك تقدمت عنده :محمد أنشهد انك  رجال انشهد انك فزعه انشهد انك ولد عم كفو وولد رجال انشــ قاطعها محمد
محمد:اخلصي شتبين
ملاك :اسمع بكره بنهرب اكل بليز جب الطلب
محمد ضحك :اما عاد تهريب اكل
ملاك :ايه بليز جب لنا
محمد:طيب من فين طلبتو
ملاك :طلبنا من*****
محمد :خلاص ارسلي الموقع
ملاك :ليش ارسله دق على ميار ترسله لك
محمد:يعني ماسجلتي رقمي
ملاك :اكيدد
محمد :اوريككك
ملاك لفت عليه :ههه خفت وش بتسوي مثلا يا ورع يا مـ  سحبها محمد وقربها منه
محمد:الحين اوريك وش اسوي
ملاك :لا لا امزح ابعد عني وراي شغل
محمد:أها وراك شغل
ملاك :اي والله ابعد عني
محمد:بس شغلك معاي
ملاك :شقصدك
محمد:بتعرفين قصدي
وقرب منها وملاك غمضت عيونها خايفه وهو يقرب محمد بعد عنها وراح يركض وهو يضحك :ههههههههههه يا خوافهههههه اخخخ مسويه فيها انا قادحه ام ام سعود انا مدري ايش هههه خافت اول ماقربت منها
ملاك:وجععع مايضحك وكملت تنظيف خلصت وقالت
ملاك :انتظرني هنا بروح البس واجيب اغراضي وارجع لك
محمد:طيب
راحت ملاك ومحمد طلع سيجاره وبدأ يدخن
رتبت ملاك اغراضها وطلعت
ويوم طلعت شافت محمد :يلا مشينا
محمد لف عليها وضحك :اما عاد منحاشه من بيتكم انتي وش ذي الاغراض
ملاك تكلمه وهي موطيه راسها ترتب شنطتها:لا بس بنام عنــ رفعت راسها لقت محمد يدخن
برد وجهها :اما عاد تدخن
محمد :مو كثير نادرا
ملاك وصوتها يرجف:أها بس تراه مضر
محمد:اعرف بــ تذكر ماضي ملاك ورما السيجاره
وقال :ما أدخن كثير الصدق بس احيانا اذا تضايقت
ملاك :يا حيوانننن شلها توني منظفه
محمد ضحك :نسيت اخذها ورماها بالزباله وطالع ببيتهم
محمد:ماشاءالله بيتكم كبير ولا دخلته ضعت
ملاك:قول ماشاءالله بعدين اول مره تشوفه يعني
محمد:لا بس بيتنا اكبر
ملاك :اقول امش بس أمش
راحت ملاك تطفي انوار البيت
وطلعت مع محمد
مشو وكان البيت يبعد عشر دقايق مشوو وملاك لفت ولقت معتصم  مجنون الحاره
ابتسمت ملاك:الله خوييي وحشني
محمد:منهو خويتس؟
ملاك : شوففف معتصمم 
تبي تروح مسكها محمد:هييبي وين رايحه
ملاك:بسلم عليه
محمد:مجنونه
ملاك :لا
محمد بحده :امسكي ارضتس يامره عيب تسلمين على رجال مو محرم لتس
ملاك :حرام عليك والله طيب
محمد:امشي
مشو ووصلو البيت ودخلت ملاك وقبل تدخل سحبها محمد
ملاك:خير
محمد:ملك اسمعيني مو انا وعدتك تكون بينا مسافه
ملاك:انا ملك؟؟
محمد:ابي اناديك كذا عادي
ملاك :طيب وش تبي
محمد :بوريك غرفتي وبوريك شلون مساحتها كبيره ومنها تختارين الاماكن الي تعجبك
اخذها محمد ودخلو الغرفه طالعت ملاك ولقتها كبيره مره
ملاك :ماشاءالله حلوه
محمد:اسمعيني المكان هاذا لي وهذا لك وبدأ يكلمها محمد وملاك تسمعه واتفقوا
طلعوا من الغرفه
محمد:خلاص كل شيء كويس
ملاك :ايه
راحت ملاك عند ميار  ودخلت
ملاك :هيلوووو. قايزززز
نطو البنات يحظنونها
ملاذ:عمى وحشتيني
ميار :وحشتينا كلنا
وقعدو يسولفون
وقالت ملاك
ملاك :بناتت في شيء
ميار :وشو
ملاك:طلبيتي بتوصل بكره مو اليوم
ميار :شلونننن
ملاك :وربيييي اتصلو علي
ملاذ :خلاص عادي يعطيك من اغراضي
ملاك :السالفة مو كذا السالفه انو بيوصلونها الساعه 9الصباح ولو مارديتي عليهم بيكنسلوها
ميار :طيب والحل
قعدو البنات يفكرون ونطت ملاذ
ملاذ:لقيتها يا بنات
ميار :وشو
ملاذ:ملاك عطي محمد الفلوس وارسلي للرجال الموقع ومحمد بياخذ طلبك واذا خلصنا دوام يعطيك ياها
ميار :صححح
ملاك :لا لا فكرو بعد
ملاذ :ماعندك الا هاذا
ملاك :يا ربي خلاص طيب
تمر الساعات وتعشو البنات ونامو
~~~~~~~~~~~~~
بمكان ثاني
دق عزام على محمد
عزام:عاجل عاجل القائد محمد
محمد:معك معك
عزام:مالك وعصابته هربو
محمد قام:كيف
عزام:نعم
محمد:بجيكم بجيكم
طلع محمد من مكتبه وعلى السياره هو ونواف
وصلو ولقو عزام
محمد:متى هربو
عزام :دخلت ولقيت الحراس مخدرين
محمد:كيف كذا وكيف استطاعو يهربونها وهم بالسجن
عزام :بدأنا بالتحقيق
محمد راح يدور على مالك وعصابته ودق عزام
عزام :عاجل عاجل
محمد:ايوه
عزام:لقينا مكانهم
محمد:يلا جاي
حرك محمد وراح عند عزام
عزام :سيدي بيتواجدون اليوم الساعه 9الصباح بيوصلون طلبيه
محمد:وش نوع الطلبيه
عزام:طلبيه جايه من الصين
محمد تذكر ميار يوم قالت له «ملاك بتجيها طلبيه ولازم تستلمها»
محمد :ابك انا ولد ابوي
عزام :وش توصلت له
محمد:فيه طلبيه خاصه فيني بتوصل اليوم ونفس التوقيت الي انت ذكرته
عزام :طيب والحل
محمد:عندي خطه رسمتها
مالك بيسلم الطلبيه بعدين بيروح كوفي*****
عزام:طيب
محمد:بنكون متنكرين انت ونواف بتلبسون نفس الي يشتغلون بالكوفي  ولازم الكمام تلبسون لأن بيتعرفون عليكم
وانا بجي على أساس زبون وبكون لابس ثوب ابيض بس يغطي وجهي ووقت اعطيكم اشاره تهجمون
عزام:طيب بس عددهم كبير وحن ثلاثه
محمد:لا تخاف بدق على النقيب تركي يجهز الفريق
عزام:تمام
محمد:موعدنا اليوم الساعه 8الليل
عزام :طيب والي الساعه 9
محمد:مالك راح يسلمه بنفسه يعني عصابته ماراح تكون موجوده وبنقبض عليه وبعدين ننفذ خطتنا
نواف :خلاص تمام تبي أحد يجي معك الساعه 9بكون متواجد لحالي وإذا قبضت عليه بدق على عزام
نواف :حاضر دقو التحيه نواف وعزام وطلعو
محمد قعد ماسك راسه ويفكر وش بيسوي مالك وهل بيكون سبب  لأذية ملاك ومتوعد فيها كان ماسك راسه وراح البيت ينام
الساعه 6الصباح قامت ملاك وراحت تغسل وجهها وتصلي الفجر خلصت وصحت البنات وراحو يغسلون ويصلون طلعو البنات يلبسون وتكشخو وخلصو طلعو البنات بيروحون يفطرون
ميار :بنات تتوقعون محمد جاب طلبنا ولا لا
ملاك :مدري
طلعو البنات ولقو محمد لابس بدلته العسكريه ويتكلم بجواله
قعدو البنات يفطرون قفل جواله محمد وجا بيطلع من الباب واستوقفته ميار
ميار :محمد جبت طلبنا
محمد:اي طلب ؟
ملاذ :شفيك طلبنا
محمد:لا ماجبته
عصبت ميار :وليههه أن شاءالله
محمد استغفر :اقعدو بفهمكم قعدو البنات وملاك مطنشه الموضوع وتفطر
محمد:يا بنات في طلبيه جايتكم من الصين ؟؟
ملاك :ايوه انا
محمد:اسمعي انا عندي مهمه والي بيسلمك هاذي الطلبيه واحد من افراد عصابه هربو من السجن
ملاك :كيففف
محمد:الي سمعتيه فأبيك تتعاونين معنا عشان نقدر نمسكه
ملاك :وش المطلوب مني طيب وكيف اقدر اساعدكم
محمد:يا سلام الحين انتي فاهمه اسمعي انا بستأذن لك الساعه 9طيب ويوم بستأذن لك بنروح مكان الي بيوصل فيه الطلب وانتي بدقين على الشخص ويجي يوصلها لك وهو ليحاول يخطفك لأن انتي هدفهم الأساسي وحن بنقبض عليه
ميار:محمد استأذن لنا حن بعد
ملاك :لحظهه اششششش ليش انا هدفهم ؟مافهمت
محمد غمض عيونه:لأن الي بيسلم الطلب مالك ولازم قلبك يكون قوي وماتخافين
ملاك طالعت فيه :مالك مو مسجون
محمد:هرب
ملاذ طالعت بملاك :ملاك تكفين انتبهي لنفسك
محمد استأذن لنا بعد تكفى ما ابيها تكون لوحدها
محمد:ايه انتم بعد نبي مساعدتكم بعد انتي يا ملاذ بعطيك س***لا*****ح وإذا حاول يهرب حطيه على رأسه وانتي
ملاذ :تممم
محمد:تعرفين تستخدمينه
ملاذ:ايه لا تخاف عمي عمر كان يعلمني
محمد:وانتي يا ملاك إذا ملاذ حطت السلاح على رأسه بعد انتي وجهيه قدامه
ميار:وانا وش اقدر اساعد فيه
محمد:اذا مالك حاول يتذاكى علميني اي حدث بسيط تلاحظينه علميني لانه بيكون شيء كبير بالنسبه لنا
ملاك كانت ساكته وتحاول تقوي قلبها لأنها بتقابل شخص ماكان شخص عادي كان شخص هي تحبه وعاشت معا شهورر خلصت فطورها ولبست عبايتها وطلعت طلعو البنات قبلها وجا محمد مسكها
محمد:ملاك كوني قويه وإذا شفتيه اعتبري انو اول مره تشوفينه
ملاك:أن شاءالله
محمد:ولا تفكرين بالموضوع زياده
ملاك :طيب
مشت ملاك وركبت السياره وأخذهم محمد على المدرسه
دخلو البنات المدرسه وكانو يسولفون ويضحكون
قابلو مريم وحظنوها وكملو سوالف
دخلو الفصل وطالعت ملاك ولقت شلة سارا موجوده
لفت ملاك على ملاذ :ويععع وجيه تسد النفس
ملاذ:اي والله
راحو يقعدون وشلة سارا يطالعون ويشمقون
اخذو دروس وجت الفسحه كلهم نزلوا الا البنات قعدو بالفصل كانو يسولفون وخلو شلة سارا تقدمت سارا عند ملاك
سارا:وش عندك تناظريني من اليوم
ملاك كانت متكيه على ملاذ وقامت
ملاك :انا ويع ماباقي الا ذي الاشكال أطالع فيها
تقدمت خوية سارا :هي احترمي نفسك
ملاك تطالع فيها
ملاك ضحكت :ههههه وانتي الحين بتجين مسويه تدافعين عنها توكلي بس
سارا :ايه تدافع عني وش فيها ولا خايفه منا عشان قويات
ضحكت ملاك ضحكه قويه :اخخ بطني بنات سمعتو شتقول حبيبتي اهدا من كذا انتي اذا خوياتك ماكانو معاك لسانك ينبلع فجأه عن الهياط حبيبتي
ملاذ:ويعع مافي شخصيه
ميار :اي والله قال ايش قال نخاف يا ربي
سارا :ويععع ويععع متكبرات على وش ما ادري مسويات فيها مسترجلات كل مارحتو مكان تسترجلون
ملاك :عمري الي يراقبنا وضحكو البنات
جت خوية سارا تبي تضرب ملاذ ومسكت يدها ملاك
ملاك :يدك هاذي اكسريها ولا انا بكسرها يدك هاذي ترتفع على بنات آل سعود اعفطها لك
سارا:ويعع من وينكم عاد قال ايش قال آل سعود والطقعه فيكم
ملاك لفت عليها ولفت البنات ورفعت اكمام قميصها
ملاك :كنها سبتنا يا بنات العم
ميار :ايهه
ملاك :نهجم
ميار :اول يوم لكن تستاهل الضرب
وبدو يتضاربون هم وسارا وفكو بينهم البنات راحت سارا الحمامات تظبط شعرها والدمعه بعيونها
قعدو البنات
ملاك :مابقى الا هي ورعان آخر زمن
خلصت الفسحه والكل رجع فصله
وكانت سارا معها قهوه وكانت تمشي بالفصل
جت وتعمدت تكب القهوه على ملاك كبتها على قميص ملاك
وقامت ملاك :عمى لهدرجه ماتشوفين
سارا:اوبسس سوري
وراحت وهي تضحك
ملاك :سخيفه
ميار:قومي اجلديها
ابتسمت ملاك وهي تناظر سارا :لا شغلها عندي انتو ترقبوا بس اخذت لبست بلوڤرها عشان تغطي القهوه وأخذت الشاي وراحت تكبه على شعر سارا ومريولها
قامت تصيح سارا:وجعع خيررر
ملاك :اوبس ماشفت سوري
سارا:والله لاعلمك
وجت بتضربها بس ماقدرت قامو كل الشله يتهاوشون ونطو ميار وملاذ معهم مريم قعدت قالت ما ابي مشاكل وبدو يتهاوشون واخذتهم الاستاذه عند المديره
قامت المدديره :نعم نعم خير هاذا وهو أول يوم
ملاك :تقص لسانها وابشري ماراح تشوفين وجهي
سارا :مو انتي الي تقصينه تخسين
المديره:بنتتتت
ملاك:عفوا اسمي ملاك مو بنتتتت
المديره:وتراددين بعد
ملاك :ما ارادد انا أعلمك
المديره:جيبي رقم ولي امرك
ملاك :لا تعبين نفسك مسافر
ميار :استاذه عادي اروح الحمام
المديره:لا احلفي مسويه مشكله وتبين الحمام
ميار :وش دخل امبيههه
المديره: بسسسسس انكتمي هاتي رقم ولي امرك
ميار همست لملاك:بعطيها رقم محمد
ملاك :تم اصلا كذا ولا كذا بيستأذن لنا
أعطتها رقم محمد ودقت المديره على محمد
~~~~~~~~~~~
عند العيال كانو محمد ونواف قاعدين يسولفون ودق جواله
محمد ناظر :رقم غريب
نواف :رد طيب شوف شعندهم
رد محمد وقال :الو
المديره:الو انت ولي أمر الطالبات ميار بنت سالم وملاك بنت سعود وملاذ بنت خالد
محمد :اي نعم
المديره :معك المديره الطالبات تعدو على زميلتهم وكبو عليها شاي ونتمنى انك تحضر عندنا
محمد :طيب يلا جاي
سكر الخط
نواف :وش فيه
محمد :تخيل يا صاحبي صرت اب ومستدعيني عشان بناتي مسوين مصيبه
نواف :منهم
محمد:في أحد غير الثلاثي المرح وبعدين انا قلت بستأذن لكم وهم جابو العيد
نواف:وش مهببين
محمد :متهاوشين مع وحده وكابين عليها شاهي
نواف طاح ضحك :هههه شاهي مره وحده
محمد:بزران يلا بتمشي معك
نواف :اكيد عشان المهمه بعد شوي
محمد :صح نسيت يلا مشينا
مشو للمدرسه ووصلو
اتصل محمد على المدرسه وقالت له يدخل الساحه الخارجيه
~~~~~~~~~~
عند البنات
المديره:يلا اطلعوا ولي امركم وصل
ميار :يا ويلنا يا سواد وجيهنا
ملاك:يمههه الخيزرانه بتجي على ظهري
ملاذ :ميار يمه اخوك كذا
ميار :وأكثر بعد
المديره :وش تتهامسون فيه يلا ولي امركم ينتظركم
طلعت البنات وهم متجاهلين محمد
محمد:وش مسويين
ملاك رفعت يدها على عيونها :بنات مو كأن الجو حلو
ميار :ايه مرههه يجننن
ملاذ :قودد الصراحه
محمد يطالع فيهم :تستعبطون
ملاك ناظرت :اوهه انت هنا
محمد:لا بالمشتري
ميار :غريبه وش تسوي بمدرسة البنات
محمد:ابد جيت اصيد حلوات
ملاك ناظرت فيه :لا روح مدرسه ثانيه بنات ذي المدرسه خايسات مرهههه
ميار:يابزرررر ماتغارين على زوجتس
طلعت ملاك المصاصه تلحسها:لا
ملاذ:ماتعرفين الرومنسيه انتي
ملاك:خليتها لكم
محمد:خلاص امشوو
ملاك:اذا تكلــ قاطع كلامها لما شافت بنت طالعه الساحه
ملاك شافتها وسحبت محمد والبنات معها وتخبو
ملاك :محمد لف وجهك لا تناظر فيها
محمد:ليه
ملاك : البنت منقبه مو اي احد يشوفها لا تناظر
ميار وملاذ يناظرونن بالبنت وملاك معهم ومحمد يطالع بشعر ملاك الي على يدينه قعد يتأمل شعرها ومبتسم يسحب شعرها يشمه
طلعت الطالبه وجت خويتها معها
خويتها:هلا والله بالحب
الطالبه:ارحبييي كيف خلتك الاستاذه  تطلعين
هويتها:كل شيء لعيونتس
ملاك بهمس:يعع يفشلون وش ذا
ميار بهمس:هييي شوفي وش طلعت
طلعت الطالبه دخان وبدت تدخن و الثانيه معها فيب
ملاذ:عمىىى وش ذي الاشكال ريحته تمغث
ملاك لفت على محمد:يا الحكومه البنات يدخنون سو لهم تم القبض
محمد:مقدر هم بنات لازم يجون شرطيات
ميار:شدخل يا بنت تراه دخان عادي
ملاك: يعع استغفرالله
رجعت ظهرها يلصق بالجدار وتطلع جوالها
محمد:جايبه جوالتس
ملاك:ايوه
سحبه محمد:فاضي انا زوجتي تبلع تعهد
ملاك:ماني زوجــ قاطعها لما قرب منها وقال :غصب عنتس تجترميني وباسها على خدها
ملاك انصدمت وبعدت عنه:ولدد بعد عني يا حيوانن ترانا بالمدرسه لفت على البنات ولقتهم مركزين على الطالبات وماركزو تنهدت ورجعت ظهرها من جديد:تعودها صفقتك
ضحك محمد وسكت يوم سمع البنت تتكلم
الطالبه :تعرفين ملاك بنت سعود؟
خويتها:اي صف
الطالبه :ثالث ثانوي 1
خويتها:اييي يا بنت يلعنها صاروخخخ
الطالبه :وين صاروخ خايسه راعية مشاكل وشايفه نفسها
ملاك فزت وبعدت ظهرها عن الجدار:ابك انا بنت ابوي  انا شايفه نفسي اوريتس  جت بتروح عندها مسكتها ميار :اهجدي توك كاتبه تعهد
ملاك :خير تطلع عني اشاعه
محمد يناظر بملاك وابتسم همس بسره:والله انتس عسل
كملت الطالبه :وكل شوي انا بنت سعود انا بنت آل سعود طيب وش نسوي لك ارقص لك من زين نسب اهلك عاد
ملاك :هييي لاااا هنااااا ستووبببب شايفه نفسي عادي لكن اهلي نو راحت تبي تتهاوش معهم ومسكها محمد حطها على الجدار وهو قدامها
محمد:بتهجدين
ملاك:ابعد عني
محمد مسكها من يدينها
محمد:اهجدي
ملاك غمضت عيونها :محمد ابعد عني
محمد:وش بتسوين فيها
فتحت عيونها :خير تسب اهلي وتبيني اسكت سلامات
محمد:اسككتي علشاني
ملاك :لا والله ومين تكون علشان اسكت
شد عليها :زوجك وقبل اصير زوجك ولد عمك
ملاك غمضت عيونها :استغفرالله طيب خلاص خل نطلع من المدرسه وابعد عني
بعد عنها وملاذ وميار يطالعون فيهم
نظفت ملاك مريولها من التراب
ملاك :افف تراب وهاذي بوريها شغلها بعدين هي والي معها تقول عني صاروخ تحسبني شاورما اوريـ  ناظرت في البنات وهم يناظرونها مبتسمين
ملاك:شفيههه
ميار طالعت ملاذ :الله شفتي شلون مسكها
ملاذ طالعت فيها :ولا يوم قعد يهديها
ميار امسكت يد ملاذ تنطنط:ولا يوم حشرها بالزاويه وقعد يكلمها
ملاذ تنطنط معها :ولا يوم قالها علشاني
ميار :وين قال انا زوجك الله
ملاذ:اخخخ  بيصيرون بنت الثانوي والعسكري
ميار :اخخخ يجننون
محمد وملاك :مايضحك امشو
ميار :ويتكلمون مع بعض كمان. يا ربي
ملاك :ويعع بسرعه امشو المهمه بتبدأ بعد شوي
لمحو البنات رجعت داخل وركضن للباب يطلعن هن ومحمد
نواف :خيررر وينكم موتني البرد
ملاك :محد قالك تطلع من السياره
نواف :مهبل انتم من اول يوم تعهد
ميار :شنسوي عاد هاذي حياة الثانوي
محمد:امشي وإذا رسبتي لا تصيحين
ملاك:افااا حفيدات سعد مايصيحون عشان تعهد
محمد:الله يرزقني برودتس امشي
دخلو السياره وحركو لموقع الي بيقبضون مالك فيه
نزلت ملاك وتقدم عندها محمد
محمد:قوي قلبك انتي بتوقفين تستنينه
وهو بيجي
ملاك :طيب
اعطاها محمد السلاح:اذا حسيتي أنه بيهجم عليك اطلقي عليه فاهمه ولا تخافين
ملاك اخذت السلاح :تمام
راحت ملاك والباقي تخبو
دقت ملاك على مندوب الطلبيه الي هو مالك
ملاك:الو
مالك غير صوته :موجود
ملاك :وصلت الموقع وينك ابغى طلبي
ابتسم مالك :جاييك يالله
وقفت ملاك وتخبي السلاح بجيبها حق ودقت على ملاذ
ملاذ :ها
ملاك :اسمعي لا تطلعون على طول بوجهه السلاح وبتكلم معه وإذا رفعت السلاح تعالو بعد دقيقتين
ملاذ :طيب
وقفت ملاك وهي تقوي قلبها على مواجهة مالك
اجا مالك وكان متلثم
وصل وقال :هاذي طلبيتك
ملاك طالعت في الطلبيه ولقتها مو حقتها ما أعطت ردة فعل عشان مايشك
ملاك ابتسمت :ايوه هاذي شكرا تبي الفلوس كاش ولا شبكه
مالك ابتسم :كاش
ملاك خت بتاخذ الطلبيه ومسك يدها
بعدت ملاك يدها :وخر
مالك وخر بالتلثيمه حقته
وملاك تناظره
مالك :هلا بالحب
ملاك :وش تسوي انت هنا
مالك :جاي اشوفك الا وين حبيبك حمود ما اشوفه معك
ملاك ابتسمت :ووش عليك انت منه
مالك:محد موجود هنا الا انا وانتي واي شيء بخاطري بسويه جا بيخطفها بعدت ملاك ورفعت السلاح
مالك أنصدم :ههييي نزليه ماينمزح معه
ملاك ضحكت :جاي تعلمني انت عن السلاح ؟
ترا عارفه خططك وعارفه كل شيء وعارفه انك هربت من السجن وجمعت عصابتك بس اليوم ماراح تروح من يدي
وبعدين بعدين اذا بتفكر توصل طلبيه وتكون ذكي الطلبيه اول شيء مو حقتي والي يثبت هاذا الشيء الاسم خلك ذكي شوي
طالع الاسم ولقاه اسم رجال من عائله غير عائلة ملاك
محمد أنصدم وهمس لنواف :يا ولددد ماخططنا كذا شلون
ميار بهمس :عشان تعرف الي بتتزوجها مو غبيه وتفهم
محمد:والله بطله
كملت ملاك :ترا انا مو زي فلانه وعلانه تضحك عليها انا بنت رجال علمني على القوه واني ما اخاف من أحد وعلمني اكون ذكيه انا بنت رجال فاهم ايش معنى رجال انا بنت رجال وحفيدة رجال وزوجة رجال رجال بمعنى الكلمه وفي الاخير تجي انت وتخدعني ههههه ضحكتني الصراحه
مالك ضحك:ههههههههههههه مسويه ذكيه علي يعني
ملاك :ايه واذكى منك بعد
قرب مالك وصرخت ملاك :مكانككككك
قامت ملاذ وجت ورا مالك ورفعت السلاح :انت مين سمح لك وكيف سمحت لنفسك تكلم اختي ومين سمح لك تلعب عليها وتهددها لف مالك وتوهق :وانتي ميننن
ملاذ ضحكت :انا بنت خالد وإذا ما تعرفه اسأل عنه
اجا محمد ورفع السلاح وكذلك نواف
محمد:مالك لا تتحاول تتذاكى لأن خلاص مسكناك ومافي مهرب
مالك يناظر فيهم :غشششش والللههه غشششش
ملاك :بأختبار حن عشان تقول غش
نواف كتم ضحكته وهمس لمحمد:زوجتك جلاده
محمد:انكتم
ملاك :مثل ماعذبتني اخليك تتعذب مثلي وتذوق من نفس الكاسه وتخليك تتمنى الموت
ميار لاحظت أن بجيب مالك سكين ويبي يطلعه
طلعت الجهاز وقالت:محمد عاجل بجيبه سكين ويبي يصوبه اتجاهك
محمد :طيب
راح محمد وبحركه سريعه مسك مالك من ورا وقال لنواف
محمد:نواف طلع السكين من جيبه
نواف جا وطلعه
دق محمد على عزام :قبضنا على واحد من العصابه جب الدوريه
عزام :تمام
اجت الدوريه وأخذت مالك
محمد:وانتو يالله امشو البيت
ملاك مشت
ميار جت وحظنتها :إذا زعلانه على طلبيتك بنعوضك
ملاك ابتسمت :لا عادي
تقدم محمد على الكيس الي كان مع الك وكان كله مخدرا*** اخذ الكيس وأعطاه نواف يأخذه للقسم
تقدم محمد عند ملاك :ملاك
ملاك :ها
محمد :ترا جبت طلبتك
ملاك طالعت فيه :صدق
محمد:ايه تراها بالسياره
ملاك راحت للسياره وطالعت ولقت طلبيتها فرحت
رجعت لمحمد: شكراااااا مرههههه شكرااا فيها اشياء انا ابغاها مرره شكرا
محمد:العفو يالله مشينا البيت
ميار :اوهههه اليوم مليئ بالرومنسيه
ملاذ:بنات الثانوي والعسكري
ملاك :على زق مشينا البيت
حركو للبيت وصل محمد البنات وراح للقسم

انتهى البارت حبايبي  وعشان السحبه طولت البارت لعيونكم
قعدت يوم اكتب ذا البارت ادور احداث
ولعيونكم وصلت البارت الين رقم ٣١١٨
لعيونكم مين قدي بس 😌
باي حبايبي قلبي ولا تنسون النجمه الله يسعدكم ⭐

الكاتبه :جيلان العتيبي ✍🏻