مساء الخير ♥️.
#الحُب_المجنون.
تصويت+مُتابعة للحساب.•بـلسـم•
شيبت ڪبل الشيب لو شايب شلون ؟.
يمڪن سواد العيـن يصيࢪ ابيض اللون.انصدمت من السمعتة وضليت اطفر من الحماس والفرحة ماسايعتني.
اسمع ماما تكلها بصدمة.
روان:- عفوا خيه شنو؟.
أردفت هيه بنفاذ صبر والله ودي اكوم اكتلها.
ام راكان:- جايين نطلب ايد بلسم لراكان على سنه الله ورسوله.
مهند:- جيتكم على راسي والله بس الرئي يضل للبنيه وان شاء الله جم يوم ونردلكم خبر.
هزت راسها وهمه راحو واكيد راكان يتركني بحالي؟ تو مستحييلل.
غمزلي ورفع اصبعه عود مال حلقه غميته واشرت بالرفض وهو طنگر.
ضحكت ودخلت لجوا وصاحوني واني ماعبالك هستوك الي تكمز من الفرحه هسه وحده خجوله وعينها بالكاع.
دخلت للصاله كاعدين امي وابوي والتوأم يباوعولي صگر يباوعلي صفح واشهم عيونه مدمعه وايهم مسح دمعه من عنده يااا شبيهم اول مره انخطب؟.
كعدت وجرني بابا بحضنه باس راسي وهز كال.
مهند:- اكيد سمعتي الكالته عمتج ام راكان ونريد ناخذ رائيج بنيتي.
دنگت افكر دخلت لعقلي واني احاول اربط الاحداث وهل موافقتي راح تكون زينه لو لا رغم حُبي اله بس ممكن يكون موزين الي؟.
هسه شجاي تحجين بلسممم دفضيها وكولي اي صخونه مال حصونه مسويه روحها ثگيله .
صگر:- حتلو هيه موافقه مانطيها وراكان اجسرلو رچلو وحلكو شلون يطلبها مني؟.
باوعله ابوي وخزره.
مهند:- شبيكك ابو رچفه غير اجه نصيبها شلون بلا وتعال ولك تروح تكسر الولد عليششش؟.
صگر:- خال عينه على اختي.
ايهم:- ومن زينها عاد جنها قرد هيه وصوتها الجنه صرصر مسحوك.
باوعتله صفح وهو حك راسه ويصفر كأنو ميشوفني.
بلسم:- عاد قرد ولا غوريلا وثور وتيللل.
هو هيج كلت وكمز عليه رايد يلوحني وابوي يتخازر ويا واني اتمضحك.
مهند:- صدك بعدكم اطفاللل ولكممم رب الحلووو اكعدوووو خلي احجي وياكمم عدلللل.
كعدنا عاقلين ونستمع بس اكيد كلشوي اكرص ايهم وهو يجر شعري.
مهند:- هسه شنو رائيج وقرارج يابلسم؟.

أنت تقرأ
الحُب المجنون
Non-Fictionانت ما تدري شكثر كلبي هواك انت ما تدري شكثر حبيتكك والله واصل مرحلة من الجنون كمت اشوفك يمي و انت بيتك!.