صفيه بقلق: امسكي اكده اما اطلع اشوف ماله ده من الصبح عمال يبكي مساكتش
خديجه: ماشي شوفيه وطمنيني بس هو كل تطعيم بيعمل كده الحقنه صعبه عليه
صفيه: خلي بالك من الاكل احسن يتحرق
خديجه: متشيليش هم ساميه معايا
صعدت صفيه بقلق من بكاء زين الحاد والمستمر
دقت علي باب الجناح لتفتح لها ميسا ووجها مغرق بالدموع
صفيه بقلق: مالك يا بتي في ايه الواد فيه حاجه
ميسا وهيا تطبطب علي ظهر زين الباكي بقوه: سخن اوي وبيعيط جامد مش راضي يسكت خالص
اغلقت صفيه الباب لتأخذ منها زين بحذر: هاتيلي طيب خلقه وحطيها في ميه مسقعه
فعلت ميسا ما قالته لتحضرها لها سريعا
اخذتها صفيه ونزعت البنطال عن زين لتضع القماشه المبلوله بالماء فوق قدميه ليصرخ زين ببكاء حاد
وضعت ميسا يدها علي وجهها ببكاء: يلهووي اعمل ايه متعيطش كده بتقطع قلبي
صفيه: متخافيش يا حبيبتي هو هيخف دلوقتي ده تطعيم الاطفال كلها بتاخده متقلقيش
رن هاتف ميسا لتنظر للمتصل لتجده ليث ردت ببكاء: اي يا ليث
ليث: مالك بتعيطي ولا ايه
ميسا ببكاء: زين تعبان اوي ومن ساعة ما سيبته مش مبطل عياط وسخن جامد
ليث وهو يلم متعلقاته من فوق المكتب: طيب انا جاي متخافيش هو هيروق عملتيله كمادات
ميسا: ايوه عملتله وماما هنا طلعت علي صوت عياطه وبتعمله
ليث: طب خلاص بطلي عياط بتعيطي ليه
ميسا: وجعلي قلبي بيعيط جامد وموجوع
ليث: معلش يا قلبي انا جاي يلا سلام
ميسا: سلام
لتغلق الهاتف وتضعه فوق السرير: طب ايه مش هيوقف عياط
صفيه: السخونيه يا بنتي صعبه علي الاطفال بالذات سخونية التطعيم دي هياخد اربع ايام عياط ومش بينام
ميسا: هنعيد ايام التطعيم تاني دي ايام وحشه اوي والله ما كنت بدوق طعم النوم
صفيه: خير ان شاء الله تعالي ننزل تحت عشان ناخد بالنا منه معاكي
ميسا بتوتر: لا لا يا ماما ليث جاي دلوقتي
صفيه: هو قالك حاجه
ميسا: لا مقالش حاجه انا بس لقيت زين نام قولت اما اطلع وارتاح شويه
صفيه بشك: خلاص ماشي خديه انا انزل اشوف المصالح الي ورايا وخلي بالك منه ومتجيش جمب رجليه خالص عشان واجعينه من الحقنه
أنت تقرأ
جبروت الصعيد
Randomكلــمته ســيف علــى رقــــبة أى رجــل فــما بــالك بــأمــرأه؟ لا يــوجد فــى قـامـوسه كـلمة لا او مستـــحيل ف هــو المستــحيل بــنفـسه ڪ الرعــد لا يُــقاوم ولا يُــقـهر ولا يُــــثني.
