الفصل الثالث والأربعون
صوتو لبارت يجماعة وشجعوني😔❤️❤️ وانطوني ارائكم
*********************************
بقلمي : زينب أنمار ✨
ثواني تتحول إلى دقائق لتعد لي اكثر الأمور رعبا فما يحتاجه عقلي هو ثوان معدودة لكي ينسج لي ماسيحدث لنا وماالذي سيجري ان لم أفعل شيئا
رعب
خوف
العجز
كلها أمور شعرت بها لكن دفعتها إلى مؤخرة رأسي ووضعت اشقائي نصب عيني صارخة بذاك الواقف بكل جبروت : هجرررس
جان صوت ضحكاته فقط موجودة بهذا الجو الموحش كأنه يتسلى بيه وبخوفي رجعت اصيح : درة وينج
الهجرس : لا تصرخين عيب من الناس
بعد محاولات عدة يأست ورجعت موجهة كلامي اله : وينها درة
الهجرس : مو بسببها ماتت اختج
مثل لعنة خفية يريد يتسلل لداخلي ويخرب ما موجود بيناتنا لكن لا والف لا مدام الي يحجي هو الهجرس فكل حجيه كذب : وين درة وطوفان احجييي
الهجرس : راح يصير بيها شي خليها تروح يم اختها همام
لحظات من الانتظار حسيتهم دهر مر عليه واخيرا انحضنت وجانت هي هذا الدفئ الي تنهدت مرتاحة من صارت تبجي وخليتهم ورا ظهري : شدا تسوي هنا
الهجرس : مو كلت جيت اعزيكم
: اطلع بره مانريد لا تعزينا ولا تسويلنا شي اطلع
الهجرس : مع الأسف طالعين ردت اشوف حفيدي الغالي
: لا تجذب هسه جان هنا ولمن طلع سبحان الله جيت انت
الهجرس : ليش لسانج ماعرف شلون يسكت لحد هسه
رجعت ورا اكثر احاول احميهم ومااعرف اذا جنت مجنونة لكن هذا الشي الوحيد الي فكرت بي بهاي اللحظة : شتريد ليش جاي هاي المرة
الهجرس : همم جينا نسوي الواجب اني وزوجج السابق
عرفت جاي علمود يستمتع ومثل ماتوقعت ذكر اسم بحر حتى يغثني بس هيهات تذل هاي النفس للي رخصها ابتسمت مستهزئة بي رجع كال : ماتحجين مروة ليش ساكتة
منو مروة هسه بس جان ناقصني هذا الشي انقطعت افتراضاتي من حجت البنية بصوت خافت : شحجي
الهجرس : ماتواسين ضرتج السابقة مو اختها ماتت وعيب اذا ماحجيتي
ميلت راسي بصبر لا تنفجرين طيرة لازم تضلين عاقلة مايصير تتصرفين مثل ماهو يريد انتي رزنه واخيرا بعد مدة من جلد الذات ابتسمت : اكلك انت جاي تشوفني زوجة نوح لو شنو هلكد ايدك فارغة
الهجرس : اعتقد صرتي تعرفيني
لزمت كصتي اضغط عليها ربي صبرك خلي تخلص الليلة على خير رفعت راسي وكلت رافعة ايدي أدلة على الخارج : جبتها وخليتها كدامي وعساس قهرتني هسه اطلع اذا خلصت الفلم مالك
أنت تقرأ
ذراري الهجرس
ChickLitعرفنا بمكرنا وحيلنا قيل عنا الغدر والخذلان لكن ما الهجراس التي ولدت فينا الا نتيجة وقع الزمان علينا وازهاق البشر لارواحنا في ازقة المعتقدات والظلامات ابنتي كوني قويه كوني هجرسية فخوف الناس منكي افضل من استعبادهم لك
