جبروت الصعيد

البــارت الواحـد وثـلاثـون

في الصباح الباكر استيقظت صفيه لتذهب الي غرفة عليا وتدخل لتجدها نائمه ازاحت عنها الفراش بهدوء: عليا حبيبتي عليا يا قلب ماما اصحي

عليا بنعس: هم

صفيه: اصحي يا قلبي ماما مالك تعبانه فيكي اي

رفعت الفراش فوق وجهاا بإنزعاج: عايزه انام يا ماما

صفيه: لا قومي انزلي معايا يلا

عليا: ماما مش عايزه انزل قولتلك

صفيه: عشاني انا ماما حبيبتك

عليا: مش حابه انزل

صفيه: يا حبيبتي مالك منعزله كده انتي مكنتيش كده يا عليا انتي مش بنتي الي انا اعرفها انتي بتعملي فيا كده ليه وبتوجعي قلبي عليكي

عليا بنحيب: كله بسبب ابنك هو السبب دمرلي حياتي ومعيشني في جحيم

صفيه بشهقه: بنت عيب بتقولي علي اخوكي كده عملك اي هو يا مقصوفة الرقبه

عليا: شوفتي انك بتحبيه اكتر مني لدرجة انك مش شايفه عيوبه ومش شايفه الي بيعمله فيا

صفيه: هو بيعمل كده عشان خايف عليكي مش اكتر وهو اخوكي الكبير وحقه يعمل فيكي ما بداله

عليا: لا غلط بابا الي من حقه يعمل فيا الي عايزه لكن اخويا ملوش حق عليا

صفيه بغضب: بنت قليلة ادب وناقصه ربايه والله لاقوله اخليه يموتك

عليا ببكاء: متقوليش عليا كده

صفيه: مقولش عليكي اي مش شايفه نفسك بتعملي اي

عليا: ماما عشان خاطري مش عايزه اتجوز سفيان انا عايزه سلمان يا ماما حرام عليكم هموت والله هقتل نفسي

صفيه: اي الي بتقوليه يا قليلة الحيا ده ده انتي متربتيش بصحيح

امسكت عليا يدها بإستنجاد: عشان خاطري يا ماما الله يخليكي ليا انا بحب سلمان وهموت ولو متجوزتوش هو انا مش عايزه غيره

صفيه: انا ماشيه وسايباكي انتي شكلك اتجننتي من القعده لوحدك كتير

ركضت عليا خلفها بترجي: ماما انا عليا بنتك حبيبتك متسيبينيش كده لوحدي هتجنن والله حرام عليكم

وقفت صفيه تنظر لها بعتاب: حالك مش عاجبني ابدا انتي مش عليا بنتي الي اعرفها

عليا ببكاء يقطع القلب: خلاص يا ماما متزعليش مني انا اسفه هسمع كلامك وكل الي هتقوليلي عليه بس متخاصمينيش

صفيه: خلاص يا حبيبتي اعملي الي يقولك عليه اخوكي هو ادري بمصلحتك

عليا بغلب: حاضر هسمع كلامه وهعمل كل الي هو عايزه

صفيه: شاطره يا قلب ماما تعالي احميكي عشان تنزلي معايا

اومأت لها عليا لتأخذها صفيه وتساعدها علي الاستحمام انتهت لتلبسها ملابسها وتأخذها وتنزل للأسفل