الجزء الواحد والعشرون

2.9K 358 127
                                    

#طريق_يؤدي_اليك

بسم الله نبدأ حكايتنا
.
.
.
.
.
.
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
.
.
.
.
أردتك رجلاً لا تمسني
ولو انغلق علينا ألف باب
ولا يدنسني بنزوة
ولو كان به من الرغبة مايقتل
ويدخل البيوت من أبوابها
ولو كان به خصاصة
.
.
.
.
.
.
.
ترنيم
_________________

حبيب اليوم
ماضي غداً

بالغرفة متمددة لليوم الثالث
وكأن جسمي تضامن مع مشاعري
كل ذرة بية رافضة تتحرك
ماما حارت بية
ونورس يومين تاركة غرفتهة وباقية يمي
وابوية يروح ويرجع يحاول ياخذني
للدكتور بس رافضة
وهو
هو اللي تمرضت بسبب حزني
على فراق گلبي عنة
يدخل كل ساعة من هو موجود
يحاول يطمأن ماما
هذا وضعي من قبل ثلث أيام

دخلت متوجهة لماما راكضة حظنتني بفرح
وهي تهلهل

-صلوووووات على محمد الفرحة صارت فرحتين
فرحة نجاحجن
وخطوبة أخوجن

وگعت عيني علي وهو مبتسم

كملت ماما كلامهة

-عالخميس الجاي نخطبلة اخت صديقة

حك هو  وجهة بخجل

ابتعدت من ماما

مد ايدة مصافحني

-مبرووووك النجاح قنفووووذ

همست بروح رايحة

-مبروك الخطوبة

تحركت ماشية للغرفة
لحگتني نورس

-توتة شتگوووولين اذا فراس خطب لَمى
مصطفى يخطبني هالفترة لو انتظر للتخرج

-انت شتشوفين تگدرين توفقين بين الدوام
والبيت والمسؤولية

باوعتلي بعيون فرحانة

-اذا يمة كل شي اگدر أسوي

طلعت وتركتني وحدي
نزعت الربطة وبدون اي كلام
شمرت نفسي بملابسي عالفراش
نمت نومة قلقة
المغرب حسيت بدخول ماما علية
وهي توعيني

-شو ماما گعدي دنيا غروب

فتحت عيني بالگوة ونفسي تلعب
تحركت وياهة بس وصلت باب الغرفة
ماسيطرت تقيأت

ركضت نورس ناحيتي وهي طالعة من غرفتهة

-شبيييييهة يوم

-مااااعرف يمة بنييييتي شبييييج

حركتني ماما للحمام بس خطت رجلي باب الحمام
رجعت اتقيأ دقايق مرت تمزقت بيهة أمعائي حيل
غسلتلي ماما وطلعتني
نورس منظفة الگاع ومهوية الهول
گعدتني ماما عالقنفة راحت للثلاجة
جابت عصير مثلج

طريق يؤدي اليك حيث تعيش القصص. اكتشف الآن