دامك زرعتي الحب بداخلي ورد انا ما ابي غيرك من الناس يسقيه

part21

صباح يوم جديد في منزل آل سعود
صحيو البنات يغسلون ونزلو افطرو
نزلوا ملاك وملاذ وهم يسولفون عن الدراسه وطلع بوجههم محمد
محمد:ملاك تعالي ابيك
ملاك :شتبي
محمد:بسرعه ضروري
ملاك لفت على ملاذ:بروح واجيك اسبقيني تحت
ملاذ:طيب استمتعي مع زوجك
ملاك طيرت عيونها بملاذ:خيررر شذا الكلام يعني لازم اعيد واكرر ماابيه انا
راحت ملاك عند محمد ولقته عند المغاسل
ملاك :ها شتبي
محمد ابتسم وطالع :مو حن ملكنا
ملاك :ايوه
محمد:يعني صرنا حلال حق بعض
ملاك :ايوه
محمد:مو زواجنا قرب
ملاك :ايوه وإذا
محمد:مو بتصيرين زوجتي أو اصلا صرتي زوجتي
ملاك :ايوه
محمد:مو انتي حــ قاطعته ملاك :
ملاك:خلاص شعندك تتكلم بالالغاز هو ملاك مو ملاك مو خلاص شتبي
محمد :اكوي ثوبي بليز
ملاك تخصىرت:لا والله مو عندك خوات شدخلني
محمد:منيره راحت السوق وميار مشغوله بالمطبخ وما لقيت الا انتي
ملاك :شالمناسبه؟
محمد:زواج خويي اليوم بروح احظره ثم نرجع نحرك للرياض
ملاك :طيب كم تدفع
محمد:اعطيك قلبي
ملاك :لا ما ابيه متلوث
محمد:شوفي انا عشان مافي احد يكوي ثوبي بحترمك لكن الوعد بعدين يا بنت سعود
ملاك :دز بس
محمد:روحي يالله
دخلت ملاك الغرفه وحطت ثوب محمد على السرير
وراحت تجيب المكواه وتكوي جابتها وبدت تكوي ثوب محمد وخلصت وجت تبي تكوي السروال حطت المكواه وطول واحترق
ملاك طالعت ولقته محروق
فتحت عيونها :يا ربي شسوي شسوي بيذبحني لو درا شسوي
راحت ملاك تدور بالغرفه تدور تدور حل
ملاك :خلاص بوديه عنده وبقول أن الخروف اكله
بعدين فكرت :الا كيف يعني اسنان الخروف بتحرق السروال مثلا فكري يا ملاك فكري بدت تفكر وتفكر وقالت :بقول اني رحت عند جيم واكله (جيم حصانها )بعدين فكرت لااا جيم ما ياكل إلا تفاح اخذت السروال وطلعت عند محمد اول ما شافته خبته ورا ظهرها
وصلت عنده
محمد:كويتي الثوب
ملاك:كويتي ولا سعودي هههه (هلا والله باخواننا الكويتين تحيه لكم )
محمد:ههه ما تضحك اخلصي
ملاك توترت :الا مو حن ملكنا
محمد:ايوه
ملاك :مو صرت حلالي
محمد:ايوه
ملاك :مو زواجنا قرب وبتصير زوجي
محمد:ايوه
ملاك :مو انا حرم محمد بن سالم
محمد:الا
ملاك :مو انت زوج ملـ قاطعها محمد
محمد:شعندك اخلصي
ملاك غمضت عيونها وطلعت السروال :حرقته بالغلط ااقصد الخروف بلعه وانشق اا اقصد جيم اكله
محمد ضحك:اعترفي أنها انتي لأن الخروف والحصان اذا بياكلونه كيف طلعت علامة الحرق هاذي
ملاك:سوري سوري ماكان قصدي
محمد يضحك: خلاص عادي اعرف انك بتحرقينه
ملاك تخصرت بوقفتها ورفعت حاجبها:ودامك تعرف اني بجيب العيد ليش تعطيني
محمد شاف أن واحد من العيال طالع
محمد:بنت اوقفي زين بسرعه
وقفت ملاك
وجاهم نواف :شعندكم معصبين
محمد :مشاكل زوجيه
نواف مسك شماغه على خشمه:اخخخ يا قلبي الحين صرت تخبي عني ومثل أنه يبكي وقال لملاك بصوت على أساس أنه يبكي :ملاك تكفين حافظي على زوجي الحين صار زوجك
محمد مثل يبكي :تكفى لا تصيح بصيح
مسك محمد شماغه على خشمه وحظن نواف على أساس يبكون
ملاك تطالع فيهم:الله اكبر انا ماحافظت على مكياجي تبيني احافظ على ذا وبعدين وش الي زوجي وما زوجي
نواف:انا ومحمد متزوجين بس عمي سعود خرب علينا وبعده عني
محمد :اخخ يا زوجتي بشتاق لما نعذب جدنا ونروح نتمشى نواف :تكفى لا تقول كذا بصيح
محمد:صيح يلا
نواف شهقق:هييي. تبيني ابكي والله اوريك انتي طالق طالق طالق
محمد شهق:هيييي تطلقني يا جاسم انت طالق طالق طالق ايوه مو بس انت تطلق
ملاك تطالع فيهم وهي ماسكه راسها
ملاك :خلاصصصص نواف وش تبي
نواف:صح جدي يبيك يا محمد عشان نتوزع بالسفر
محمد وملاك :سفر؟
نواف:ايه سفر بنتغدا ونمشي
ملاك :اما عاد
نواف:مو وقته انزلو
طالع نواف بسروال محمد:من بدايتها كذا حرقتي سرواله
ملاك :مو شغلك ونزلت
اخذ محمد سرواله وراح الغرفه ونزل هو ونواف
نزلت ملاك وقابلت ام مسفر
ام مسفر :ملاك يا بنيتي امسكي وتين ارجوان مشغوله بالمطبخ
ملاك:ابشري يا خاله
اخذت ملاك وتين وبدت تلعب معها
ملاك :ودلبس النونو توتو حبيبي ماما مشغوله بالمطبخ وانتي الحين بتلعبين معي
ملاك تدور بوتين ووتين تضحك
مسكت وتين شعر ملاك وفتحته
ملاك :يا حيوانه يا نونو ليش فتحتي شعري
وتين:دعرك حلو
ملاك ضحكت:ودلبس الي مايعرف يتكلم بدت تلعب معها وشعرها يتحرك معها
وهي تتحرك جاها محمد من ورا ومسك شعرها
ملاك لفت :اييي شعري
محمد:اربطي شعرتس العيال بيدخلون
ملاك :مقدر انا ماسكه وتين
محمد اخذ الربطه وربط شعر ملاك
ملاك :شكرا
محمد طالع بوتين :مين الحلوه هاذي
وتين ضحكت :حمااد وباسته على خده
بدا محمد يلعب وتين مع ملاك
ملاك تلعب بوتين وحست بقرب محمد بس كان مو منتبه كان يلعب وتين
وتين سوت حركه غبيه ومسكت روسهم وصفقتها ببعض
ملاك مسكت رأسها :اييي وتيننن
وتين :ماك وحظنتها ملاك
محمد نسى الالم وطاح ضحك في الأرض
ملاك طالعت فيه :خير مايضحك يوم صفقت راسي بعدين قوم من الارض
محمد قام وهو يضحك :اما عاد ماك اخخخ بطني
ملاك :مو شغلك طفله يعني وش متوقع
محمد:اوكيه طفله بس ماك تحسبك مطعم ذي وكمل يضحك
ملاك :اقول اذلف اذلف عمى يعميك
اخذت وتين وراحت عند البنات ومحمد راح يضحك
~~~~~~~~~~~~
قسم الرجال
ابو مسفر :خلاص وكذا توزعنا
ابو متعب:ايه خلاص
نواف:وش قررتو
ابو وليد :قررنا أن الأمهات بيركبون مع ابو عبدالرحمن والبنات بيركبون مع عبدالملك ومحمد
وبناتي وزوجاتكم باخذهم معي وأبو سالم وأبو مسفر وباقي العيال مع بعض
نواف :يبه تكفى ابي مع محمد
ابو وليد :وشوله روح مع اخوك وليد
نواف:لا ابي مع عضيدي
وليد :يا ذا العضيد يالي ماتفترقون
محمد مسك كتف نواف :انا ونواف بنروح مع بعض
مسفر :خلاص روحو مع بعض وعبدالملك بيجي معي
عبدالملك :حيووو
توزعت المهام بينهم
~~~~~~~~~~
في المطبخ
ريم وارجوان وملاذ يجهزون الغدا
ارجوان :يا خاله ام متعب وش صار على ناديه
ام متعب :والله يا بنيتي عند اهلها رافضه ترجع
ريم :مو لازم ترجع بنات الناس كثير
ملاذ :لا يا ريم متعب مايبي الا زوجته
ارجوان :الله يعين يا رب
طلعت ام متعب من المطبخ
لفت ارجوان على ملاذ :ملاك شصار عليها
ملاذ:مافيها شيء
ارجوان :متأكده انا خايفه عليها احس فيها شيء
ملاذ ابتسمت :لا تخافين مافيها شيء بس متوتره من زواجها
ارجوان :يعني مافي شىء
ملاذ:ايه
كانت ملاذ تخبي موضوع ملاك وماكان أحد يدري فيه إلا ملاذ وميار وايلاف واخواتها وعبدالملك وعوض بس محمد قال لنواف محد يدري الا ذول وعبدالمجيد لو عرف انو أخته مغصوبه بيعصب
المهم كملو تجهيز للغدا
راحت ملاك وقعدت جنب ميار :هلا بالحب
ميار:اهلينن حبيبتي شلونك
ملاك :طيبه
ايلان:بنات ابي ارقص
ايلاف:بزواج ملاك أن شاءالله
ملاك ضاقت فيها الدنيا يوم سمعت {بزواج ملاك }نزلت راسها تفكر
إيلام :لااا لا تذكروني أنها بتتزوج خلوها عندي
ملاك رفعت راسها وابتسمت :لا ماراح اخليك يا عيوني
إيلام :وعد
ملاك :اول شرط بشرطه أنهم مايبعدوني عنتس ويشترون لي سوني عشان نلعب
ميار ضحكت :ملاك وايلام والسوني قصة حب لن تنتهي
ضحكو البنات وكملو سوالف
جهز الغدا ودخلو العيال ياخذون غداهم والبنات اخذو الصحون لمجلس الحريم وكانت عندهم ام مطلق
حطو الغدا وقربو البنات يأكلون بنص اكلهم نطقت ام مطلق
ام مطلق :كثر الله خيركم يا ال سعود
ام عبدالله :اجمعين ان شاءالله
ام مطلق لفت على ملاك :وشلونتس يا بنيتي
ملاك :الحمدلله
ام مطلق :متى عرسك ؟
ملاك :بعد ثلاث شهور
ام مطلق:الله يتمم لكم على خير
ملاك :امين
أم مطلق :الا اسمعيني ابيتس من ثاني اسبوع زواج تحملين وتجيبين ولد تسمينه على ولدي مــ ماكملت كلامها الا ملاك غصت بلقمتها
ملاذ :مويا مويا جيبو مويا
جابت ميار مويا وشربت ملاك وجهها احمر
ام مطلق :هاو انا قلت شيء
ملاك بهمس :الا قلتي اشياء جعلك بالمغص
ملاذ كتمت ضحكتها :مستعجله الاخت الله يهديها
ملاك:تذلف عن وجهي لا امتع شوشتها
ملاذ :انتي خل يكون عندها شوشه عشان تمعطينها
ملاك :تدرين لو مو المدرسه قربت كان اليوم دفنها
ملاذ ضحكت بخفيف :وش دخل المدرسه
ملاك :مو حلوه انسجن بأول اسبوع
ملاذ ضحكت :الله ياخذك
ملاك :ويأخذ ام مطلق مو منها من شعرها الابيض ذا كنها اينشتاين
ملاذ مسكت بطنها من الضحك
كملو اكل
~~~~~~~~~
قسم الرجال
خلصو اكل وقامو يغسلون
رجعو يقعدون
ابو مطلق :الله يجزيكم الجنه يا ابو عبدالله
ابو عبدالله:الله يسعدك وان زيارتك هاذي اسعدتني يا الجار
ابو مطلق :الله يحفظكم ويسلمكم
عبدالملك همس لعوض:الان تبدأ سلسة الله يحفظك والله والله
نواف ضحك بصوت عالي :ههههه حلوه حلوه
لف عليه ابو عبدالله :وش يضحك مافي تقدير ولا احترام لي يا نواف
نواف سكت :محشومم يا جد محشوم بس تضحك
ابو عبدالله:شايفني مهرج انت ؟
نواف ضحك:حلوه يا جد من فين جبتها
ابو عبدالله :من فيسبوك
نواف طاح ضحك
ابو عبدالله عصب : قوممممم قامت قيامتك يا مال الليه قوم فشتلنا
قام نواف وراح ياخذ الصحون محمد همس لعبدالملك :والله يا أن جدي قصف ام الجبهه
عبدالملك :بس تصدق حلوه حقت فيسبوك
ابو عبدالله لف عليهم وشافهم يتهامسون :وانتو علامكم كنكم حريم تتهامسون قومو ساعدو ولد عمكم
قامو العيال وودو الصحون مع نواف
راحو وشافو نواف
طالع فيهم نواف :حتى انتم وش سويتو
عبدالملك :قمنا نضحك عليك وسفل فينا
نواف :احسن الله اخذ حقي
محمد :بس يا انه ذب عليك ذبات قسم تضحك سنه قدام
نواف :ما يضحك
محمد :خلاص يا حرم محمد لا تزعل
نواف :اموت عليك يا زوجي
بعدين استوعب :لا خلاص انقلع طلقتني انت
محمد :اي صح خلاص
عبدالملك ضحك :متى طلقته
نواف:اليوم الساعه 1:30 والثانيه 12
عبدالملك :وبعد حافظ الوقت يا سلام
نواف :اكيد طلاقي لازم احفظ الوقت
محمد:امشو يلا
دخلو العيال الصحون وراحو
نظفو البنات المواعين وطلعو يجهزون أغراضهم
لبسو البنات عباياتهم ونزلو شناطهم
دق جوال ملاك ولقته رقم غريب
ردت
ملاك :الو
الشخص :ايوه
ملاك:مين؟
الشخص :انا محمد
ملاك :ومين محمد
محمد:ولد الجيران
ملاك :ماعندنا ولد جيران اسمه محمد
محمد:يا غبيه انا انا زوجك محمد
ملاك :برضو ماعندي زوج اسمه محمد
محمد:يارب صبرني اقول اخلصي انزلو انتظركم
ملاك :أها انت محمد ولد عمي سالم
محمد:الحمدلله على السلامه
ملاك :من فين جبت رقمي
محمد:من القروب يالله انزلو
ملاك :طيب لا تدق مره ثانيه
سكرت ملاك ونزلت هي والبنات
ترتبو الكل البنات مع محمد ونواف
والأمهات بيرحون مع ابو عبدالرحمن
والعيال مع ابو عبدالله
حركو وكان محمد يسوق ونواف قدام وملاك خلف محمد وجنبها ملاذ وميار وايلان وايلام وايلاف راحو مع عمهم ابو مسفر
ملاك لبست السماعات وحطت راسها على كتف ميار
وملاذ تراسل مريم وميار تتابع مسلسها
ونواف يفصفص ومحمد يسوق
ملاك تسمع شيلاتها وتدندن معها بصوت خفيف
كملت تسمع الين غفت ومحمد يراقبها بعيونه
نامت ملاك والسماعات بأذنها لفت ميار :ملاك شوفي البطل بيقــ طالعت بملاك ولقتها نايمه
ميار :يا الله حتى وهي نايمه كيوت
اخذت جوالها وصورتها ستريك وكتبت :عمري النايم نزلتها ونست انو محمد بالستريك عندها زحفت شوي وحطت راس ملاك على شباك السياره لفت ميار على محمد
ميار :محمد
محمد:ها
ميار :عندك لحاف
محمد:ليش؟
ميار :ابي اغطي ملاك نايمه
محمد:في فروه ورا خذيها
ميار اخذت الفروع ودفت ملاك
كملو الطريق وملاك نايمه بسلام
وقف محمد عند بقاله
محمد :تبون شيء ولا انزلو معي
ملاذ :لا انزل انت ونواف بنقعد هنا
محمد :طيب وش تبون
ملاذ :ميار تبي كودرد وانا ابي ريتا
محمد:طيب وملاك
ميار :نايمه هي بس جب لها حليب سعودي
ملاذ :لا ملاك تبي كندر وحليب شوكولاته
ميار :لا ملاك تعبانه يحتاج لها حليب سعودي
ملاذ :خلاص جب لها حليب
محمد نزل البقاله وبقو البنات ونواف
ملاذ تطالع بملاك كيف نايمه وهمست ملاذ :يا عيوني هي شوفي كيف نايمه
ميار :ايه خل نرتاح احس من يوم ماحددو زواجها ماتنام كويس
دخل محمد البقاله وجاب الاغراض ورجع
دخل السياره وحركو اتجاه الرياض
~~~~~~~~~~
مسفر وعبدالملك
كانو يسولفون ونطق مسفر
مسفر :متى نويت تكلم ابوي
عبدالملك :بالاجازه
مسفر :أن شاءالله
عبدالملك :تهقا انها تحبني ؟اخاف اتقدم وترفضني أو عمي يغصبها
مسفر :كل ما اسألها تغير الموضوع انا وش تحس
عبدالملك :أحسها تحبني
مسفر :اسمع صلي صلاة استخاره وإذا ارتحت من نصيبك وإذا لا الله يوفقك
عبدالملك :بفكر بمووضوعها
~~~~~~~~~~
نرجع ابطالنا
صحيت ملاك وماتنكر أنها اول مره تحس بالراحه في نومها تحس نامت نومه مريحه صح تعبت من التفكير وزواجها شاغل بالها لكن ارتاحت بنومتها
صحت ملاك وشافت أنها متغطبه بفروه
شمت ريحتها وتذكرت فروة محمد يوم عطاها بالبر
بعدت بالفروه وطالعت لقت ميار وملاذ ونواف نايمين ومحمد صاحي
بعدت بالفروه وبدت تظبط عبايتها
لفت لقيت ميار مرسلت لها انها جايبه لها حليب وفطيره سڤن ابتسمت وباست ميار ولحقت ميار زين
محمد لاحظ انو ملاك صحيت
محمد:صحيتي
ملاك :ايوه
محمد:سجلتي رقمي عندك
ملاك :لا
محمد:سجليه
ملاك :No
محمد:مو بكيفك
ملاك :بعد الزواج افكر اسجل رقمك
محمد:انا اوريك
رجعت ملاك لورا وتتأمل الطريق
اخذت الفروع وتدفت فيها
الجو كان جدا بارد
لاحظت ملاك انو محمد مو متدفي
ملاك:ولد
محمد:لي اسم
ملاك :محمد
محمد:شتبين
ملاك :عندك لحاف
محمد:لا
ملاك :يا ربي مدري ليش تحب التعب انت
اخذت الفروع الي عندها واعطتها محمد
ملاك :تدق
محمد:وشوله تدفي انتي
ملاك :عندي عادي خذ انت
اخذ محمد الفروع ولبسها وشم ريحة عطر ملاك وابتسم
تدفت ملاك مع ميار وتتأمل الطريق
وصلو الرياض وصحو الكل
وصلو نواف بيتهم بعدين ملاذ بعدين ملاك
نزلت ملاك وودعت ميار
ملاك :باي حياتي اشوفك بكره
ميار :باي
دخلت ملاك بيتهم وفصخت عبايتها وانسدحت على السرير تنام
وصلو ميار ومحمد بيتهم وراح كل واحد على غرفته
دخل محمد غرفته وفصخ ثوبه وانسدح على السرير تعبان
دخل السناب وشاف ميار مرسله ستريك
فتح الستريك وشاف ملاك وهي نايمه وميار كاتبه (عمري النايم 🥹💙)ابتسم محمد :نايمه زي الملاك لكن يوم تصحى تصير فرعون سوا لايك على الصوره وقفل جواله ونام

انتهى البارت حبايبي سوري على القطعه
تتوقعون زواج ابطالنا متى ؟؟؟
الكاتبه :جيلان سعود العتيبي ✍🏻