كانت ميسا جالسه بجانب عليا التي لا تعطي لها بالا ولا خاطر وتعيش في عالم اخر شارده جدا
ميسا: عليا بكلمك مالك في اي احكيلي
لم ترد عليها عليا وظلت صامته
لتتنهد ميسا وتحمل زين الذي يلهو من فوق سرير عليا: طيب انا نازله بقي ابقي اجيلك كمان شويه تكوني فوقتي من الي انتي فيه ده
لتنزل وتجلس مع صفيه وخديجه وساميه: مساء الخير
صفيه بسعاده: روح قلب ستو انت تعالي يا قلبي اني
اعطته لها ميسا لترد علي خديجه: بتقولي اي يا مرت عمي
خديجه: بقول شكلك حامل ولا اي
ميسا بتوتر: حامل اي بس يا مرت عمي ده زين لسا مكمل الست شهور
خديجه: جسمك بيقول غير كده يا بتي هاتي اختبار وشوفي
ميسا برعب: لا لا مفيش اي اعراض حمل كنت هحس لو انا حامل انتي قلقتيني ده كمان ليث قالي نفس الكلام من شويه
صفيه وهيا تلاعب زين: حتي لو حامل خير وبعدين احنا عايزين البيت مليان عيال
ساميه: يا صفيه لا دي لسا بترضع وولدها صغير متحملش عليه دلوقتي خالص
خديجه: يختي مشوفتيش بخيته مرت عاصم انتي بعد ما خلصت نفاسها باسبوع كانت حامل دلوقتي معاها الواد والبت اكنهم تؤام والدين فوق بعض مفيش بينهم غير تسع شهور وكماني ولدت في التامن هيا
ميسا برعب: يا جماعه متخوفونيش انا مستحيل ابقي حامل دلوقتي ده انا شاربه المر مع زين والله وبدأ يتعبني اكتر من وهو صغير
قبلت صفيه زين بقوه: يا روح قلب تيتا الي بيكبر ده وبقي شقي وتاعب ماماه
ساميه: انتي بتاخدي حبوب منع الحمل يا ميس
ميسا: لا يا مرت عمي اخر مره خدت كانت من شهرين كده وبطلت ليث لما عرف اتخانق معايا وبهدلني خالص
خديجه: سيبيها علي ربنا
ميسا: ونعم بالله.. اومال مها وشهد مش باينين
ساميه: اواخر الحمل خلاص مقدرينش يتحركو ومها عماله تولول الحمل تعبها عالاخير وهتموت خالص
ميسا: هو اول حمل كده صعب موت وحيا
خديجه: انتو اتعشيتو فوق ولا ايي
ميسا؛ ايوه عملت عشا واكلنا
قاطع حديثهم عزيز: صفيه وه يا صفيه
وقفت صفيه بعجله من امرها: اي يا حج
عزيز؛ فيه ضيوف جايين هياخدو السهره هنا
صفيه بتساؤل: مين يا حج
عزيز: بت عمي عبدالعال جايه هيا وحريم ولادها
أنت تقرأ
جبروت الصعيد
Randomكلــمته ســيف علــى رقــــبة أى رجــل فــما بــالك بــأمــرأه؟ لا يــوجد فــى قـامـوسه كـلمة لا او مستـــحيل ف هــو المستــحيل بــنفـسه ڪ الرعــد لا يُــقاوم ولا يُــقـهر ولا يُــــثني.
