〘بسم الله الرحمن الرحمن 〙
السحر الأسود
للكتاتبة وتين العلي
_ميار_
-من شفته وگع من طوله صحت بـِ فزع بـِ دون وعي
-اراي الحگنييي
طلعو واحد ورا واحد
من شافه اراي أنصدم شاله بسرعة و صاح
اراي:- مهدييي شغل السيارة ميار ألحگيني
صعدت و حط الاكبر بـِ حضني و اراي صعد
و مهدي حرك صار يسوق بـِ جنون
بألف ياعلي يلا وصلنه فوتو للطوارء فوراً دخلو
و المهدي ويا
اراي:- يالله لا تختبرني بي يالله هذا أبني يالله
و صارت دموعه تهل تگطع گلبي صرت اردد "أمانة موسى أبن جعفر"
دقايق و الكل صارو بـِ المستشفى و ناس طابة ناس طالعة و المشكلة محد ميعرف شبي !
مر وقت طويل گاعدة لازمة أدين خالة حليمة و ندعي طلع دكتور چبير بـِ العمر و ويا المهدي
الدكتور:- غريب الولد مابي شي مجرد نقص أوكسجين مماِ أدى إلى حالة إغماء بس كل مشكلة ماشفت خلال الفحص
اراي:-يعني؟
الدكتور:- وحدة من الثنين لو إما عنده أمراض خطيرة مثل الأورام و مشاكل بالرئتين لو مابي شي صدگ ، بعد ساعة نعرف من خلال التحاليل ، الله كريم أدعوله
راح ...
طمننه من جهة و من جهة زاد خوفنة مهدي يحاول يطمننه بس ميفيد
مهدي:- إن شاءلله مابي شي يعني لو بي مرض خطير لا قدر الله چان بين مثل الأعراض أو يغمى علي أكثر من مرة بس هوه مايشكي من شي مامعقولة يطلع بي مرض بدون أعراض أدعوله
و تفائلو
اراي:-نگدر نفوتله؟
مهدي:- لـِ الأسف لا لحد ما تطلع التحاليل
أجه لزم أيدي يحچي و يفهمني
مهدي:- ميار خليچ يم خالة حليمة و أدعيله
لا تضعفين تمام؟
ميار:- تمام تمام بس لا تتأخر عفية
مد أيده يعدل بـِ عباتي
مهدي:- إن شاءلله بنتي
و راح و الساعة صارت سنة دعيت بچيت الوقت ميخلص
خالة حليمة گلبها أذاها و تخربطت بس نريدها تهدء ماتسمع
حليمة:- ميار إذا بي مرض خبيث ! أموت والله أموت يمة بعده صغير بيَّه ولا بيك يمة اكبر
تبچي و منهارة و هذا الشي خطر عليها
ميار:- أروحلچ فدوة خالة كافي تأذين نفسچ هيچ أنتِ أم و دعاء الأم مستجاب أدعيله "تفائلو بالخير تجدوه"
أنت تقرأ
السِحرُ الاسود
Mystery / Thrillerالسحر الأسود لـِ الكاتبة وتين علي حقيقية || عراقية خوف ، هلع ، بيت فاضي ، و بس أني ويا هنا الخوف دب بـِ گلبي و جسمي صار يرجف بـِ شَكل مو طبيعي فزيت علىٰ صوت رگعة الباب و قشعر جسمي مجرد تخيلت شنو ناوي ألتفتت أباوع عليه يتقدم بـِ خطوات مسرعة يريد...
