الجزء السابع عشر

3K 348 162
                                    

#طريق_يؤدي_اليك

بسم الله نبدأ حكايتنا
.
.
.
.
.
.
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
.
.
.
.
أول أيام السكوت آخر أيام المحبة
.
.
.
.
.
.
.
.
ترنيم
____________________

بين الطفولة والنضج
خيط رفيع يسمى الصدمة

وعيت بطفولتي ومراحل عمري
الأولى على أمي
البنت الصغيرة الشابة الهادئة
المحبوبة من الكل
الخدومة العاقلة
جنت أشوفهة كل شي بحياتي
أم واخت وعائلة
نموذج الأب مجان عندي
مجنت أعرف هالشي الا لمن
شفت ألاطفال ويا آبائهم
ولاحظت غياب أبوية وبوقتهة شرحتلي
ماما وديدة معنى أن تكون يتيم الأب وعرفتني
أمي على أبوية من خلال الصور
جانت تحجيلي قصص بطولية عنة
وعن حبة ألنة
رسمتلة أحلى صوووورة بعيني
وأحلى نموذج
مراحل عمري رغم وضع الناس والفقر
اللي يمرون بي
جانت خالية من الجوع والتعب
امي جانت موفرتلي كل شي متوفر عند الأطفال
اللي عوائلهم مكتملة من أم وأب
واخوة
أعياد ميلاد وتصوير
لبس بالاعياد وبالمواسم
طلعات وزيارات
ماحسيت بفرق طبقي ولا حسيت
بفرق مادي الا لمن كبرت ودخلت المدرسة
نبهوني البنات
وعيروني بشغل أمي
وصرت أتخبط نفسيا وعاطفيا
وجنت غبية لمتهة وأنبتهة على شي
هي تعبانة بي
اني شاهدة على كل لسعة نار بالتنور
وعلى كل سهر على طبخة
تطبخهة للناس
وعلى كل بزة أبرة وهي تطرز
وكل وغزة سنارة وهي تحوك
بس مجنت فاهمة
الدنيا شنو عبالي المظهر اهم شي
بجيت وعاندت وانقهرت
ورغم فهمتني ووعتني بقيت بگلبي أنقهر
من أشوف البنات ينظرولي بنظرة
دونية
كبرت وكبرت بداخلي غيرة وحقد تجاه
كل وحدة تشوف نفسهة أعلى مني
وأگعد
مرات بالساعات ألوم أبوية بالصور
ليش راح وتركني اني وأمي
ليش مابقى بحياتي امي
اكثر المرات
تقصر على نفسهة بس علية لا
وأغلب الوقت تخلي نفسهة بالمرتبة
الأخيرة حتى تدللني
جنت داخلة سن مراهقة مبكرة
بين الرابع والسادس بعد ماتجاوزت الخامس بسبب التفوق
خلال السنتين القبلهة
دخل حياتنا عمو عمر
زوج عمتي الرجل المثقف الواعي
اللي تقدم لأمي اكثر من مرة امي قبل لتنطي
اي كلمة سألتني
وقتهة تحطمت صورتهة بعيني
أدركت اني راح أفقدهة
راح تتزوج وتتركني متهتم بية ولا تحبني
والأكثر حزن راح تنسى أبوية وهي گالتلي
يحبني
شلون تنسى
اقمت بوقتهة ثورة غضب بقيت بيهة
أيام بلا أكل ولا شرب
وصلت مرحلة فقدان الوعي
لحد ما رفضت امي
وبكل محاولة اضرب عن الطعام لحد ماأنتهى
الموضوع وأنسد من سنتين
بعد فرحتي بعبوري من مرحلة لمرحلة أعلى متجاوزة اقراني بسنتين
وظني بأن موضوع الزواج مات
وانتهى
دز علية عمو عمر
اخذتني نورس لگيتة گاعد بالحديقة
اشرلي أگعد عالكرسي مقابيلة

-شلونج عمو

-الحمد لله عمو زينة

-مبرووووك النجاح يابطلة من الرابع گبل للسادس هذا انجااااز

طريق يؤدي اليك حيث تعيش القصص. اكتشف الآن