صحت ملاك وشافت الخاتم بيدها ورجعت انسدحت ودها تبكي قامت وفصخت الخاتم وراحت تغسل وجهها وتصلي
خلصت صلاه ودخلت ميار :ملاك
ملاك:ها
ناظرت ميار يد ملاك :وين خاتمك
ملاك:على الدرج
ميار :ترا حددو العرس
ملاك قامت:كيفففف
ميار :والله انزلي عشان تعرفين
لبست خاتمها ونزلت
دخلت المجلس شافت عمانها واخوانها موجودين ومحمد قاعد
راحت ملاك وقعدت جنب ابوها
سعود :هلا ببنيتي
ملاك :هلا فيك
الجد اشر بعيونه لعوض وعبدالملك وعبدالرحمن وعبدالمجيد بأنهم يطلعون طلعو وما بقي الا الجد سعد وسعود وسالم ومحمد وملاك
سعود:يا عيالي. حددنا زواجكم
ملاك :اكيد بعد الجامعه
سعود:لا يا قلبي
ملاك طالعت فيه:اجل وش
سالم :زواجكم بعد ثلاث شهور
ملاك :ايششش
محمد:سلامات يا ابوي
سعود:خلاص حن حددنا واكتفينا
محمد قام :يا عم كلمتك على عيني وراسي استعجلتو بالمملكه قلت اوكيه لكن الزواج اعذرني يا عم
سعود :افا تردني
محمد:ما اردك انا اقول رايي
الجد سعد :الزواج بعد ثلاث شهور يعني بعد ثلاث شهور اذا تقدر تكسر كلمة عمك ماتقدر تكسر كلمتي
محمد:طيب بس انا مو جاهز لا بيت معي ولا حتى غرفه
الجد سعد :عادي تسكن مع أهلك
محمد:لا يمكن ملاك مو مرتاحه ببيت اهلي
ملاك والدمعه بعيونها:مصر يا جدي ؟
الجد سعد:اي بالله مصر
محمد:طيب بسس....
سعود قاطعه :محمد خلاص ملاك يرضيك الزواج بعد ثلاث شهور
ملاك طالعت فيه :لا
سعود :مو بكيفك
ملاك :وش الي مو بكيفك انا بتزوج ولا انت ترا طفشت كل شوي تقدمون زواجي حسستوني انكم ماتبوني
سالم:اهدي يا بنتي طيب تبين تسكنين بيتي ؟
ملاك :اكيد ما ابي بيت لحالي
سعود :خلاص الزواج بعد ثلاث شهور مافي نقاش طلع سعود وطلعو سالم وسعد ومابقى الا ملاك ومحمد محمد معصبب:
هاذا الي ناقص
ملاك :اهجدد
محمد :ليه ماقلتي ابي بيت لحالي
ملاك :تستهبل اقعد لحالي
مسكها محمد :ترا محد بداري اني بتزوجك غصب عني اذا تزوجنا شلون بنام مستحيل بغرفه وحده
ملاك:سهله انا على السرير وانت على الكنب
محمد:قولي انك تستعبطين
ملاك:لا
محمد :تدرين النقاش معك ولا شيء
طلع محمد وقعدت ملاك تفكر ليش الزواج بعد ثلاث شهور وهم مخططين بعد الثانوي راحت غرفتها وانسدحت تبكي
دخلت عليها ملاذ والنور طافي شغلت النور وملاك تخلت بالبطانيه
ملاذ : ملاك قومي اشتقت لك
سحبت البطانيه وانصدمت من بكاء ملاك
ملاذ:بسم الله عليتس ملوكتي شصاير
ملاك :زواجي بعد ثلاث شهور
ملاذ :تسهبلين
ملاك:وربي
ملاذ:سلامات ليششش
ملاك :مدري جدي وأبوي قررو ذا الشيء
ملاذ قعدت ماسكه على رأسها :عمي سعود وجدي بيجيبون لي الجلطه
ملاك :ملاذ ما ابي اتزوج وحظنت ملاذ تبكي
ملاذ :عيوني لا تبكين
ملاك كملت تبكي وملاذ تطبب على راسها الين نامت ملاك
ملاذ فوق راس مكينه والدموع بعيونها
نامت ملاك وملاذ حطتها على سريرها وطلعت بشويش
طلعت لقت قدامها ميار :شفيها
ملاذ:زواجها جاب لها هم
ميار :ليه بسم الله عليها
مسكت ملاذ ميار من أكتافها وطلعو للمزرعه يمشون
ملاذ:جدي قدم زواجهم بعد ثلاث شهور
ميار :تمزحين
ملاذ :وربي
ميار : لا يستهبل عمي سعود ولا شوضعه
ملاذ : اخخ لو مو عمي كان وريته شغله
ميار حظنت ملاذ :خايفه على ملاك
ملاذ :حتى انا
ـــــــــــــــــــ
قسم الرجال
قام عبدالله :سعود شجاكك البنت لسا صغيره توها طالعه من ثاني ثانوي وانت بتزوجها
سعود :خلاص انا قررت وانتهى الموضوع
عبدالله :لازم تتعالج انت اي والله
طلع عبدالله معصب
نجي عند محمد كان يمشي قرب الجبال وهو يفكر
وش بيصير بحياته بعد ثلاث شهور
تقدم نواف :مبروك يا عضيدي
محمد:على ايش
نواف:زواجك بعد ثلاث شهور
محمد:تكفى اسكت
نواف :يا رجال عادي ترا كنت تحبها يعني تعود
محمد:هاذاك انت قلتها كنت خلاص الحين لا
نواف:بتتزوجها وبيرجع حبك لها صدقني
محمد:مستحيل
نواف :مافي شيء اسمه مستحيل
محمد :امش وسكر على السالفه
يمشون ويسولفون
ـــــــــــــــــــ
نجي عند ملاك
صحت ملاك الساعه 6المغرب
راحت تغسل وجهها وصلت المغرب
طلعت تبي تروح المطبخ
قابلت محمد
ملاك ماتطالع فيه
محمد جا وطالع بوجهها ومسكه :كنتي تبكين
ملاك وخرجت بيده :لا كنت تعبانه
محمد:ترا اعرف الشخص من عيونه كنتي تبكين
ملاك :لا ما كنت ابكي ليش ابكي
محمد:عشان زواجنا قرب
ملاك:لا عادي
مشت بتروح المطبخ ومسكها محمد ودخلها الغرفه حقتها
ملاك :نعممم وش تبي فيني
محمد مسكها :قولي لي وش فيك وافكك وسكر الغرفه بالمفتاح
ملاك :ليش ما تكلمت وقلت لا ما ابي ابي بعد سنه أن شاءالله ثلاث سنوات ليش ماعارضت ليشش
محمد:تحسبيني كذا ترا تكلمت قدامك ومن وراك وكلما عمامي كلهم وجدي قال لو ماتزوجت بعد ثلاث شهور بغضب عليك وكانت عمامي كلهم لكن تعرفين الصغير كلمته ماتنكسر
ملاك :شقصدك
محمد :ولا شيء
قعدت ملاك على السرير وعيونها حمرا :الحين انا كيف بعيش معك قلي كيف ؟,
محمد قعد قدامها :الحين انتي خايفه من هاذا الشيء سهله بنتزوج وتكون بينا مسافه صح بنام نفس الغرفه لكن بأماكن مختلفه و الغرفه كبيره مره جزء لك وجزء لي أنا وبعدين اخذ قرض وأخذ بيت وتكون انتي غرفه وانا غرفه
ملاك :طيب بس انا ما احب الوحده
محمد:معليه بتقعدين عند اهلي ونرجع البيت وقت النوم
ملاك :صدق
محمد:صدقين يلا امسحي دموعك يا البكايه
ملاك :ماني بكايه
محمد:الا
ملاك :لا
محمد قام وطلع وقبل يطلع :لا تطلعين بذا الشكل عشان مايشكون انك كنتي تبكين بيني قدامهم انك عاديه عشان آل زيدان مايحسون اني ماخذه غصب عنك
ملاك :طيب
طلع محمد وراحت ملاك تبدل بجامتها ولبست تي شيرت اسود وبنطلون ابيض وربطت شعرها وطلعت
راحت عند البنات دخلت الغرفه وكانت الانوار مو شغاله شغلتها وطلعو البنات يصارخونن :مفأجاهههه
ملاك تطالع فيهم مبتسمه :وش ذا
شوق:قررنا نفاجئك قبل نسافر
ملاك : تسافرون؟
سرور :ايه بنسافر بعد ساعتين
ملاذ :ملاك شفيك نسيتي حتى حن بنسافر المدرسه قربت
ملاك :يوههه ما ستوعبت
دخلت ملاك وقطعت الكيكه واعطوها البنات هدايا
وأخذت هدية ميار وكانت عباره عن صورة ملاك ومحمد بالملكه
ملاك :مين هديته هاذي
ميار :انا
ملاك:يا حيوانه وضحكت
خلصو البنات وسافرو عائلة آل زيدان نقدر نقول بيباي آل زيدان نلتقي بمناسبه ثانيه
راحو البنات يكملون سوالف وقالت ملاذ :
بنات المدرسه قربت
ملاك :طيب ؟
ملاذ :ما اشترينا شيء وطبعا هاذي آخر سنه لازم نكشخ كشخه
ملاك :انا طلبت اغراضي من شيء أن باقي لي المريول والأدوات حقت المدرسه
إيلام :افف ووش طلبتي انتي
ملاك :طلبت ميكب واكسسوارات وشنطه
ايلان :واضح للمدرسه
ضحكو البنات
ايلاف:بنات يمديكم تروحون الحين
ملاك :يا حظك جامعيه ماتشترين مريول
إيلام وايلان :اححمممم صرنا جامعيات
ايلان :إيلام مين باقي يدرس الثانوي يعع
إيلام ضحكت :كيف تعرفون أنها توها متخرجه من الثانوي
طاحو البنات ضحك
ملاذ :بنروح انا وملاك وميار ونارين
ايلان :والله بروح معكم
ملاذ :لا اقعدي مين باقي يدرس ثانوي
اييلان:والله اروح
راحو البنات يلبسون عباياتهم
ملاك:نارين انقلي عندنا
نارين :تعرفين عمل ابوي مااقدر
ملاك :ايه صح
دقت ملاذ على مسفر
ورد :
مسفر :الو
ملاذ :مسفر تكفى ودينا السوق
مسفر :ليه في عزيمه؟
ملاذ :لا يا دلخ مدرسه ققربت
مسفر :ومالقيتي الا انا
ملاذ :بليززز
مسفر :خلي الحب يوديكم
ملاذ :ايشش
مسفر :ترا اعرف أن عبدالملك يحبك وش مشاعرك تجاهه؟
ملاذ:هاذا موضوعنا اخلص بتودينا ولا لا
مسفر :لا بقول لواحد من العيال يوديكم
ملاذ :طيب
مسفر :خليك مع الخط لا تفصلين
راح مسفر عند العيال وقال :البنات يبون يروحون المول يشترون اغراض المدرسه مين بيوديهم
نواف:خلي محمد يوديهم
محمد:وش دخلني انا
مسفر :يلا يا بطل قوم وديهم
محمد:لا طبعا
مسفر :يلا
تأفف محمد وقام
وراح مسفر يقول لملاذ :يلا أجهزو محمد بيوديكم
سكرت ملاذ وقالت :محمد بيودينا
ملاك:يا ليل النشبه امشو يا بنات
لبسو البنات عباياتهم وطلعو عند محمد
طلعوا البنات ومحمد ناظر يد ملاك ولقاها مو لابسه الخاتم
تقدم محمد عندها :مضيعه شيء
ملاك تطالع بنفسها :لا
محمد:الا تأكدي
ملاك :يا بن الحلال مو مضيعه شيء
طلع محمد الخاتم ولبس ملاك
محمد:الا مضيعه هاذا
ملاك :ما انتبهت
محمد:انتبهي مره ثانيه
ركبو السياره وميار تحلف على ملاك تجي قدام
ملاك :والله ما اركب اخوك انتي شدخلني
ميار :لاانتي الحين زوجته اركبي
ملاك:والله ما اركب
وبدو بتهاوشون ذي تحلف على ذي وذي تحلف على ذي
جتهم ملاذ :خلاصصصص عجيز انتم تحلفون على بعض
ركبت ميار ورا وناظرت ملاك :ام سوري بيبي مافي مكان
ملاك طالعت :فيها اوريك ماني راكبه قدام وجلست بحظن ميار
ميار :قومي قدام
ملاك :لاااا
محمد نزل من مكانه وراح عندهم
محمد:شفيه
ميار :خل ملاك تركب قدام
ملاك :لا ميار تركب قدام
محمد:ميار اخلصي علي اركبي قدام
ميار:لا طبعا
ملاك :هو قال ميار يلا قومي
محمد:خلاص بعد الين العشره والي تصير العشره عليها تركب قدام
ملاك وميار :طيب
عد محمد وجت العشره على ملاك
ك
ملاك فتحت عيونها :لا لا غش عيد من جديد
ميار :لا مو غش اركبي قدام
ملاك :لا انتي اخ....ما كملت كلامها الا محمد ساحبها ومركبها قدام وأمن الباب عشان ماتنزل
ملاك:خيرر
محمد:العشره جت عليك اقعدي وانتي ساكته ولا مافي اغراض مدرسه
سكتت ملاك وقعدت تتأمل الطريق
ملاذ همست لميار :كفو
ميار بنفس الهمس :ملاك ماراح تعطيه وجهه احس
ملاذ :اهم شيء ركبت قدام
حركو وملاك تتأمل الطريق
ومحمد يفكر ملاك تهوجس ومحمد برضو هو يهوجس
قاطعتهم ميار :سولفو يا خي
ملاك :ابغى هيفاء
ميار :تبين هيفاء
ملاك بوجهه بريئ:ابي
ميار:تمم محمد حط هيفاء
محمد:لا طبعا
ملاك ناظرت لميار وغمزت لها وميار فهمت عليها
ملاك :ليهه ماتبي تشغل هيفاء
محمد:لا
ملاك بصوتها البريئ:بليززززز
محمد:لا
ملاك بدلع:حمودددد يلا ولا بزعل
محمد:وش اسم الاغنيه الي تبينها
ميار ضحكت :خروففف
محمد:اصص مالك شغل
ملاك طالعت بميار :لا تخربين علي اص بينكسل
محمد:اكنسل؟
ملاك :لا ماعليك كمل
اخذت ملاك الجوال وشغلت الاغنيه وبدت ترقص مع كلمات الاغنيه :
لو كنت كتاب انا كنت كتاب
عن الجمال لو في سؤال عن الدلع
انا اجابة السؤال لو كنت سكة
هكون يمين انا عمري ما اكون شمال
معادله صعبه وحلها محتاج الف احتمال
لو كنت لعبه كنت هبقى عروسه باربي
لابسه بمبمي أما قلبي عمره ما يلعب بيه عيال
ميار :فديت النرجسيه يا شيخه
ملاك :يحق لي
محمد:ابو جوكم يا شيخه غيري غيري
ملاك :نفسيه
محمد:وش قلتي
ملاك:ماقلت شيء
وصلو المول ودخلو البنات يشترون اغراض المدرسه
خلصو البنات وقالت ملاك :شرايكم نروح نتعشى
ميار :تم
راحو بيتعشون وطلبوا واخلصو اكل وطلعو
هالمره ملاك ركضت وركبت ورا طالعت بميار وقالت:يلا بيبي قدام
ميار :اوريك
ركبت ميار قدام وحركو البيت
نزلوا البنات وراحو يغسلون وجهزو أغراضهم ونامو
انتهى البارت حبايبي
اعذروني عن التأخير
يمكن ما انزل بارت اسفه مظغوطه😔
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
