نسوي سكب للأيام ونجي عند ملكة ابطالنا «مـحــمـــد&مــــلاك»💍
كان سابع العيد ملاك بسابع نومه
جت ام عبدالرحمن:هييييي ملاك قومي اليوم ملكتك ونايمه يا ربي وش ذي البنت
ملاك :وش اليوم ؟
ام عبدالرحمن :ملكتك
ملاك :اففف اقصد وش اليوم
ام عبدالرحمن :الاربعاء
ملاك :خلاص بقوم
ام عبدالرحمن:تروشتي
ملاك :لا
ام عبدالرحمن مسكت رأسها :يا ربي شوضعك انتي
دخلت ملاك تتروش شاور عميق
وطلعت لقت كل البنات بوجهها
ملاذ :اهلا بعروستنا
ملاك :هلا فيك
بشاير :طبعا بمناسبة اليوم الجميل جبت لك هديه
ملاك :بيشوو شكرا ماله داعي تكلفين على نفسك
بشاير :مامن كلافه دامها ملاك كل شيء لعيونتس يهون
اخذت الهديه وكانت عباره عن صورتها وجنبها كندر وحليب شوكولاته وورقه مكتوب فيها كلام مدح لملاك
ملاك دمعت :اوههه ثانكس عمري انتي وبدو يحظنون بعض
دخلت ميار :ملاك يالله موعدك
ملاك :موعد ايش
ملاذ سحبتها :انتي لا تعرسين مره ثانيه لبست ملاك عبايتها وطلعو حركو للمشغل
كان يسوق عوض
عوض :هلا بعروسة قلبي
ملاك نايمه
ملاذ:الحين ذي وجهها وجه عروس شوفو كيف نايمه
ميار :يا حياتي وجهها تعبان
ملاذ :لو انها انا يجيني توتر عاد هي ماشاءالله نايمه ومرتاحه
عوض :خلاص خلوها
إيلام :الحين ملاك بتتزوج وماعاد في أحد يلعب معي سوني
ايلان :هاذا الي هامك
ــــــــــــــــــــ
عند العيال
محمد اخذ سنه يتروش
نواف:يا ولد عجللل على الحلاق
محمد:طيب الحين اطلع
نواف:يلا
محمد طلع :حتى الإنسان وهو بالحمام مايرتاح
نواف:اقول اخلص الحلاق ازعجني
محمد لبس ثوبه وراحو الحلاق هو ونواف وعبدالملك
وصلو الحلاق
عبدالملك :صديق انت نفر هادا سيم سيم هادا زوج مال اخت انا
محمد يطالع في عبدالملك :لا قوله وين بنسوي الملكه قله
عبدالملك :اكيد
وطالع بالحلاق:صديق هادا ملكه رياض
قعد محمد وبدأ يحلق
خلص وتهاوشو عبدالملك ونواف
نواف :دوري
عبدالملك :لا انا
نواف :لا انا
ملكة ولد عمي
عبدالملك :وانا اختي
الحلاق ماسك على رأسه وذولا يتهاوشون
جاهم وليد :تستهبلون خلصو جدي يحتريكم
حلق عبدالملك بعدين نواف وخلصو
ـــــــــــــــــــ
في المشغل
دخلو البنات وعوض راح يحلق وجيب ثوبه
دخلت ملاك وقالت الهير ستايل :
انتي العروسه؟
ملاك :ايه يا عيني
الهير ستايل:ماشاءالله ملامحك واضحه وتجنن تبين ميكب ثقيل
ملاك :لا يا عيوني ميكب يناسبني
الهير ستايل :تبشرين
بدت تسوي الميكب بعدين الشعر وخلصت وطالعت بملاك :
ماشاءالله تبارك الرحمن يا رب يحميك طالعه احلى من القمر صدقيني خطيبك بيطيح على خشمه
ملاك بهمس :ليته يتكسر مو بس يطيح
الهير ستايل:قلتي شيء
ملاك :لا يا عيوني الحين اقدر البس أظافري أو لا
الهير ستايل :هاتي اركبها لك
ملاك :لا يا قلبي تعبتك معي خل اريحك شوي لان ماشاءالله جايك جيش
الهير ستايل ضحكت :الله يوفقك
طلعت ملاك وشافوها البنات
ملاذ :يا الهي ماهذا الجمال يا أختاه
ميار :أنها تشبه القمر يا ابنة العم
ملاذ:هيا بنا نحصن ابنة العم
ملاك ضحكت :سوف اذهب الى الاسفل لاركب أظافري سوف التقي بكم بعد قليل
ضحكو البنات على استهبال الثلاثي المرح
ايلان :بس ماشاءالله طالعه تهبلين
ملاك:ياعيوني حتى انتو قمرات
راحت ملاك تركب أظافرها خلصت وقعدت تفكر بمستقبلها مع محمد صحيح الايام الي فاتت ماتشوفه لكن اليوم بيقرب منها وبيصور ويرقص وياكل معها قعدت تفكر وجتها وحدها من ورا غمضت عيونها بشويش عشان الميكب
ملاك :مين
مريم :احزري
ابتسمت ملاك وقامت لفت وصرخت يوم شافت
ملاك:مريومممم يا حيوانه قلتي ماراح تحضرين
مريم:افا انا اسحب على أختي بيومها المميز
ابتسمت ملاك بضيق وقالت لمريم :اقعدي
قعدت مريم وقالت لها ملاك كل شيء من يوم سالفتها هي ومساعد الين هنا
مريم مسكت رأسها وودها تبكي :معقوله كل ذا صار لأختي وانا مدري
ملاك :من حقك ماتدرين عشان ماتتضايقين
مريم :أحسبك بتتزوجينه عن حب
ملاك :هو كان يحبني بس انا رفضته وصار يعتبرني أخته وقالها لي اذا تزوجنا ماراح يصير بينا شيء بس اخوه وانا قلت سنه سنتين وننفصل
مريم:تنفصلين بعمر صغير !!
ملاك :هو بعد قال زيك بس ما اهتم خلاص اقطعي السالفه وخل نمشي مشو البنات وراحت ملاك وشافت الكل جاهز
ملاك :أدق على عوض يجي ؟
ليان :ايوه
طالعت فيها ملاك :وين ليلى؟
ليان :سافرت امريكا عند عمي بتدرس الجامعه هناك
ملاك :الله يوفقها يلا مشينا
لبست ملاك عبايتها وطلعت برا المشغل وهي طالعه شافت محمد ولبست الطرحه ومحمد بعد شافها وابتسم من تصرفها
عوض :دامكم كثير توزعوا
محمد:مع أني معرس المفروض ما اودي أحد بس بودي خواتي
عوض:ياي معرس تراك انت الي بتجيب الذبايح وانت الي بتاخذها تصلخها عن الدلع عاد
ضحكت ميار بصوت عالي :اخخخ اتخيل شكلك وانت تشيل الذبايح بالبشت اخخ بطني بموت
محمد:اقول امشي بس عوض بشيل ميار ومنيره وريم وارجوان وليان وبنات عمي عبدالله وانت شيل الباقي
عوض:ليه ماتاخذ ملاك
ملاك :لا ويع مابي معه
محمد:احسن
كانو بيتهاوشون وسكتهم عوض:
خلاصصص ترانا بالشارع
ملاذ:استغفرالله ملكتهم ويتهاوشون توزعوا البنات طبعا بنات آل زيدان لسا بالمشغل بياخذهم عساف بعدين
حركو للقاعه ووصلو دخلت ملاك ومسكتها الجده فاطمه تحصنها:بسم الله عليتس يا بنيتي
ملاك ابتسمت ومسكت يد الجده وباستها:وش ذي الحلاوه يا ام عبدالله ماعرفتك
الجده فاطمه:ملكة نور البيت وماتبيني اكشخ
ملاك ابتسمت :غطيتي عليهم يا جده وباست رأسها وطلعت فوق
جبتها ميار:ملاك تقول المصوره تلبسين وتنزلين بتاخذ لك صور لحالك
نجي نوصفهم
ملاذ :لابسه فستان قصير لونه بيج بدون اكمام شعرها ويڤي فوق مربوط والباقي على راحته
ميار:لابسه فستان قصير لونه اسود اكمامه طويله شفافه شعرها ويڤي على راحته
ايلان وايلام :لابسين فستان فاتحه الأكمام لونها وردي
مفتوحه الاكمام رابطين شعرهم ومنزلين خصلتين
نارين :لابسه فستان اخضر مكمم من عند الكف فتحه نص
طويل الفستان ورافعه شعرها
نجد :لابسه فستان احمر طويل اكمامه طويله شعرها مسويته ذيل حصان ستريت
نجود :لابسه فستان طويل لونه احمر مفتوح الأكمام
ليان :لبسه فستان قصير لونه اصفر. رافعه شعرها
منيره لابسه فستان طويل من قدام ابيض ومن ورا ازرق مخليه شعرها على راحته ستريت
ريم :لابسه فستان طويل كم ايه وكم لا رافعه شعرها
ارجوان :لابسه فستان اسود قصير شوي منفوش ومسويه شعرها ويڤي نص مربوط والباقي على راحته
بنات آل زيدان كلهم لابسين قصير لونه اسود كلهم ماعدا بشاير لابسه فستان وردي
مريم :لابسه فستان احمر قصير مفتوح الأكمام
ختامها مسك بطلتنا ملاك :لابسه فستان سماوي من فوق ضيق ومن تحت منفوش مسويه شعرها ويڤي مخليته على راحته
نزلت ملاك تتصور وبعدين خلصت وطلعت
ابتدت الملكه والمعازيم يجونن
ــــــــــــــــ
قسم الرجال كان الكل متظبط متكشخ
محمد كان برا يجيب الذبايح
ونواف وسلطان وعبدالملك يستقبلون وعوض بقهوي الرجاجيل جا الشيخ
ركض نواف لمحمد:محمد يلا يلا
محمد:ابك ووشو
نواف:الشيخ جا
محمد:اصبر بخلص الذبايح
نواف مسك رأسه وسحب محمد:عجل يا شيخ
سحب محمد وقعده جنب الشيخ
بدا الشيخ يقول الكلام ووصل الين :يا ابو عبدالرحمن قل زوجتك ابنتي ملاك على سنه الله ورسوله
سعود :زوجتك ابنتي ملاك على سنه الله ورسوله
الشيخ لف لمحمد:قول وانا قبلت
محمد:وانا قبلت
الشيخ :بارك الله لكما وعنكما قام محمد يسلم على عمه سعود وراح يسلم على عمانه وجده والضيوف كلهم
اخذ الايباد ووقع وأعطاه عبدالملك الايباد ووداه عند ملاك
راح عبدالملك وشاف ملاك بكامل كشختها دمعت عيونه
عبدالملك :ما اصدق ان اختي الصغيره عروس
ملاك :ترا لو تبكي بكيت
عبدالملك:لا لا كل شيء إلا دموعك يلا وقعي
ملاك وقعت وهي ماتبي وجا عبدالملك حظنها:الله يبارك لك يا عيوني راح عبدالملك ودخل :تراها الحين صارت زوجتك وربي لو تزعلها اجيب خيزرانة جدي
ضحك محمد :ادخل الحين ولا لا ؟
عبدالملك :ايه ادخل خمس دقايق لا اكثر
محمد:بعد دقيقتين تلاقيني عندك
عبدالملك دخل محمد وراح
ملاك ماتبي تدخل وميار تتدفها
ملاك :ما ابي ادخل
ميار :لازم شوفه
ملاك :ليش وانا دايم اشوفه كل يوم
ميار :يلا عادي خذي دقيقتين واطلعي
دخلت ملاك وهي مكشره ومحمد يطالع فيها وما شال عينه
قاطعته ميار يوم دخلت هي والمصوره
ميار :يلا حبايبي تصورو
ملاك فتحت عيونه
وهمست :ميار ما اتفقنا كذا
ميار :عادي يلا
ملاك وقفت جنب محمد وبدو يتصورون
ميار :ترا مو داخلين الأحوال تغيرون صوركم سوو حركات رومنسيه
محمد ابتسم بخبث
ملاك :لا حن اتفقننا بســ قاطعها محمد لما لف عليها ومسكها من خصرها ملاك فتحت عيونها:ورع شتسوي
محمد:ما احب الفلسفه الزايده خل تصور كم صوره وتفكنا
ملاك :طيب بســ محمد قاطعها :اص خل تصور ابتسمي
ملاك تبتسم وميار تطالع فيهم :كيوتتت
المصوره :احظنها ببشتك
محمد:لازم؟
المصوره :ايه
حظن محمد ملاك بالبشت وملاك تقول :كتمتني وش ذا البشت
محمد :ماسويت شيء حرام حلالي جت بتبعد بس مسكها وظل حاظنها
المصوره:يا المعرس حط جبينك على جبينها
ملاك بققت عيونها :لا كذا كثير
محمد:خلاص خل نسويها
ملاك :سلامات لا
محمد مسكها وحط جبهته على جبهتها :خلاص اهجدي
ملاك:والله ما اخليتس يا ميار
محمد يناظر في عيونها وقال:
سحرتني بعيونها الجذابه
كنها نجم نازل من السماء
ملاك ناظرت فيه:انت وش تقول
محمد:أخبص بس
ملاك:اشوااا بس بعد عني
تصورو وطلعت المصوره
ملاك :خلاص الين هنا وستوب كفايه
محمد تبطح على الكنبه :افف احس تعبت
ملاك رفعت سبابتها:شف حركات زياده واطلقك
ضحك محمد:انا الي أطلق مو انتي
ملاك :اي عادي بطلقك
محمد قام من الكنبه :تطلقين مين ؟
ملاك :انت
محمد :لا والله
وبدأ يقرب وملاك تبعد الين التصق ظهرها بالجدار
محمد:والحين بتطلقيني
ملاك بتوتر :ابعد عني
محمد :بتطلقيني
ملاك :ايهه وش بتسوي مثلا خوفتني لا ماخوفتني
محمد قام وباسها على خدها وقال :تنكتمين ولا انا اكتمك
ملاك واقفه مكانها وتناظر فيه
ومحمد بعد عنها وطلع وطالع فيها :يلا روحي زفتك بتبدأ بعد شوي طلع محمد وملاك واقفه مكانه واستوعبت وفحست خدها :الله ياخذك
وطلعت برا لقيت البنات يستنونها
ملاذ تغمز:أجل تقولين حظنها بالبشت
ميار :ايهه ومسكها من خصرها بعد
ملاك :الله ياخذك يا اخبار السودان مشت والبنات يضحكون قعدت ملاك تهوي نفسها وجتها ام عبدالرحمن:يلا يا ملاك وقت زفتك
ملاك :يالله طلعت ملاك من الغرفه وشغلو لها زفه
وبدت تمشي مع الدرج مشت تنزل مع الدرج بكل ثقه ورافعه رأسها وتمشي مع الزفه الي اختارتها ميار
تمشي ملاك الي نزلت تحت وتمشي الين وصلت الكوشه
جا دور محمد ينزف وانزف على زفه من اختيار عبدالملك :
محمد بخير وهنا
عريسها نبع الوفاء
مصدر فخرنا كلنا
نوصيك يا محمد
بها اسعدها وأسعد قلبها
وصونها بجوف العيون
تلقى السعاده بقربها
هاذي امانتنا لديك
بالود نهديها اليك
هي قرة عيون أهلها
وقلبها لايق عليك
ذي ملاك نبض قلوبنا معاك
لا تزعل نور عيوننا والنظر
يمشي محمد وهو يطالع بملاك وملاك تطالع فيه
وصل لين عندها ووقف جنبها
تقدمو الأمهات يسلمون عليهم وجت جدتهم وسلمو عليها
مسك الخاتم محمد وبدا يلبس ملاك
وملاك سحبت الخاتم ومسكت يد محمد بقوه
محمد يضحك من الالم:يدي
ملاك:جعلها الكسر
محمد:تضحكين وربي
انتهو من تلبيس الخواتم وتقدمت ام متعب ترقص مع محمد وملاك وجت ميار ترقص مع محمد وملاك وتحاول تخلي ملاك ترقص مع محمد
محمد :ملاك
ملاك :هاه
محمد:نرقص
ملاك :تعقب
محمد:على شحمه
ومسكها من خصرها وبدا يرقص معها وميار تصور
والبنات يصارخون
ملاك :قدها
محمد:ايه
ملاك :اوريك كملت ترقص معه وتدعس رجوله وهو ولا همها وعشان يقهرها رفعها فوق ودار فيها والبنات يصارخون
ملاك :يا حيوان نزلني
نزلها وكما رقص الين انتهت الاغنيه
ملاك :وربي اوريك مو هنا بعدين
محمد:ايه بعدين وطلع من عند الحريم
وتقدموا البنات يرقصون مع ملاك
وراحت ملاذ شغلت شيله وبدت ترقص هي وملاك ويطالعون بأخت سميره :
ذيك الي مغتره وذابحها الغرور
ـ
لو كان بالمكياج شدت حيلها
ـ
قولو لها ممنوع بـ الزين المرور
ـ
تبطي تنافسها ومطول ليلها
ـ
هذي هي الي رافعه قيمة ديور
ـ
كل ماشرت حاجه شلع موديلها
ـ
وهذي هي الي تزيد نور الأرض نور
ـ
ارقاب خلق الله تميل بميلها
ـ
كملو يرقصون وخلصت الشيله
وراحت فرح وشغلت اغنيه :
يا مدلع الدلع
دلعني يواد كدا
ده انا قلبي يتوجع
شككني بده وده
يا مدلع الدلع
دلعني يواد كدا
ده انا قلبي يتوجع
شككني بده وده
ويا ليل الجرح مر
وخلي الايام تمر
ويا ليلي يا ليلي مر
خلي الايام تمر
خلينا نعيش بهدوء
بشويش رقصني يا جدع
قشطه اوبا اوبا يلا نغني
كله يسيب نفسه
يرقصون البنات ويتمايلون بخفيف
طلعوا سميره وجنى وشلتهم يرقصون وكل وحده اخيس
من الثانيه تقدمو ميار وملاذ يرقصون ودعسو على فستانين شلة سميره وأختها وطاحو كلهم
والكل بدأ يضحك نزلت سميره وأختها والحقد يملى عيونهم
كملو رقصو وانتهو
ــــــــــــــــــ
قسم الرجال
محمد كان قاعد وقال:ياخي طفشان
نواف :فكره يا عيال نطلع برا الين تفضى الاستراحه ونرقصص
محمد:تمم
طلعوا برا يغنون اي اغنيه تطلع ببالهم
نواف:خلينا نغني شيلات
محمد:تم بس خل افصخ ذا البشت الي جاب لي كل شيء إلا السعاده
نواف:يلا نغني
بدو يغنون :
وليف الروح تدري من تكون
ـ
غرام القلب واغلى من عيوني
ـ
انا لك قلب في طبعه حنون
ـ
وابي قلبك فضاي وكل كوني
كملو يمشون يسولفون
مشى الكل وعائلة آل سعود وآل زيدان مشو الديره
وصلو وكانو ميتين نوم دخلت ملاك تمسح المكياج وراحت بتنام والكل نام انطفت انوار قصر آل سعود ونامو
انتهى البارت الي كان تعيس على أبطالنا وسعيد لنا
الكاتبه :جيلان العتيبي ✍🏻
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
