﷽
روايـة بقـلمي : يـوم الدجـن .
زهـراء محمد : زآزي .
يا عون من ناداك في النوائب
" نادي عليا مظهر العجائب "
~~~~~~~~
صدك لفك تراب وشالتك كاع
وصدك لفك جفن مثل اليموتون
وصدك وياك اشوفن ساعة اوداع
وصدك عني رحت مثل ليروحون .
سؤال اليوم : شي مايكمل يومك بدونة ؟؟
عمري لاتنسون التصويت ومتابعة الحساب لطفًا 🫶🏻🤎.
واگفة خالة مقابيل جسام تهلهل بفرح ،
غامرها الفرح من كُل صوب ،
جسام واگف مكتف ايدة ويضحك فرحان ،
سكتت خالة لزمت أيدة وأردفت بفرح مامصدگة
امل :- ولكككك يمة صدگ ؟؟
هز راسة بفرح ،
جسام :- اي والله يمة هستوهم خابروني .
امل :- يمن أروحلك فدوة على هل خبر .
أخذت راسة تبوس بي ماقبل هوة وباس راسها وأيدها ،
تقدمنا بفضول محاوطنا علينن كل هل هلاهل ؟؟
سُرى :- شنو ماما شكو ؟؟
اندارت باوعتلنا ،
امل :- خوالجن يمة جوالكن راح يرجعون لبيوتهم سالمين ، الف الحمد الك ربي .
طفرنا بفرح أني و سُرى ،
سُرى :- صدگگ ؟؟ يعني خوالي راح يرجعون الـ بغداد ؟ يايييي .
رحمة :- الف الحمد لله الف لحمد لله .
رجعت خالة أندارت ؏ جسام لزمتة من أيدة تنشي يگعد ،
امل :- ولك يمة تعال أگعد سولفلي وبرد گلبي .
تقدمنا بحماس گعدنا مقابيلهم
رفع ايدة عدل شعرة وأردف بهدوء كـ عادتة ،
جسام:- ماعرف الموضوع كلة بس قبل شوي خابرت الـ خالي أمجد وسولفي العصابة لي تلاحگهم ،
لازميهم لحمد لله كلهم ،
وكلهم هسه انسجنو يعني إذا رجعو هنا كلش أمان وهاي هسه هما يحملون بغراضهم واحتمال هسه طلعو .
أنت تقرأ
يوم الدجن
Actionفي مُـكان وزمـان في الحرب وألامـان . في الاخـذ والعطـاء يقتلون ارواح الابريـاء يشؤن حرب بين الاشقـاء يفعـلون مايشـأون يقتـلون ما يريدون . في مُكـان نرى طيغانهم وكيدهـم وانعدام ضمائرهـم . * القصة حقيقة * بقلمي :- زهراء محمد
