الجزء الخامس عشر

2.9K 375 124
                                    

#طريق_يؤدي_اليك

بسم الله نبدأ حكايتنا
.
.
.
.
.
.
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
.
.
.
حتى الأمور التي نسيطر عليها
يوماً ما سنتركها من شدة التعب
.
.
.
.
بثينة
__________________

مرهقة بقلب مثقل بالهم
حزينة بعيون باكية

واگفة مقابيلهة وهي ترمي غضبهة
العارم ناحيتي
معللة سبب دموعهة وكلام
زميلاتهة بالمدرسة
سببة اني

غصيت بحسرتي واني أحاول أفهم
كلامهة المختلط بغصة ودموع

-من وراج همة ضربوني
ألتمن كلهن علية وگامن يصيحن
بنت الخباااازة بنت الخدااااااامة

وكملت كلامهة بأنهيااار

-انت لتشتغلين بعد تخبزين ماااااريد
لترحين يمهم كلللللهم لترحييين ليش متشتغلين
مثل أم حيدررررر ليش متشتغلين مثل خالة جنة
شغل حلوووو مو تخبزين ماااااما
البنات بعد يكررررهوني ميحبوني

جمدت بعد كلامهة
وتوجهت الهة سحبتهة للغرفة
جوة نزعتهة ملابسهة
ولبستهة غيرهن
طلعت غسلت وجهة عدلت شعرهة
وخليتهة دخلت للغرفة هي واني
دخلت المطبخ
خليت صينية الغدة گدامهة وطلعت
رجعت بعد نص ساعة الأكل بمكانة وهي نايمة
رفعت الصينية من يمهة
ورحت للهول تمددت عالقنفة
أحس دماغي بعد ميريد يشتغل
لازم أنام ألم الكلام وأحساسهة ناحية
شغلي رغم هي طفلة لكن جرحني
گلبي يعصرني حيييل
أريد أبجي بس دموعي جمدت
غمضت عيني بتعب ورحت بالنوم
مااعرف شگد مر وقت
بس حسيت عليهة من تگعدني

-ماما گعدي الباب جاي تندگ

فزيت گايمة
لبست ربطتي وطلعت
فتحت الباب وصار عمر گبالي
أستغربت لأن وحدة
سلم علية

-السلام عليكم

-وعليكم السلام شلوونك أبو فراس

-نعمة من ربنا شلونج أم ترنيم توتة شلونهة

-الحمد لله بخير ونعمة تفضل للبيت

-بس دقايق تجي نورس من الحجي راحت
تشتري لتوتة مالحگت تشتري من البيت
أصرت تجي تشوف توتة قبل لا تبدي امتحاناتهة

-هلا هلااا بيهة بكل وقت

واحنة نحجي سمعت صوتهة وهي راجعة من ابو ياسر
شافتني وركضتلي حظنتني

-شلووونج خالة مشتاقتلج

-حبيبتي واني اكثر يلة تفضلوووو تفضلو ليش بالباب

دخلت نورس
ووراهة أبوهة وهاي أول مرة يدخل البيت
دخل للهول گعد عالقنفات
وتوتة جابتهة نورس تسلم على عمر
سلمت وراحن للغرفة هنة والعابهن وحلوياتهن

طريق يؤدي اليك حيث تعيش القصص. اكتشف الآن